Mataibo 15:31 - Northern Tepehuan Bible

³¹ Daidi go odami nïidi xïï kïïga ajiopai ix makïdï chuchuekogatadai dai ix makïdï mai bhaigakatadai aimïradagi ïpï. Dai nïidi ïgai ïpï ix ka ñokai ïgai ix makïdï mai bhaigakatadai ñokiagi dai ix makïdï mai nïadatadai ka kïïga nïayi ïpï. Dai mai tïtïgaitadai go odami ixtumaxi gïn tïtïgitoagi nïiditai gobai. Daidi ikaitiña ïgai, —Xïïxi ïr gïdukami Diuxigadï go judidiu dai pomaaxi ibuayi— ikaitiña ïgai.

Tepehuan Northern: Diuusi ñiooquidʌ utuducami oodamicʌdʌ

³¹ Dai poduucai ʌoodami maitʌʌ istumaasi gʌntʌtʌgituagi tʌʌgacai isʌmumuudu ñioocai dai duduaadʌcai ʌmomosiucʌdʌ ʌʌpʌ, dai ajioopaitai ʌchuchuecocʌdʌ, dai nʌnʌaavacai ʌmainʌaadami. Daidʌ ʌoodami gʌnaagacai siaa duutudai gʌrDiuusiga.

Mataibo 15:31 ပူးပေါင်းရင်းမြစ်များ

Mataibo 15:30

Dai ami dada mui odami dai baidati mui kokokoñiadï. Baidati ïgai chuchuekogami dai jaa ix makïdï mai bhaigakatadai ajiopadagi dai jaa ix makïdï mai nïadatadai dai jaa ix makïdï mai bhaigakatadai ix ñokiagi ïmadï jaa mui naana maaxi bipiakami kokodagai. Mui baidati ïgai tudu dai mïï tua ïgai buidïrï Suxi bai ïgai duduadi.

Mataibo 18:8

—Gïn aagidamu aanï ïmo maaxidaragai ñoki sai maatïkana aapimï xïï kabami gï agai sai maigobai dasagi toma tumaxi ix makïdï gïn abïnakiadagi sai soimaaxi ibuada aapimï dai podukai gïpiïrï gï daitudagi. Daiñi, gï agai sai maigobai daasagi aapimï tomax tumaxi ix makïdï soimaaxi gïn duiñturhiadagi dai gïpiïrï gïn surhidagi tomaxi ïr gïn ïkakagi gobai xiïpï ix gïn ïkasokagi ïpï. Xi gïpiïrï gïn daitudagi gobai gï agai sai guikutagi aapi dai maigobai daitudagi tudu. Dai xi ïr gï bujikagi ix makïdï gïpiïrï gï daitudagi gï agai sai busaidagi aapimï. Xioma ïr kïïga xi mai ïkakagi aapimï xiïpï sai mai ïkasokagi xiïpï sai mai bujikagi ïpï dïï gia sai kïïgakïrï oidakagi aapi bïïxkïrï bïïtarï. Maiti gï agai tudu sai kïïga biakagi aapimï gobai dai imiagi go gïï taiyïrï dai ami taatagi aapimï gïgïbidaragai bïïxkïrï bïïtarï— itïtïdai.

Mataibo 21:14

Dai bhodïrï mui odami mai nïadami dai ix makïdï mai bhaigakatadai imidagai mïï ayi xako dajatadai Suxi go gïï kiupiana baidi ïgai duduadi.

Mataibo 8:10

Dai kïïga bhai ïrhiarakïdï kaï Suxi go ñokidï go tïanïdami sandadaru. Daidi potïtïdai Suxi go óídakami ix makïdï oidi ami boiyana, —Kïïga ïr buaboi ixtumaxi gïn aagidamu aanï xibi— itïtïdai. —Aanï aagai sai mai tïtïgaiña aanï ïmai xorai ïpïan ïxi buaboitudagi idi tïanïdami sandadaru. Kïïga buaboitudai gobai tudu. Mai tïtïgaiña aanï ïmai xorai poïxi kïïga buaboitudadagi tomarhi gin aaduñi judidiu saagida ix makïdï tami Israelïrï óídaga tudu— itïtïdai.

Mataibo 9:32

Kia abhai kiiyañdïrï bubuakimitadai go kïkïïrhi ïgai ix makïdï duayi bupuidï bai ami dada jaa. Buapidi ïgai go Suxi ïmo kïïrhi ix makïdï mai bhaigakatadai ñokiagi biakatai ïgai ïmo diabora tïañikarudï ïrana.

Mataibo 9:33

Dai busaitu Suxi go diabora tïañikarudï bai kïïga ño go kïïrhi ïpamu. Dai go óídakami nïidi aidïxi busaitu Suxi go tïañikarudï go diabora daidi mai tïtïgaitadai go óídakami ixtumaxi gï tïtïgitoagi. Daidi ikaitiña ïgai, —Tomarhi ïmo imidagai maiti nïidiña aatïmï tami Israelïrï ix gï duadiagi ïmo odami podukai ix makïdï mai ñokaitadai biakatai ïmo diabora tïañikarudï podukai— ikaitiña.

Mataibo 9:8

Dai bïïxkatai go odami nïidi dai ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi dai gïr otoxi ïmo kïïrhi kïïga biakami gubukarhigai— ikaitimi go odami.

Markos 2:12

Dai go odami ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi. Tomarhi ïmo imidagai mai nïidiña aatïmï go maaxi— ikaitimi odami.

Markos 7:37

Dai bïï mai tïtïgaiña odami ixdukatai gïn tïtïgitoagi daidi ikaitimi, —Bïïxi aïkatai kïïga ibuayi go Suxi. Asta ix makïdï mai tïtïkaidakana tïtïkaidatudai dai ix makïdï mumudu ñokitudai ïgai— ikaitiña odami.

Markos 9:43

—Dai xi gï nobikïdï gïpiïrï gïxiagi aapi soimaaxi ibuadatai ïgaikïdï paidi guikuta ïgai— itïtïdai. —Xioma ïr kïïga ix mos arhi ïmo nobikagi aapi dïï gia Diuxi ïmadï oidakagi dai mai xu ix gokadukagi gï noonobi dai Diuxi gïï taiyïrï gï daitudagi. Ami mai ugiatïi batopadagai dai tomax tuigako mïïkana tai— itïtïdai Suxi.

Lukas 14:13

Daiñi, gï agai bhaiyoma xi bapaidagi aapi odami ix makïdï mai bia ixdukatai gï aa noraidagi, dukami soititigami dai ix makïdï mai bhaiga aaduindagai dai ix makïdï mai bhaiga aimïrdagi dai ix makïdï mai nïayi.

Lukas 14:21

Daidi go pioñi mïï aagidi amudï ix tïtïdai go gaa. Daidi bhamutu go ga amu dai potïtïdai ïgai pioñigadï, —Imiñi otoma aipakoga amïï kayana dai plasana dai bhaigobai buapa bïïxi go soititigami dai ix makïdï mai bhaiga aaduindagai. Bhaigobai buapa ix makïdï maiti ixtutuidikïi ix ajiopadagi dai ix makïdï mai nïayi tudu— itïtïdai.

Lukas 18:43

Dai mos po tïkai Suxi go ix makïdï mai nïadatadai ka nïnïaba bii. Dai oi ïgai go Suxi dai aagaimi xïïxi ïr gïdukami Diuxi. Dai jaa mui odami aagaimi ïpï xïïxi ïr gïdukami Diuxi tïïgakai go ix ka nïayi go kïïrhi.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

VUAANA 9:24

Baidi go judidiu báí go kïïrhi ïpïpï daidi itïtïdai, —Kïïga maatï aapi sai gï maakimu Diuxi gïgïbituldaragai ix yaatagïdagi aapi kaxkïdï gï aagai ix sïïrhi aagada aapi xibi gï kaïkatai Diuxi dai gïr aagida ixdukatai duayi aapi. Xadïrï bhai maaxkami dukai gï duadana go Suxi tudu. Kïïga maatï aatïmï ix ïgai ïr ïmo soimaaxi buadami di— itïtïdai.