Mataibo 15:6 - Northern Tepehuan Bible

⁶ Diuxi kïïga gïr aagidi saidi gï agai sai xadutuada aatïmï gïr dïïdï. Dïï gia pokaitiña aapimï sai gïn bituldaraga gïn mamaakai oigaragai sai mai xadutuadana aapimï. Dai podukai mai namïakami dukai nïidi aapimï Diuxi ñokidï bamioma ïïgiditai aapimï gïn bituldaraga— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁶ Dai ispotʌiya ʌmaadutai mai aapimʌ pocaitiña sai camaiviaa ʌgai issoicʌdagi gʌooga siʌpʌ gʌdʌʌ. Dai poduucai aapimʌ mosgajiaadʌrʌ vipieeyi istumaasi ipʌlidi Diuusi ducami isiʌrʌmo istumaasi maicʌʌgaducamicagi. Dai baiyoma ivueeyi aapimʌ itumaasi gʌnviituli gʌnaaduñicaru.

Mataibo 15:6 ပူးပေါင်းရင်းမြစ်များ

Mataibo 15:5

—Dïï aapimï gïïpi ïma dukai aagai. Aapimï pokaiti sai xïïxkadï gïn dïïdï tïgitokagi soiñi sai bhaiga aapimï ix potïdagi sai ka mai bia aapimï ixtukïdï soiñagi, sai ka tïïgi aapimï gïn buxtuidaga Diuxi ïmo xadutudaragai dukai. Pokaitiña aapimï sai ka Diuxi tuidadï gïn buxtuidaga tudu dai sai kaxkïdï ka mai bhaiga aapimï ix soiñagi gïn dïïdï. Po tudu ikaitiña aapimï oiditai ïïgi gïn bituldaraga dai mai maakia ïrhiditai aapimï soiñi gïn dïïdï. Podukai gajiadïrï bipiayi aapimï Diuxi ñokidï ix makïdï ikaiti sai gï agai xi xadutuadagi gïn dïïdï.

Mataibo 15:7

—Agia yaataboga aapimï fariseos. Xadutuadan kaiti aapimï Diuxi dai mai buaboikïdï xadutudai aapimï tudu. Kaxkïdï go ñokituldiadamigadï Diuxi Isaias tïgidukami ojai ïïki gïn aagaitai aapimï. Oja ïgai xako ikaiti Diuxi sai,

Markos 7:13

Ka mai namïakami dukai biayi aapimï Diuxi ñokidï potïkai aapimï tudu dai ïïgi gïn bituldaragakïdï maakai aapimï ñoki. Dai jaa naana maaxi ibuayi aapimï podukai ïpï— itïtïdai Suxi.

Romanos 3:31

¿Ka mai namïakami ix dukai biayi aatïmï go sïïrhikami aidï mos buaboidaitai aatïmï? ¡Cho! ¡Xadïrï! ¡Bhaiyoma gïr buaboidaragakïdï bamioma namïatudai aatïmï go sïïrhikami!

1 Tomoteo 5:16

Dai xi ïmo oki buaboitudadami biakagi ïmo aaduñdï biudu bia ïgai xi soikïdagi. Podukai mai biakamu go gaa buaboitudadami ix maakiagi soiñi dai bhaigakamu xi soikïdagi jaa ix makïdï bamioma tïgito.

1 Tomoteo 5:8

Dïï gia xi ïmadutai go buaboitudadami mai nukadakagi ïïgi aaduñdï gobai itïiya ïrhidi sai ka dagito ïgai buaboidaradï dai bamioma galtuiga xi bhai go gaa ix makïdï mai buaboitudai. Dai bamioma ïr galtuigakami ïgai ix mai nukadakagi maamaradï dai dïïdïdï.