Mataibo 12:24 - Northern Tepehuan Bible

²⁴ Dïï gia go fariseos kajioma ix kaititadai go óídakami daidi ikaitiña go fariseos, —Cho— ikaitiña. —Maiti ïr otosadï gobai Diuxi. Gobai bhaiyoma go diabora gubukarhigadïkïdï aatabuayi. Beelsebú gubukarhigadïkïdï aatabuayi gobai tudu. Podukai bubaidi gobai tïtïañikarudï go diabora— ikaitiña.

Tepehuan Northern: Diuusi ñiooquidʌ utuducami oodamicʌdʌ

²⁴ Dʌmos aidʌsi ʌfariseo caʌ gomaasi pocaiti: ―Idi cʌʌli vuvaidi Diaavora tʌtʌaañicarudʌ Diaavora guvucadadʌcʌdʌ ―ascaiti ʌfariseo.

Mataibo 12:24 ပူးပေါင်းရင်းမြစ်များ

Mataibo 10:25

Dai aanï ïr gïn tïanïdamiga dai ïr gïn tïtïgiadami ñoki ïpï. Kaxkïdï gï agai xi ipïrhiadagi aapimï xi gin ïpïan tutiakagi aapimï dai taatagi ixtumaxi taatamaiña aanï. Daiñi, kïïga maatï aapimï sai gin kïdaiña óídakami dai asta Beelsebú gin aagaiña ïgai. Diabora gin aagaiña ïgai tudu gin kïdaitai. Kaxkïdï kïïga gï maatï sai asta bamioma gïn kïïdadamu ïgai aapimï gin aaduñikatai aapimï. Soimaaxi ñoki gïn aagidamu ïgai ïpï gin mamaatïrdamigakatai aapimï tudu— itïtïdai.

Mataibo 9:32

Kia abhai kiiyañdïrï bubuakimitadai go kïkïïrhi ïgai ix makïdï duayi bupuidï bai ami dada jaa. Buapidi ïgai go Suxi ïmo kïïrhi ix makïdï mai bhaigakatadai ñokiagi biakatai ïgai ïmo diabora tïañikarudï ïrana.

Mataibo 9:34

Dïï gia go fariseos mai bhai gïn ïrhiditadai nïiditai ixtumaxi idui Suxi daidi ikaitiña, —Go diabora ïgai dai mamaakai gubukarhigai go Suxi dai kaxkïdï bhaiga ïgai ix odamiañdïrï bubaidagi tïtïañikarudï go diabora. Go diabora ïr tïanïdamigadï go tïañikarudï tudu— ikaitiña go fariseos.

Markos 3:22

Dai ami darakatadai mamaatïtuldiadami sïïrhikami ïpï Jerusalenañdïrï óídakami. Ïgai bui ñokai go Suxi dai pokaititadai sai go Suxi bia go Beelsebú agaikïdï. Go Beelsebú ïr bhaitï kïakamigadï bïïxi go Diabora tïtïañikarudï. Daidi ikaitiña ïgai, —Ïgai baa Beelsebú gubukadadïkïdï bubaidimi gobai Diabora tïtïañikaru— ikaitiña ïgai mos kïïdaitai go Suxi.

Lukas 11:14

Ïmo imidagai Suxi busaitu ïmo kïïrhiañdïrï ïmo tïañikarudï diabora. Mai ñokaitadai go kïïrhi dïï gia busaikai go tïañikarudï diabora kïïga ño ïgai ïpamu. Dai go odami mai tïtïgaitadai ixtumaxi gïn tïtïgitoagi nïiditai.

Lukas 11:15

Dïï gia ïïmadutai ïgai po kaitiña sai go Beelsebú gubukarhigadïkïdï bubaidiña Suxi go diabora tïtïañikarudï. Go odami Beelsebú aagaiña go diabora.