Mataibo 12:15 - Northern Tepehuan Bible

¹⁵ Dïï gia Suxi ka maatïkatadai sai mua ïrhiditadai go fariseos dai jii abhiadïrï. Dai mui óídakami oiditadai ïgai dai muidutai ïgai kookoñikatadai. Dai Suxi duduadi ïgai bïïxkatai

Tepehuan Northern: Diuusi ñiooquidʌ utuducami oodamicʌdʌ

¹⁵ Dai aidʌsi maí ʌSuusi gomaasi, ii abiaadʌrʌ tai mui oodami oí. Taidʌ ʌSuusi duduaadi vʌʌsi ʌcoococoidadʌ.

Mataibo 12:15 ပူးပေါင်းရင်းမြစ်များ

Mataibo 10:23

—Gïn aagidamu aanï ix dukatai ibuadagi xïïxkadï soi gïn buidadagi óídakami. Daiñi, xïïxkadï aituldagi aapimï ñoki no xibhïkai ïmo kiikiïrï gin aagaitai aanï dai xi ami óídakami soi gïn buidadagi gin buaboitudaitai aapimï aidï gia iimibïrai abhiadïrï dai ïmai kiikiïrï abïr aitulda gin ñoki. Mai kia bïïxi kiikiïrï nato aituldamu aapimï gin ñoki tami Israelïrï xi ka dibimu aanï ïpamu tudu. Ka podukai aagai aanï ix makïdï ïr Diuxi otosadï dai ïmo kïïrhi busai tudu— itïtïdai Suxi.

Mataibo 19:2

Dai kïïga mui óídakami oiditadai Suxi aipakoga ami dai duduadi ïgai ix makïdï kokokoñikatadai.

Markos 6:56

Dai toma xako dajagi go Suxi xi gïïgïrï kiikiana xiïpï aarhi kiikiana xiïpï xako mïïmïkaxi guka bhaabhaki tomax dukai go odami bubaidiña kokokoñiadï plasana. Dai daanïiña ïgai Suxi sai dagitona go kokokoñiadï ix tomaxi mosïkaxi taatagi ugidïrï yukuxidï. Dai bïïxkatai ix makïdï mos taata duduayi.

Lukas 5:22

Dai Suxi kïï maatïkatadai ixtumaxi gïn tïtïitoitadai ïgai daidi potïtïdai, —¿Tuixi pomaaxi gïn tïtïitoi aapimï?

Lukas 6:12

Dai bhodïrï maigobai jii go Suxi ïmo gidi daama dai ami ïmo tukagi gaatagai Ogadï ïmadï.

Lukas 9:11

Dïï go odami máí dai gamo iji ïpï gaagaitai. Dai ka aïkai go odami ami sai Suxi kïïga miadïgidi xako dakatadai ïgai dai gï aaga aagidi ix dukatai tïanïi Diuxi dai duduadi ix makïdï ïr kokokoñiadïkatadai.

VUAANA 11:54

Dai kaxkïdï ka mai aimïraiña Suxi xako nïijadagi go judidiu bhaitï gukakamigadï dai bhaiyoma maigobai jii xako Efrainïrï tïgidu oidigi. Ami Efrainïrï miadïrï kaatï ïmo gïï oidigi xako mai tipu óídakami. Dai ami Efrainïrï gïn urhi go Suxi ïmadï mamaatïrdamigadï.

VUAANA 7:1

Dai gokiïrï aipako aimïraitadai Suxi xako Galileïrï tïgidu oidigi dai ka maiti ipïrhi ix imiagi Judeamu. Go judidiu bhaitï gukakami mïï Judeana óídakami mua ïrhiditadai kaxkïdï mai imia ïrhiditadai Suxi gamoko.

VUAANA 9:4

—Xibi gï agai ix kabami gin aaga aataduñagi aanï dai ibuadagi go naana maaxi maaxidaragai ix makïdï gin tïjai Diuxi bhaigobai gin otosakai. Kaxkïdï tudu ix dukai daibuskïi tasai dai odami ka mai bhaigakana ix gaatabuadagi ka aïkai tukagi, podukai ïpï ugitimu gïr oidakaraga tami oidigi daama dai aidï ka mai bhaigakamu aatïmï ix ibuadagi ix tumaxi Diuxi ipïrhidi— itïtïdai.

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

1 Pedro 2:21

Kïïgakïrï gïn bubaitu Diuxi mïsai kïïga ibuada aapimï tudu. Dai ïgai ipïrhidi sai apia kïïga ibuada aapimï tomaxi soimaaxi gïn taataturhiadagi jaa kïïga ibuadatai aapimï. Suxi Kristo soimaaxi taata kïïga ibuadatai ïgai tudu dai gï agai sai kïïga gïn tïgito nïidagi ixdukatai ibuadana ïgai dai podukai ibuadagi aapimï ïpï.