Mataibo 15:32 - Northern Tepehuan Bible

³² Dai bhodïrï báí Suxi go mamaatïrdamigadï sai miadïrï gukibana daidi potïtïdai ïgai, —Soi gin ïrhidi go odami bïïtarï— itïtïdai. —Ka ayi baika tasai ix tami gin ïmadï daraka ïgai dai mai bia ixtuma ugiagi. Mai otosa in ïrhidi sai nonoigïna ïgai apia dukai mai kia ugakai. Susuikitu antaada boiyamu tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

³² Amaasi ʌSuusi gʌrvai aatʌmʌ mamaatʌrdamigadʌ ʌgai daidʌ ʌpʌrtʌtʌdai: ―Soigiñʌlidi aanʌ idi oodamicʌdʌ caaayi vaica tasai istami giñʌʌmadu daraaja goovai dai maiviaa istuma ugiagi. Dai maiootosa iñʌlidi aanʌ sai noonoigʌna goovai maitaugacai, susuiquituan tada goovai voiyamu ―gʌrtʌtʌdai ʌSuusi.

Mataibo 15:32 ပူးပေါင်းရင်းမြစ်များ

Mataibo 12:40

Daiñi, kïïga maatï aapimï xoraitadai go Jonaskaru. Ïmo ñokituldiadamigadїkatadai ïgai Diuxi tudu. Dai kïï maatï aapimï ïpï saidi go Jonas baika tasai dai goka tukagi bii ïmo gïï batopa ïrana dai sai gokiïrï busai ïpamu abhiadïrï. Dai gobai ïr ïmo maaxidaragaikatadai go óídakami bïïtarï Ninibeïrï sai maatïkana ïgai sai go Jonas ïr otosadï Diuxi. Dai xibi aanï aagai sai iduñimu Diuxi ïmo maaxidaragai pomaaxkami aanïkïdï ïpï. Baika tasai dai baika tukagi bimu aanï dïbïrai uta dai bhodïrï ïpamu busaimu aanï sai gokïdï gin buaboitudana aapimï sai aanï ïr go otosadï Diuxi ix makïdï ïmo kïïrhi busai. Gobai ïr go maaxidaragaika agai aapimï gïn bïïtarï tudu dai mai tipukamu ïmai— itïtïdai.

Mataibo 14:13

Dai iji go mamaatïrdamigadï go Juankaru xako daja Suxi dai aagidi sai gï muatu go Juan. Daidi bhodïrï tïsai go Suxi ïmo barkoana dai jii xako ïgiga oidigi ïïgi daka ïrhiditai. Dïï gia go odami máí xako imi agai ïgai dai taatarakïdï iji aipadïrï go gïgïr kiikiañdïrï dai mïï ayi xako imi agai go Suxi.

Mataibo 15:33

Daidi go mamaatïrdamigadï potïtïdai aidï, —¿Dukatai tïïgana aatïmï kuadagai mosïïki odami bïïtarï? Mai tipu óídakami tanai tudu— itïtïdai.

Mataibo 20:34

Dai soi gïlda tïï Suxi go kïkïïrhi dai taata bupuidï dai bhobaxdïrï ka nïnïabatu ïgai bïï gokatai dai ïmodïrï oi ïgai go Suxi.

Mataibo 27:63

Daidi potïtïdai ïgai, —Go Suxi sïïrhikïdï yaatabogatadai— itïtïdai. —Kïïga gïr tïgito aatïmï ix ikaitiña ïgai mai kia mukukai. Aidï pokaitiña ïgai saidi xïïxkadï mukiagi sai abhiadïrï baika tasaikïdï duaka agai ïpamu.

Mataibo 9:36

Dai mui óídakami aïjïiña xako dakagi Suxi dai Suxi soi gï ïrhi go óídakami bïïtarï. Nïidi ïgai sai go óídakami mai tïtïgaitadai ix dukatai iduñagi dai kïïgakïrï óídakagi dai sai mai biakatadai ïgai xorai soiñagi tudu. Nïidi ïgai sai go óídakami ïpïan maaxkana kañiñiru ix makïdï mai biakana nukadakamigadï tudu.

Markos 9:22

—Go Diabora tïañikarudï muiyoko imidagai taiyïrï xiïpï sudaïrï daitudai gin maara mos mua ïrhiditai. Pïx ixtutiadagi xi duada ïgai soi gïlda aatïmïkïdï dai gïr soiña— ikaiti ogadï kokoadï.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Hechos 27:33

Dai xarhimodï Pabora daañimi go gaa saidi ugana dai potïtïdai, —Ka ayi goka ïkaldi ix mai dïïka aapimï kuadagai duduadimukatai.

Hebreos 4:15

Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.