Mataibo 10:17 - Northern Tepehuan Bible

¹⁷ —Kïïga abïr gïn nukadaka tudu. Go óídakami baan gïn tutusamu dudunukamigadïrï go judidiu bai ïgai kikiupaigadïrï gïn bapasamu dai gïn gïgïbitudamu ikixanaikïdï.

Tepehuan Northern: Diuusi ñiooquidʌ utuducami oodamicʌdʌ

¹⁷ Dʌmos aapimʌ gʌaagai mʌsʌjʌʌgi gʌnnuucadacagi, gʌntʌʌgida magai dudunucami dai gʌngʌgʌʌgʌtudamu aapimʌ quiquiuupiʌrʌ.

Mataibo 10:17 ပူးပေါင်းရင်းမြစ်များ

Mataibo 10:18

Baan gïn tutusamu go óídakami go gïgïr tïtïanïdami buidïrï tudu, dukami gïgïr Reyes buidïrï. Po gïn duñimu ïgai gin buaboitudaitai aapimï. Dai podukai biakamu aapimï oigaragai xi ñokadagi gin bïïtarï mui tïtïanïdami buitapi. Buitapi go judidiu tïtïanïdamigadï tudu dai saagida ix makïdï maiti ïr judidiu ïpï— itïtïdai.

Mataibo 20:19

—Gin tïïgidamu ïgai go gupudagai bipiakami ix makïdï maiti ïr judidiu bai ïgai gin parunada agai dai gin gïikarsa agai dai ïmo kuruxiana gin xixa agai. Ami kuruxiana mukimu aanï. Dïï gia baika tasaikïdï duakatumu aanï ïpamu— itïtïdai.

Mataibo 23:34

—Daiñi, gïn otosdamu aanï ñiñokituldiadamigadï Diuxi dai gïn otosdamu aanï odami ix makïdï kïïga bia tïgibudagai dai jaa ix makïdï gïn tïtïïgiadamu Diuxi ñokidï ïpï. Dai kodamu aapimï ïïmoko kukuruxiana xixakai. Sïïrhikïdï oomarhiga aapimï kaxkïdï. Dai jaa baan tutusamu aapimï judidiu kikiupaigadïana dai gïgïbimu aapimï ikixanaikïdï. Aadaimu aapimï ïgai aipakoga go gïgïr kiikiamu dai soimaaxi taatamitulda agai aapimï. Podukai buidadamu aapimï ix makïdï gïn otosdamu aanï mos ïï oomarhigakatai aapimï— itïtïdai.

Mataibo 26:59

Go tïtïanïdamigadï go dadaxdadami ïmadï bïïxi go gaa dudunukami gïn ïmpagi dai tïañia ïrhiditadai muaragai Suxi dai gaagaitadai xorai yaatagikïdï gïpiïrï daitudagi Suxi

Mataibo 5:22

Potïtïdai Diuxi go óídakami ïïki tudu. Dïï gia aanï aagai xibi sai tomaxi mosïkaxi bhamukagi ïmo odami buidïrï ïmai kaxi ïr gïpiïrï kaatïkami ïpï dai go dudunukami maaki agai gïgïbidaragai. Dai xi ïmo odami pokaitadagi sai ïmai odami maiti ïr soiñi gokïdï kaxi gïpiïrï kaatïkami bipiïyi ïgai ïpï dai biakamu xi baan kïkibagi dudunukamiana sai aagana ïgai ix tuma gïgïbidaragai biaka agai ïgai. Dai xi ïmo odami buirugami aagagi ïmai odami kaxi ïr ajïakami xi taatagi ïgai gïgïbidaragai go gïï taiyïrï— itïtïdai Suxi.

Markos 13:12

Dai Suxi oi gï aatagi daidi potïtïdai go odami aidï —Naana maaxi bamioma pogïduña agai kia mai kia ugitïkai oidigi— itïtïdai. —Mui odami ix makïdï mai buaboitudai mos kïïdada agai go ix makïdï gia buaboitudai, ix makïdï ïr Diuxi aaduñdï tudu. Mos kïïdada agai tomaxi ïr gïn aaduñikagi miadïrï. Ïïmoko asta gïn susukurhi xiïpï gïn xixïgi tïïgidamu mïx kodada. Dai jaa tïïgidamu ïïgi gïn maamara dai ïïgi gïn dïï mïxi kodada ïpï.

Markos 13:9

Gï agadamu xi kïïga gïn nukadakagi aapimï. Daiñi, mui odami gïn kïïdadamu gin aaduñikatai aapimï. Dudunukamiïrï gïn tutusadamu ïgai. Dai kikiupiïrï gïn bapasadamu ïpï dai ami gïn gïbadamu ïgai. Gï agadamu xi baan gukada aapimï gobibierno buidïrï dai reyes buidïrï xi ami aagada aapimï ix tuixidï gin buaboitudai aapimï.

Lukas 12:11

—Gin aaduñi— itïtïdai. —Diuxi Ibhïadï ïgai dai gïn soiñamu xïxkadï dudunukamiïrï gïn baan tutusatudagi jaa. Mai xudu xi baan gïn tutusatudagi ïgai gubukadagai bipiakami buidïrï ami go judidiu kiupaigadïrï xiïpï xi jaa dudunukamiïrï no xibhïkai ïpï. Maiti abïr buamï gïn ïrhiada ix tïiyagi aapimï tomarhi ix dukatai gïn soikïdagi ami dudunukamiïrï.

VUAANA 11:47

Daidi bhodïrï gïn ïmpagi go bhaitï gukakami ix makïdï ïr fariseos ïmadï go dadaxdadami bhaitï gukakamigadï daidi ikaiti, —¿Tï dukatai duna go Suxi? Ibuayi gobai naana maaxi maaxidaragai di— ikaiti.

VUAANA 16:2

Daiñi, gokiïrï go gaa judidiu ix makïdï mai buaboitudai gïn daidamu ix bapakïda aapimï kikiupaigadïrï. Dai asta gïn kodada agai pobïn ïrhiditai sai ibuayi Diuxi aaduindadï gïn kodatai.

Hechos 17:14

Dadi go buaboitudadami otoma otoi go Pabora maigobai kostamu. Dïï go Silas ïmadï Timoteo anaaxi bii Bereana.

Hechos 22:19

Antai itïtïdai aanï aidï, —Gin Nukadakami kïïga maatï tami óídakami xi aanï bapakïiña aipakoga kikiupiïrï dai buyiña ix makïdï gï buaboitudai dai gatïjai aanï gïikarsaragai ïpï gï buaboitudaitai ïgai— antïtïdai.

Hechos 26:11

Dudatai no aïjïiña aanï kikiupaigadïrï dai kabami soi buididiña go buaboitudadami. Gubudakïdï potïtïdaiña aanï sai ïgai itïïna xi ka mai buaboitudai Suxi Kristo. Sïïrhikïdï kïdaiña aanï go buaboitudadamigadï Suxi Kristo tudu dai asta adaimïiña aanï maigobai mïkaxi xako óídaga jaa ïma maaxi ñokadami, dai ami soi buididiña aanï ïpï— ikaiti.

Hechos 9:2

Mïkadïrï gatáí ïgai ïmo ojixikami dai mïï gatïïgida agaitadai Damaskïrï kiupiïrï bhaitï gukakami. Go ojixikamikïdï biaka agaitadai ïgai gubukadagai ix mïï buiyagi go buaboitudadami Damaskïrï dai maamaixapikami buapagi Jerusalenamu modukai kïkïïrhi dai oki.

Filipenses 3:2

Gïn nukadabïrai tudu go odamikïdï ix makïdï ojoidi xi ikitikïdagi tukugadï óídakami circuncidanduitai. Po kaitiña ïgai sai bia xi circuncidandoagi tukugadï saidi ïr Diuxi maamaradïkana. Dïï gobai gia maiti ïr buaboi. Ïmo gïdukami soimaaxi ibuayi ïgai ix makïdï pokaiti sai Diuxi maamaradï bipiïyi odami gïn ikitïkai tukugadï. Aanï googoxi omarhigakami dai tukurakami dukai nïidi ix makïdï po maaxi mamaakai aatagi. Soi buayi ïgai odami ibhïadï di.

Hebreos 11:36

Go óídakami parunaiña jaa dai asta gïbaiña ikixanaikïdï dai bupuraiña kadenakïdï dai maamaixapaiña. Dïï bïïxkïrï apia buaboitudaiña ïgai.