Mataibo 13:41 - Northern Tepehuan Bible

⁴¹ Amaxi aanï ix makïdï ïr otosadï Diuxi dai ïmo kïïrhi busai, aanï otosamu gin tïtïañikaruga bïïxi aipakoga xako ukami gatïanïi aanï dai abhiadïrï ïmapidamu ïgai bïïxkatai go odami ix makïdï ïr soimaaxi ibuadami dai ix makïdï gabapaidi jaa sai soimaaxi ibuadana ïpï.

Tepehuan Northern: Diuusi ñiooquidʌ utuducami oodamicʌdʌ

⁴¹ Aanʌ ismaacʌdʌ viaa ʌmo sʌʌlicami ootosamu giñtʌtʌaañicaru siʌmpaidamu ʌgai vʌʌsi soimaasi ivuaadami dai vʌʌscatai ismaacʌdʌ soimaasi iduiñtuldi aa vai ʌcovai vuvaidana ʌgai sai camaiʌʌmadu daraajana ʌgai ismaacʌdʌ aanʌ soicʌi sai cʌʌga gʌntʌtʌgitocana.

Mataibo 13:41 ပူးပေါင်းရင်းမြစ်များ

Mataibo 13:49

—Pomaaxika agai xïïxkadï ugitiagi oidigi tudu. Aidïpïrï Diuxi tïtïañikarudï dadimu dai ïkobai bubaidimu go odami soimaaxi ibuadami. Bubaidimu ïgai saagidañdïrï go odami ix makïdï buañixi ibhïadï tudu

Mataibo 18:7

Dai oi Suxi aatagidï daidi potïtïdai ïgai mamaatïrdamigadï, —Agia soi ïrhiaraga oidigi daama óídakami bïïtarï sai naana maaxi oidakamu ix makïdï abïnakiadamu sai soimaaxi ibuada ïgai. Kïïga gï maatï sai oidakamu gobai tudu. Dïï gia sogigi odami ix makïdï abïnakiadagi jaa soi soimaaxi ibuadana. Kabami biakamu ïgai gïgïbidaragai tudu— itïtïdai.

Mataibo 24:31

Dai amaxi gï kaidatumu ïmo trompeta ix makïdï kabami ibada agai dai aidï otosamu aanï gin tïtïañikaruga bai ïgai ïmpaida agai bïïxi go odami ix makïdï ïkobai bubaitu Diuxi. Ïmpaida agai ix makïdï ïkobai bubaitu ïgai bïïxi oidigi daamaiñdïrï tudu— itïtïdai Suxi.

Mataibo 3:12

—Gïn aagidamu aanï ix duñimu ïgai odami— itïtïdai. —Daiñi, ïpïan duñimu ïgai ïmo kïrhibadami tïrhigi. Kïïga gaboixikai ïgai go tuixiki xako gakïrhiba ïgai go tïrhigi. Dai ïmpaidi ïgai go tïrhigi dai bhai tuayi dïï go kosadï gobai gia taiyïrï surhigai ïgai. Podukai iduñimu ix makïdï nïnïraka aapimï tudu. Ka bhai gï duu ïgai xi ïko bubaidagi jaa odami dai jaa taiyïrï surhiga agai xako tomarhi ïmo imidagai mai tutukui tai— itïtïdai.

Mataibo 8:20

Dai Suxi ipïrhiditadai sai go kïïrhi maatïkana sai xijiaka agai ix oijadagi ïgai Suxi daidi potïtïdai ïgai, —Aapi kïïrhi, asta go kakaxokai biakana xako kokosïdagi oidigana dai go ujurugi ïpï bia kokosadï, dïï gia aanï ix makïdï ïr otosadï Diuxi dai ïmo kïïrhi busai, aanï gia mai bia tomarhi xakoga gin ibhïxtagi— itïtïdai.

Markos 13:27

Bhodïrï bïïxi aipako otosamu aanï gin tïtïañikaru bai ïmpaidana ïgai gin aaduñi ix makïdï ojoida bubaitu aanï. Bïïxi aipadïrï ïmpaidamu ïgai xajadïrï ukami ajïi oidigi ïmadï tïbagi— itïtïdai Suxi.

Romanos 2:16

Daiñi, go bhai ïrhiaragai aatagi ix makïdï aanï aagidimi odami aagai sai ayimu ixtuigako oidaka agai gïgïbidaragai odami bïïtarï. Aidïpïrï Suxi Kristo aagada agai Diuxi bïïtarï xorai biaka agai gïgïbidaragai. Nïijadamu ïgai odami tïgibudadï ix makïdï ïxto biakana ïgai dai bhodïrï aagada agai xorai biaka agai gïgïbidaragai.

Hebreos 1:14

Go tïtïañikarudï Diuxi mos ïr pipioñigadï kaxkïdï. Dai Diuxi otosaiña ïgai sai soikïiña ïgai odami ix makïdï kïïgakïrï bubuaki agai. Sai soikïiña ïgai go buaboitudadami tudu.

Apokalipsis 21:27

Dïï gia mai bakimu ami tomarhi ïmo ixtumaxi soimaaxkami dai tomarhi ïmo odami ix makïdï tukurhimagi ibhïadï soimaaxi ibuadatai xiïpï yaatagïitai. Ïgai tomarhi ïmo imidagai mai bapakimu ami. Mosïkaxi odami ix makïdï ojixi librogadïrï go Arhi Kañiru tïgidukïdï xako ojixi xorai bïïxkïrï bïïtarï óídaka agai. Ïgai gia bia oigaragai ix bapakïdagi ami.