Mataibo 14:19 - Northern Tepehuan Bible

¹⁹ Dai bhodïrï aagidi ïgai go odami sai daraibana basoi saagida. Dai bhïiyi ïgai go taama pan dai goka batopa dai taiyakoga nïnïaba tïbagiamakoga daidi itïtïdai ïgai Diuxi sai bhai gï ïrhidi ïgai go kuadagaikïdï. Dai bhodïrï saasarai ïgai go pan daidi maa ïgai go mamaatïrdami bai takogi ïgai go odami.

Tepehuan Northern: Diuusi ñiooquidʌ utuducami oodamicʌdʌ

¹⁹ Dai amaasi ʌgai aagidi ʌoodami sai vasoi saagida daraivana. Dai amaasi ʌSuusi vui ʌtaama paana dai tai nʌnʌava tʌvaagiamu dai gamamagi dai saasasacai gʌrmaa aatʌmʌ mamaatʌrdamigadʌ tʌsai taacogidana ʌoodami.

Mataibo 14:19 ပူးပေါင်းရင်းမြစ်များ

Mataibo 14:18

Daidi Suxi potïtïdai, —Bhai bhïiyi gobai tudu— itïtïdai.

Markos 6:39

Dai bhodïrï Suxi tïjai go odami sai basoi saagida daraibana chïchïkiatai.

Markos 6:41

Tai bhodïrï go Suxi bui go taama pan ïmadï ï goka batopa dai tai nïnïaba ïgai dai aataga ïmadï Diuxi. Bhodïrï saasarai go pan dai maa go mamaatïrdami bai ïgai takogidana go odami. Dai ï goka batopañdïrï ïpï takogi ïgai bïïxkatai.

Markos 7:34

Dai tïbagiamu nïnïaba go Suxi dai sobhïbïi daidi potïtïdai, —Efata— itïtïdai. Gobai itïiya ïrhidi, gï kupiokoñi.

Lukas 22:17

Dai bhodïrï bhïiyi ïgai ïmo baso biakami bino dai aagidi ïmo Diuxi aatanamïidaragai Diuxi dai oidi ïgai go mamaatïrdamigadï dai potïtïdai, —Ka mai yïïdamu aanï bino ïpamu asta xïxkadï ka kïïgakïrï gatïanïi Diuxi. Kaxkïdï abïr gïn takoida gobai xibi— itïtïdai.

Lukas 22:19

Dai bhodïrï bhïiyi ïgai ïmo pan dai ïpïpï aagidi ïmo Diuxi aatanamïidaragai Diuxi dai saasarai go pan dai oidi mamaatïrdamigadï. Daidi potïtïdai, —Aanï gatïïgida iñagai gin tukuga aapimï gïn bïïtarï dai idi pan ïr ïmo maaxidaragai duu gin tukuga bïïtarï. Podukai abïr gïn takoidada aapimï pan ix dukai ibuayi aanï xibi dai podukai abïr gin tïtïitoda— itïtïdai.

Lukas 24:30

Dai aidïxi ka ugia agaitadai Suxi ïgai ïmadï dai mesa buidïrï darakatadai sai Suxi bhïiyi ïmo pan dai táí Diuxi ïmo Diuxiatanamїidaragai dai sasarai dai maa go kïkïïrhi.

Lukas 9:14

Parï taama mirhikatadai go odami go ïï kïkïïrhi dai ïkobïrakoga go oki dai arhi. Dai Suxi potïtïdai mamaatïrdamigadï, —Aagidabïrai go odami bai daraibana chïchïkiatai aipakoga parï tatajukan ciento ïïki— itïtïdai.

Lukas 9:16

Dai Suxi bui go taama pan dai goka batopa dai tïbagiamakoga nïnïaba dai potïtïdai Diuxi xïï kïï tuiga ïgai gïn bïïtarï gïn urhiñdakai go kuadagai. Dai bhodïrï maa ïgai go mamaatïrdami sai takoidana go odami.

VUAANA 11:41

Dai go gaa maigobai yaara go odai aidï. Daidi Suxi tïbagiamakoga nïnïaba daidi itïtïdai Ogadï, —Gin Oga, kïïga bhai gin ïrhidi aapikïdï gin maakaitai ix tumaxi gï tanïdagi aanï— itïtïdai.

VUAANA 6:23

Daidi sai gokiïrï ayi jaa barko xibhïadïrï iimïdami xako Tiberias tïgidu ïmo kiiki. Ayi go barko ami xako darakatadai go odami kia, xako takabioma Suxi aagiditadai Diuxi xïï bhai gï ïrhidi go panakïdï tudu dai xako bhibhi ïgai go odami.

Hechos 27:35

Mos potïi ïgai dai bhodïrï bhïiyi ïmo tïrhigi pan dai bïïxi go gaa buitapi aagidi ïgai Diuxi ix xïï bhai gï ïrhidi ïgaikïdï daidi bhodïrï saasarai ïgai go pan daidi gauu.

Romanos 14:6

Ix makïdï bamioma xadutudai ïïmo tasai mos xadutudai Diuxi pobuadatai. Dai ix makïdï kuayi toma ix makïdï kuadagai xadutudai Diuxi ïpï pobuadatai dai aagidiña Diuxi sai bhai gïn ïrhidi Diuxikïdï gakuadatai. Dai ix makïdï mai kuayi ïïmo kuadagai xadutudai Diuxi ïpï mai kuadatai. Dai ïgai bhai gïn ïrhidi Diuxikïdï ïpï.

1 Korintios 10:16

Gïn aagidamu aanï ïmo ñoki aagaitai xïïxkadï gayïdagi aatïmï dai gakuadagi gïr tïgito agaitai ix tumaxi idui Suxi Kristo gïr bïïtarï. Ïmo urabaragai gobai gïr bïïtarï. Daiñi, go iidagai ïr ïmo maaxidaragai Suxi ïradïkïdï. Dai xïïxkadï ïmapi gayïdagi aatïmï bïïxkatai dai potïdagi aatïmï Diuxi ix bhai gïr ïrhidi ïgaikïdï kïïga biakana aatïmï ïmo urabaragai. Ïmapi gïr tïgitokana aatïmï podukai sai Suxi aaxi ïradï mukukai gïr bïïtarï. Dai xïïxkadï saasasadagi aatïmï go pan dai gïr takoidadagi gokïdï gïr tïgitokana aatïmï sai Suxi kïïga gïr soi gï saasasatudakai tukugadï kuruxiana.

1 Korintios 10:31

Daiñi, bïïxi aïkatïrï ix tumaxi ibuadagi aatïmï gï agai ix maaxitudagi aatïmï xïïxi ïr gïdukami Diuxi tomaxi ïr kuadagaikïdï xiïpï iidagaikïdï xi ïma maaxikïdï ïpï.

1 Korintios 11:24

dai aagidi Diuxi sai bhai gï ïrhidi ïgaikïdï dai bhodïrï saasasa. Dai bhodïrï takogi ïgai mamaatïrdamigadï. Daidi itïtïdai ïgai, —Idi pan ïr gin tukuga dukami ix makïdï gï saasasa agai gïn bïïtarï. Gin tïgitobïrai mïx xïïxkadï ugiagi idi— itïtïdai.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.