Mataibo 15:25 - Northern Tepehuan Bible

²⁵ Dïï gia go oki mïï dibia buidïrï Suxi dai ami totonakïdï kïkiba daidi potïtïdai, —Gin soiñañi aapi gin Tïanïdamiga— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁵ Taidʌ ʌooqui miaadʌrʌ cʌquiva dai gʌtootonacʌdʌ cʌquiva ʌSuusi vuidʌrʌ daidʌ itʌtʌdai: ―Tʌaanʌdami giñsoiñañi ―tʌtʌdai ʌgai.

Mataibo 15:25 ပူးပေါင်းရင်းမြစ်များ

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

Mataibo 15:26

Daidi Suxi potïtïdai, —Maiti ïr judiu aapi oki dai kaxkïdï maiti ïr sïïrhi xi gï soiñagi aanï. Xi gï soiñagi aanï gobai ïr ïpïan dukami xi ïïxiadagi aanï bhiadї go aarhi dai maakadagi aanï googoxi— itïtïdai.

Mataibo 20:31

Daidi go gaa odami ix makïdï ami darakatadai gïgïr iñokidimi ï goka kïkïïrhi mai nïadami dai potïtïdai, —Dodorhigibïrai dai maiti abïr ñokada— itïtïdai. Dïï gia go mai nïñiadami apia bamioma iñakimi daidi ikaitimi, —Aapi Tïanïdami ix makïdï ïr Pipiixaradï go Rey Dabidkaru, soi gïlda aatïmïkïdï dai gïr soiña— ikaitimi.

Mataibo 8:2

Dai ami dibia ïmo kïïrhi xako imïitadai go Suxi dai buidïrï ayi. Kabami ïr kokoadï ïgai. Ka dubarhimikatadai tukugadï kokodagaikïdï tudu. Lepra tïgidu go kokodagai ïgai. Dai gï totonakïdï kïkiba go kokoadï ami buidïrï Suxi daidi potïtïdai, —Aapi Gïr Nukadakami, ix ipïldagi aapi kïïga gin duadi antaada aapi— itïtïdai go kïïrhi.

Markos 9:22

—Go Diabora tïañikarudï muiyoko imidagai taiyïrï xiïpï sudaïrï daitudai gin maara mos mua ïrhiditai. Pïx ixtutiadagi xi duada ïgai soi gïlda aatïmïkïdï dai gïr soiña— ikaiti ogadï kokoadï.

Markos 9:24

Dai go kïïrhi otoma mos gïgïrï ñokai daidi potïtïdai, —Aanï gia buaboitudai. Dïï gia tïgito aanï pïxi gin soiñana xudu mai kïïga buaboitudagi aanï— itïtïdai.