Hechos 9:20 - Northern Tepehuan Bible

²⁰ Otoma jii ïgai judidiu kikiupaigadïrï dai mïï aagidimi odami sai Suxi ïr Diuxi maradï.

Tepehuan Northern: Diuusi ñiooquidʌ utuducami oodamicʌdʌ

²⁰ Otoma gʌaagacai gamamaatʌtuldimi ʌSaulo judidíu quiquiuupaigadʌrʌ Diuusi ñiooquidʌ dai gaaagidi sai Suusi ʌrDiuusi maradʌ.

Hechos 9:20 ပူးပေါင်းရင်းမြစ်များ

Mataibo 27:43

—Pokaitiña gobai sai kïïga buaboitudai Diuxi dai saidi ïr Maradï gobai. Sai Diuxi soiñana xibi tudu xi ïr buaboikagi gobai— ikaitiña parunaitai.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Mataibo 4:3

Dai bhodïrï ayi go Diabora ami buidïrï dai potïtïdai, —Aapi Suxi, ñokidañi go ojodai bai kuadagai naatona gobai pai biaka aapi ixtumaxi ugiagi. ¿Mai ix tudu ïr Diuxi Maradï aapi?— itïtïdai.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 19:7

Daidi go judidiu itïtïdai go Pilato, —¡Gobai ka podukai aagai saidi ïr Diuxi maradï! Dai gïr sïïrhikamigana aagai sai gï agai muagi xorai pokaitadagi saidi ïr Diuxi maradï di— ikaiti go judidiu.

VUAANA 20:28

Dai aidï gia go Tomás itïtïdai, —Gia ïr buaboi ix aapi ïr gin Tïanïdmiga dai ïr gin Diuxiga— itïtïdai.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

Hechos 13:14

Dai bhodïrï abhiadïrï Perjeañdïrï iji go Pabora ïmadï aaduñdï dai ayi ïmo kiiki Antiokia tïgidukami. Pisidia oidigïrï bipiïyi go Antiokia. Dai ami ïmo imidagai ibhïxtaragai tasïrï baapa ïgai kiupaigadïrï judidiu dai ami daraiba.

Hechos 13:33

dai xibi aatïmï ïr piipixaradï ïgai dai gïr bïïtarï Diuxi idui ixdukatai agaitadai aidï. Duakaturhi ïgai go Suxi mukukai ïgai. Podukai buaboi busai ixdukatai ojixi Salmo gokïrï. Ami ojixi sai Diuxi ikaiti, Gin maara aapi, dai xibi baan gï kïi aanï bïïxi odami buitapi bai maatïkana ïgai ix aapi ïr gin maara, ikaiti Diuxi.

Hechos 13:46

Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.

Hechos 13:5

Dai ami Chipreïrï ayi ïgai ïmo gïï kiiki xako Salamina tïgidu dai baapa ïgai judidiu kikiupaigadïrï dai ami aagidimi odami ix kaiti Diuxi ñokidï. Dai Juan Markos oidiña dai gasoikimi ïpï.

Hechos 14:1

Daidi go Pabora ïmadï Bernabe baapa judidiu kiupaigadïrï aïkai ïgai Ikoniïrï. Arhiïxi kïïga ñiño ïgai bai mui odami buaboitu, modukai judidiu ïmadï ix makïdï maiti ïr judidiu.

Hechos 16:13

Daidi aïkai go ibhïxtaragai tasai bai maigobai kiikiañdïrï bubuaja aatïmï lachi dai mïï ayi ugidïrï ïmo gïï aki. Ami gïn ïmpaidiña odami dai gadaanïiña Diuxi. Daidi ami daraiba aatïmï dai gaatagidi oki ix makïdï ami gïn ïmpaiditadai.

Hechos 17:10

Dai aidï tukarï mos tukagïkai go buaboitudadami otoi go Pabora ïmadï Silas Bereamu. Dai ïgai mos ayi Bereïrï dai sïïrhi iji judidiu kiupaigadïrï.

Hechos 17:17

Daidi judidiu kiupaigadïrï gaatagaiña Pabora go judidiu ïmadï dai jaa ïmadï ïpï ix makïdï maiti ïr judidiu dai ïr xadutuadami Diuxi. Bïïx tasai gamaakaiña Pabora ñoki no plasana dai aatagidiña ïïgi xorai ami darakana.

Hechos 17:2

Podukai ibuadana ïgai bïïxi go gïïgïr kiikiïrï xako ajïiña ïgai. Baika ibhïxtaragai tasïrï baa ïgai ami kiupiïrï dai aataga ïmadï odami. Pabora mos gamaakaiña aatagi Diuxi ñokidïañdïrï buaboitulda ïrhiditai go odami.

Hechos 18:19

Daidi ayi ïgai ïmo gïï kiiki xako Efeso tïgidu. Ami bii go Prisila ïmadï Akila dai Pabora ïïgi oida agai imidagai. Dai mai kia imïkai Pabora abhiadïrï baa ïgai judidiu kiupaigadïrï dai ami gaataga agai judidiu ïmadï. Sïïrhikïdï gïn bupui ñokimi ïgai ïmadï go judidiu.

Hechos 18:4

Dai Pabora mos ïkarhiïrï aimïraiña judidiu kiupaigadïamu ibhïxtaragai tasïrï. Ami gaatagidiña ïgai go judidiu dai go ix makïdï maiti ïr judidiu ïpï dai aagidiña ïgai Diuxi ñokidï. Kïï sïïrhi aagidiña ïgai sa bhai buaboitudana.

Hechos 19:8

Daidi ami Efesoana go Pabora aitu baika masadai aimïraitai judidiu kikiupaigadïamu. Mai xaïraitai aatagidiña ami judidiu ix maaxi tïanïi Diuxi. Ipïrhiditadai ïgai xi go judidiu buaboitudagi.

Hechos 8:36

Dai ayi ïgai xako dajatadai sudagi. Daidi go dunukami itïtïdai aidï, —Daiñi, bhobai kaatï sudagi— itïtïdai. —¿Kïïgadu xi ix ïmodïrï gin bakuanada aapi?— itïtïdai.

Hechos 8:37

Daidi Pirhi itïtïdai, —Pïx kïïgakïrï buaboitudai, aidï gia kïïgadu gobai— itïtïdai. Daidi go dunukami itïtïdai, —Aanï gia buaboitudai sai Suxi Kristo ïr Diuxi maradï— itïtïdai.

Hechos 9:22

Dïï go Saulo mos bamioma bhïjimitadai gubukadagai dai tïgibudagai ixtukïdï aagidagi odami sai Suxi ïr Diuxi Otosadï Gïr Bhaitï kïakamiga. Baidi go judidiu Damaskïrï óídakïdï mai tïï ixdukatai gïn tïtïgitoagi kaïkai ïgai aatagidï.

Romanos 1:4

Diuxi Ibhïadï gubukadadïkïdï duakatu Suxi Kristo ïpamu gokiïrï xi muu dai podukai gïr maaxitu Diuxi sai gia ïr Diuxi maradï ïgai. Ïgai tudu ïr Gïr Nukadakami.

Galatas 1:16

maaxiturhi ïgai Suxi Kristo gin buitapi sai maatïkana aanï kïïga xorai ïgai. Podukai idui Diuxi ipïrhiditai sai aituldana aanï aatagi go ix makïdï maiti ïr judidiu aagaitai Suxi Kristo. Podukai gin maa ïgai go bhai ïrhiaragai aatagi tudu. Dai bhodïrï mai tïkakai aanï tomarhi ïmo odami ix dukatai iduñagi aanï dai bhaiyoma mos gin aaga aanï aagaitai go aatagi ix duu gin maatadai Diuxi gobai. Kaxkïdï gï maatï sai mai ïmo odamiañdïrï bhïiyi aanï go aatagi.

Galatas 2:20

—Aanï in bïïtarï pomaaxi gin oidakaragai xibi— antïtïdai. —Daiñi, ïkioma aanï ïr ïmo soimaaxi kïïrhikatadai. Dïï gia aidïxi muu Suxi Kristo gïr bïïtarï kuruxiana aidï muu go kïïrhi soimaaxkïdï ïgai ïmadï ïpï dai xibi ka utudui bii aanï. Dai kaxkïdï ka mai xu xi go kïïrhi ïkidadï oidaga gin tukugïrï dai bhaiyoma Suxi Kristo ïgai dai gin ïrana oidaga. Xibi oidaga aanï buaboitudaitai Suxi Kristo ix makïdï kïïgakïrï gïr oigïdai. Kïïga gïr oigïdai ïgai tudu dai kaxkïdï gï dagito sai gï muatudana dai kïïgakïrï gïr bubaitu— antïtïdai aanï go Piduru.

Apokalipsis 2:18

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Tiatirana ïpï. Dai adukai ojida aapi, Aanï ïr Diuxi Maradï ix makïdï táí dukai bïpïdokïi gin bupuji dai gin ïïkaso ïpïamaaxi baiñomi kïï buañixikami.