Mataibo 15:11 - Northern Tepehuan Bible

¹¹ Daiñi— itïtïdai. —Tomarhi ïmo kuadagai ix makïdï odami tïñidïrï bapakïi tukurhimadai ibhïadï. Dïï gia go soimaaxi ñoki ix makïdï tïñidïañdïrï busakïi, gobai gia bhaiga xi tukurhimadagi ibhïadï— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Tomali ʌmo istumaasi ismaacʌdʌ cueeyi oodami maivapacʌi tʌgitoidadʌrʌ cascʌdʌ cuaadagai maisoimaasi iduiñtuldi oodami. Baiyoma tʌgitoidagadʌaiñdʌrʌ vusacʌi mui naana maasi soimaascami dai poduucai gʌmaatʌ isiʌrsoimaasi ivuaadami ―tʌtʌdai ʌSuusi.

Mataibo 15:11 ပူးပေါင်းရင်းမြစ်များ

Mataibo 15:10

Kïïga mui odami ami darakatadai aidï. Dai Suxi aagidi sai miadïrï gukibana daidi potïtïdai ïgai, —Kïïga abïr gïn tïgito kaïka gin aatagi saidi maatï kaïkana aapimï.

Mataibo 15:12

Daidi mamaatïrdamigadï potïtïdai go Suxi, —¿Gï tïgito pïx nïidi sai go fariseos bhakoi gï bui kaïkatai gï aatagi?— itïtïdai.

Markos 7:15

—Daiñi, tomarhi ïmo kuadagai ix makïdï kuayi odami mai tukurhimadai iibïadï, dïï gia naana maaxi ix makïdï ïrabiadïrï odami ibhïadïañdïrï busakïi, dukami soi maaxi tïgibudagai maaxi dai soi maaxi aaduindagai maaxi, gobai gia tukurhimadai iibhïadï.

Romanos 14:14

Aanï bïïna daja Suxi Gïr Nukadakami tudu dai kïïga maatï aanï sai ïmoko mai soimaaxi ibuayi kuadatai tomarhi ïmo kuadagai. Dïï gia xi ïmadutai po ïrhiadagi saidi ïr daidarxi ïmo kuadagai aidï gia ïgai bïïtarï ïr soimaaxkami xi ugiagi gobai.

Romanos 14:17

Daiñi, Diuxi tïanïi odami mai xu mos ipïrhiditai xi odami dagitoagi ïïmo kuadagai xiïpï ïïmo iidagai. Diuxi ipïrhidi xi sïïrhi óídakagi odami Diuxi buitapi dai sai iibhïxtakan taadakagi odami dai sai ïïgiditai Diuxi Ibhïadï biakana ïgai gïn bhai ïrhiaraga. Go maaxi bïïtarï tïanïi Diuxi odami tudu.

Romanos 14:20

Maiti gï agai xi xia duada aatïmï Diuxi aaduindadï mos kuadatai ïïgi ixtuma ugia ïrhiada aatïmï. Buaboi tudu sai bia aatïmï oigaragai xi ugiagi bïïxi kuadagai dïï xi gïpiïrï daituda ragai ïmai kuadatai ïmo kuadagai aidï gia maiti gï agai xi ugia aatïmï.

1 Tomoteo 4:3

Daidamu ïgai odami xi gaïmadï bipiïdagi dai mai kuadamu ïgai mui kuadagai ïpï pokaititai saidi ïr daidarxikami sai podukai bupuirumadamu ïgai odami. Dïï gia kïï maatï aatïmï sai maiti ïr buaboi aatagidï. Kïï maatï aatïmï bhaiyoma sai Diuxi idui bïïxi kuadagai sai aatïmï ix makïdï buaboitudai bhai gïr ïrhiada ïgaikïdï gakuadatai.

Tito 1:15

Daiñi, bïïxi buaboitudadami ibhïgadï ka kïï buañixi dai tomarhi ïmo ixtumaxi mai bhaiga xi tukurhimagi ïpamu. Dïï gia odami ix makïdï kia tukuraga ibhïgadï mai buaboidaitai Suxi Kristo ïgai gia bïïxi aïkatai ixtumaxi ibuadagi bamioma tukurhidi iibhïadï. Kaxkïdï tudu bïïxi tïgibudadï tukuraga asta xako ka mai maatï taata ïgai ixtumaxi ïr soimaaxkami.

Hebreos 13:9

Kaxkïdï maiti abïr gïn dagito sai ïmapïbuadagi gïn buaboidaraga ïpï. Maiti abïr bhïbhïda ïma maaxi tïgibudagai ix makïdï maiti ïr buaboi tudu. Dukami maiti abïr bhïbhïda tïgibudagai ix makïdï gïr daidi ïïmo kuadagai. Daiñi, xïïxkadï maatïkagi aatïmï xïï kïï tuiga Diuxi gïr bïïtarï dai buaboitudagi aatïmï, gobai gïr soikïi dai gïr mamaakai gubukarhigai gïr iibhïdagïrï. Dïï gia xorai oijadagi go sïïrhikami ïïkidadï ix makïdï gadaidi sai kuadana ïgai ïïmo kuadagai, gobai mai soikïi xi bhïiya ïgai gubukarhigai ibhïgadïrï. Dai xadïrï gïr soikïiña gobai aatïmï ïpï.

2 Pedro 2:18

Kïïga gïgïrdukami gïn aagai ïgai ïïgi dai ñokidï kïïga yoobikan kaiti dïï gia maiti ibuayi soiñi bïïtarï ix makïdï kaïkagi. Pokaiti ïgai sai bia aatïmï oigaragai xi ibuadagi ïïgi ixtumaxi ipïrhiadagi aatïmï, ixtumaxi gïr tanïdagi gïr tukuga tudu. Dai podukai abïnakidi ïgai odami sai soimaaxi ibuadagi. Podukai gïpiïrï surhigai ïgai odami ix makïdï utudami bhïjimi go kïïgadukïdï boi dai utudami ka mai uurapïkïi go soimaaxi ibuadami.