Mataibo 13:44 - Northern Tepehuan Bible

⁴⁴ Dai Suxi potïtïdai go odami ïpï sai, —Xïïxkadï gatïanïdagi Diuxi gobai kïïga bhai ïrhiaraga dai kïïga namïga. Ïpïan dukami gobai xïïxkadï ïmo kïïrhi tïïgiagi kïïga mui tuminxi yaasapikami no xibhïkai ïmo dïbïriana. Otoma yaasai ïgai go tuminxi ïpamu sai mai tïïgana jaa dai bhodïrï bïïxi bhai ïrhiarakïdï gaagarai ïgai xïïxi bia buxtuidadï dai ïgai tuminxikïdï mïï saapïdai ïgai go oidigi xako kaatï go yaasapikami tuminxi— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁴ Ʌgai ismaacʌdʌ ipʌlidi sai Diuusi soicʌiña sai cʌʌga gʌntʌtʌgitocana ʌrʌpan ducami ʌcʌʌli ismaacʌdʌ tʌʌ tumiñsi yaasapicami ʌmo dʌvʌʌriʌrʌ, dai ʌpamu yaasa anaasi. Dai baigʌʌliditai imʌi dai gagara vʌʌsi istumaasi viaacatadai dai gasavʌʌli ʌdʌvʌʌrai.

Mataibo 13:44 ပူးပေါင်းရင်းမြစ်များ

Mataibo 13:24

Daidi potïtïdai Suxi go mamaatïrdamigadï, —Xïxkadï gatïanïdagi Diuxi gobai ïr ïpïan dukami ïmo kïïrhi ix makïdï ïi tïrhigi dïbïragadïrï. Kïïgadukatadai go tïrhigi ix makïdï gaïi ïgai

Mataibo 13:46

Dai ka tïïgakai ïgai ïmo perla kïïga kabami namïakami sai otoma jii ïgai dai gagara buxtuidadï dai namïgadïkïdï sabïrhi go perla mos ïï kabami biaka ïrhiditai ïgai— itïtïdai.

Mataibo 13:47

Daidi ikaiti Suxi ïpï sai, —Xïïxkadï gatïanïda agai Diuxi gobai ïr ïpïan dukami xïïxkadï ïmo bubiadami batopa sudagiïrï daitudagi redigadï. Naana maaxi batopa buyiña ïgai tudu.

Mataibo 19:21

Daidi Suxi potïtïdai, —Aidï gia mosïka ïmo ixtumaxi biïga— itïtïdai. —Ix buaboikïdï ipïrhidi aapi xi kïï tuigakagi ix dukai ipïrhidi Diuxi aidï gia gagarañi bïïxi gï buxtuidaga dai oidañi go tuminxi go soititigami— itïtïdai. —Aidï gia biakamu aapi naana maaxi ixtumaxi namïakami tïbagiana. Podukai duñi tudu dai gokiïrï gin uraba daidi gin oijada— itïtïdai.

Mataibo 19:27

Daidi Piduru potïtïdai go Suxi, —Gïr mamaatïtuldiadamiga, aatïmï ka bïïxi dagito gïr buxtuidaga dai gï oi— itïtïdai. —¿Ix tuma maitïki gïr maakimu Diuxi gï oiditai aatïmï tudu?— itïtïdai.

Mataibo 19:29

—Daiñi, xorai dagitoagi ixtumaxi bia gin oiditai, aanï maakimu muiyoma naana maaxi xi bhai ix makïdï biakatadai ïgai. Dukami xi dagito ïgai kiikidї xiïpï susukurhidï xiïpï xixïgidï xiïpï dïïdïdï xiïpï maamaradï xiïpï dïdïbïragadï, aanï aagai sai mui bamioma biakamu ïgai xi bhai ix makïdï dagito ïgai. Dai ïkobïrakoga bïïxkïrï bïïtarï oidaka agai ïgai. Pobai gï duñimu ïgai ix makïdï dagitoagi ixtumaxi gin oiditai tudu.

Mataibo 6:21

Kïïga maatiga maaxi tudu sai xako biakagi ïmoko ixtumaxi namïakami sai ami gï tïgito aimïraiña ïgai. Kaxkïdï gï agai mïxi tïbagiana biakagi ixtumaxi namïakami sai gobai tïgito ajiopada aapimï— itïtïdai.

Lukas 14:33

Dai pomaaxi aapimïkïdï ïpï xi gin oijada ïrhiadagi aapimï gï agai xi gïn tïgitokagi aapimï sa bhai daasamu aapimï ixtumaxi gï aagadagi gin oiditai. Kaxkïdï tudu xorai mai bhai aagagi ix dagitoagi bïïxi ixtumaxi biakagi mai bhaiga xi ïr gin mamaatïrdamigakagi— itïtïdai.

VUAANA 6:35

Dai Suxi potïtïdai, —Gin aaduñi— itïtïdai. —Ïïgi aanï ïr go pan ix makïdï aagai aanï. Daiñi, go pan ix makïdï oidaga tami oidigi dama maigobai dadasai mosïkaxi gïr tukuga bhiugigaigadï dïï aanï ïr pan gï dukami ix makïdï maigobai dadasai bhiugigaigadï odami ibhïgadï sai kïïgakïrï óídakana. Dai odami ix makïdï gin buaboitudagi ka mai biïgaka agai tomarhi ïmo ixtumaxi ibhïadï bïïtarï dai ka bïïxkïrï bïïtarï óídaka agai.

Romanos 15:4

Aatïmï gïr bïïtarï tudu ojixikami bii bïïxi go ïkidadï ojadï Diuxi xi ïgaikïdï maatïkana aatïmï naana maaxi dai ïgaikïdï kïïga abïnakiada antaadakana aatïmï. Kaxkïdï maiti gïr daadagitoi aatïmï xi gïr maitagi soi ïrhiaragai. Dai bhaiyoma bhai ïrhiarakïdï nïnïraka aatïmï maatïkatai sai Diuxi iduñimu ix dukatai gïr aagidi ïgai.

Kolosenses 2:3

Suxi Kristo tudu ïgai dai gïr tïtïgidi Diuxi tïgibudadï. Daiñi, Diuxi bïïxi maatï dai tïgibudadï kïï saitudaga. Dai ïxtokikana Diuxi tïgibudadï gïr bïïtarï ïpïan dukai mui tuminxi yaasapikami. Dïï gia Suxi Kristo ïgai dai gïr tïtïgidi gobai.

Kolosenses 3:16

Gïn tïgito abïr ajiopada aatagidï Suxi Kristo dai abïr dagito sai ïgai ñokidï gïn tïanïdagi gïn tïgibudagïrï dai saidi gïn tïanïdagi gobai bïïxi ix tumaxiïrï ibuadagi aapimï ïpï. Podukai abïr bhïiyi kïïgadukami tïgibudagai daidi aipako abïr gïn mamaatïturhiada aapimï dai aipakoga abïr gïn mamaakada ñoki. Dai bïïxi gïn ibhïdakïdï abïr ganïyi go naana maaxi nïidadï Diuxi ix makïdï aagai xïïxi ïr gïdukami Diuxi. Daidi abïr gamamaakada ïmo Diuxiatanamїidaragai Diuxi bïïxi gïn ibhïdagakïdï.

Hebreos 10:34

Soi gïn ïrhidiña aapimï ïgai bïïtarï ix makïdï gïn maamaixatudiña ïpï. Dai tomaxi go dudunukami gïn bopoidiña gïn buxtuidaga aapimï bïïxkïrï mai buamï ïrhidiña. Bhai gïn ïrhidiña aapimï bhaiyoma maatïkatai sai bia aapimï ixtumaxi bamioma kïïgadukami ix makïdï tomarhi ïmo imidagai mai ugiti agai.

Apokalipsis 3:18

Kaxkïdï gïn daanïi aanï mïsai gin sabïdana ixtumaxi biïga gïn ibhïdaga bïïtarï. Gin sabïdabïrai ixtumaxi namïakami ix makïdï ïr oro dukai kïï buañixikami dai ixtumaxi ïr yukuxi dukai ïpï kïï totoakami. Aidï gia ïr buaboikamu xi gïn bidakami dukaikamu aapimï dai kïïga biakamu ixtumaxi gïn aadagi sai ka mai xaïradagi aapimï mai yukusukan dukaikatai gïn ibhïdagakïdï. Aidï gia ïr ïpïan dukaikamu xi gïn duadi gïn bupuji dai bhaigakamu aapimï xi maatï nïijadagi ixtumaxi ïr buaboi.