Hechos 9:17 - Northern Tepehuan Bible

¹⁷ Daidi jii Ananias kiidïrï Udaxi xako dakatadai Saulo dai ami baakïkai daama darai gï ïïka daidi itïtïdai, —Gin aduñi Saulo, Suxi Gïr Nukadakami gin otoi bhaigobai. Suxi ïgai dai gï maaxitu gï buitapi boiyaiñdïrï. Ïgai gin otoi saidi aapi ïpamu nïnïabana dai sai ïmo tïgibudagai bhïiyagi aapi ïmadï Diuxi Ibhïadï— itïtïdai Ananias.

Tepehuan Northern: Diuusi ñiooquidʌ utuducami oodamicʌdʌ

¹⁷ Amaasi ii Ananiiasi ʌquiiyamu siaaco daacatadai ʌSaulo dai ami vaacʌcai daama darai gʌnoonovi daidʌ itʌtʌdai: ―Giñaduñi Saulo, ʌSuusi ismaacʌdʌ gʌmaasitu aapi gʌvuitapi voiyaiñdʌrʌ ʌgai atgiñootoi pʌsai ʌpamu nʌnʌavana dai sai Diuusi Ibʌadʌ gʌʌmadu daaca agai ―astʌtʌdai Ananiiasi.

Hechos 9:17 ပူးပေါင်းရင်းမြစ်များ

Genesis 45:4

Dai Jose itïtïdai, —Bhainorioma abïr gukiba tami gin sonoana— itïtïdai. Dai ka sonoana gukiba potïkai ïgai. Dai Jose itïtïdai, —Aanï ïr gïn sukurhi Jose dai aanï gin otoxi aapimï gin gagaarakai.

Mataibo 19:13

Dai go odami buapaiña aarhi Suxi buidïrï sai taatana ïgai dai sai daanturhiada ïgai. Dai go mamaatïrdamigadï Suxi bhagakarai go odami dai daidi xi buapidiña ïgai aarhi Suxi ïmadï.

Markos 5:23

Dai sïïrhikïdï daañimi ïgai go Suxi, —Gin maara oki karhioga mukimi. Gin oigïdakai mïï daama darasa aapi gï noonobi bai duadïna xi mai mukiagi ïgai— itïtïdai go Jairo.

Markos 6:5

Daidi go Suxi mai tïtïïgaitadai ixdukatai gï tïtïïgitoagi nïiditai xïïxi mai buaboitudai go odami. Dai ka mai bhaiga ïgai xi ibuadagi gïïgïrï aaduindagai ami xako gïrakami ïgai. Mos daama dáí noonobidï dai duadi chïki kokokoñiadï dai mosïkaxi. Bhodïrï jii ïgai abhiadïrï dai maigobai dadiji arhi kiiki xako chïchïkidu bhaabhaki dai ami gamamaakaiña ñoki.

Lukas 1:41

Daidi kaïkai go Elisabet ñokidï go Maria maatï taata ïgai ix kabami oiñi maradï ïrana. Daidi ayi Diuxi Ibhïadï go Elisabet ïmadï aidï.

Lukas 1:67

Daidi Diuxi Ibhïadï gubukarhigadï ïmadï dakatadai go Zakarias aidï dai kaxkïdï ño ïgai ïmo ñoki Diuxiañdïrï daidi ikaiti,

Lukas 1:76

Dai bhodïrï go Zakarias aagai ïmo ñoki maradï bïïtarï daidi potïtïdai, —Aapi gin maara, Diuxi ïgai daidi ïr Gïr Nukadakami bïïxi adaama gatïanïitai ïgai. Dai aapi bhaitï imimu Gïr Nukadakami dai bhai duñimu bogïdï xïïxkadï dibiagi ïgai. Kaxkïdï ïmo ñokituldiadamigadï Diuxi gï aagadamu odami.

Lukas 15:30

—Dai xibi mos dibiakai gin sukurhi ïgai bïïtarï gia mua aapi go baka maara ix makïdï gimudaitadai aatïmï tomaxi ka bïïxi xia dodai ïgai gï buxtuidaga oki kïkïïrhimïrhiakami ïmadï— itïtïdai.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 2:11

—Ïkiapo mo busai gïn Kïïgakïrï Bubiadamiga ami go arhi kiikiïrï xakoga oidatu go Dabidkaru ïïki. Ïgai ïr Gabhaitïkïakami dai ïr go Kristo.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

Hechos 13:3

Daidi go buaboitudadami gadaañigi Diuxi mai dïïkakai kuadagai dai bhodïrï darai ïgai noonobidï daama go Bernabe ïmadï Saulo daidi ka otoi sai iimïna dai gaatabuada.

Hechos 13:52

Dai go buaboitudadami ix makïdï ami Antiokiïrï biitadai kïïga bhai gïn ïrhidikana dai kïïga ïïgidiña ïgai Diuxi Ibhïadï.

Hechos 19:6

Dai go Pabora mos daama darai gï noonobi bai dibia Diuxi Ibhïadï ïgai ïmadï. Daidi ñiño ïgai mui naana maaxi ñokikïdï ix makïdï mai maatïkatadai ïgai dai aagai ñoki ix makïdï gïn maa Diuxi sai aagana.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Hechos 21:20

Daidi ix makïdï ami darajatadai bhai ïrhiarakïdï ño Diuxi bïïtarï kaïkai aatagidï Pabora. Daidi go bhaitï gukakami itïtïdai aidï, —Mos ïr ïmo aadunumï aatïmï ïmadï aapi Pabora mos ïgai baa buaboidaragai biakatai. Dai kïïga maatï aapi xïï mui mirhi judidiu buaboitudai xibi ïpï— itïtïdai. —Dïï gia ïïmoko go judidiu mai bhai gïn ïrhidi aapikïdï. Daiñi, bïïxkatai go judidiu buaboitudadami pokaitiña sai gï agai xadutuadagi sïïrhikamigadï Moiseskaru.

Hechos 26:15

Antai aanï potïi aidï, —¿Borï aapi tïanïdami?— antïtïdai aanï. Bai Gïr Nukadakami pobai gin tïtïdai, —Aanï ïr Suxi dai soi gin buayi aapi.

Hechos 4:31

Daidi mos nato daanïkai ïgai Diuxi sai gigiburhi baaki xako darakatadai ïgai dai Diuxi Ibhïadï tïanïitadai bïïxkatai ïgai dai podukai mai duadimudagaikïdï aagaiña ïgai Diuxi ñokidï.

Hechos 6:6

Mïtai bïïxkatai baidakai amïka xako darajatadai go ojotoxikami tai ïgai gadáí Diuxi go kïkïirhi bïïtarï dai daama darai gïn noonobi.

Hechos 8:17

Daidi go Piduru ïmadï Juan daama darai ïïkadï dai podukai dibia Diuxi Ibhïadï go buaboitudadami ïmadï.

Hechos 9:18

Mos potïi ïgai bai otoma surhi bupujiañdïrï batopa kokomidï maaxi go Saulo dai ka nïnïaba ïgai ïpamu. Dai bhodïrï bañi ïgai dai gï bakoi.

Romanos 15:7

Daiñi,Suxi Kristo ka kïïgakïrï gïn tïï. Kaxkïdï abïr kïïgakïrï gïn nïijada aapimï aipakoga ïpï dai podukai xadutuada Diuxi.

1 Korintios 15:47

Dïbïraiñdïrï idui Diuxi go Adán tukugadï dai bïïxkatai aatïmï bia gïr tukuga ix maaxi biakatadai go Adán. Dïï gia Suxi Kristo ayi gokiïrï xi go Adán tïbagiañdïrï dibiakai ïgai dai gïïpi ïma maaxi aaduindagai idui. Xibi bïïxkatai aatïmï ix makïdï buaboitudai biakamu gïr tukuga ix maaxi bia ïgai.

1 Korintios 15:8

Dai kugatïrï aanï gin buidïrï gï maaxitu Suxi Kristo dai todian dukai otosadï gin dáí. Todian dukai otosadï bii aanï tudu mai nïnïrakatai aanï ix pobïduñagi. Ïpïandukai gobai xi todian dukai busiagi ïmo arhi xïïñi mai kia aïkai ixtuigako.

1 Korintios 9:1

Gin aaduñi, oidaga ïïmoko ix makïdï pokaiti sai aanï maiti ïr otosadï Suxi Kristo. Yaatagi gobai. Daiñi, mai tipu ïmai odami xorai gin tïanïdagi, mosïkaxi Suxi Kristo ïgai daidi ïr gin tïanïdamiga otosadïkatai aanï. Kïïga gï maatï sai aanï ïr otosadï ïgai tudu. Daiñi, aanï ïr nïijadami gïr Bhaitï Kïakamiga tudu dai aanïkïdï aatadui Diuxi sai buaboitudaiña aapimï ïpï. Aapimï tudu kïïga mamaaxidi ix namïga gin sïïrhikamiga buaboitudakai aapimï gin aatagi. Kaxkïdï kïïga maatï aapimï sai aanï ïr otosadï Suxi Kristo tomaxi jaa pokaitadagi sai maiti ïr buaboi.

1 Tomoteo 4:14

Daiñi, baasïkioma go bhaitï gukakami darai ïkadï aapi gï daama dai aidï gï aagidi ïgai ïmo ñoki Diuxiañdïrï gï aagaitai aapi. Podukai gï maa Diuxi ïmo gubukarhigai. Kaxkïdï maiti gï agai xi dodorhi dakagi aapi xibi gï maakakai Diuxi go gubukarhigai.

1 Tomoteo 5:22

Daiñi, xïxkadï dasa agadagi aapi ïmo bhaitï kïakamigadï go buaboitudadami maiti gï agai xi toma xorai dasagi aapi. Gï agai ïpïgioma xi kïïga maatïkagi aapi ix tuiga ïgai. Daiñi, xi bhaitï kïakami dasagi aapi ïmo soimaaxi buadami gobai itïiya ïrhidi sai mai buamï ïrhidi aapi xi soimaaxi ibuadagi ïgai. Xi pobuadagi aapi uraban duñimu aapi soimaaxkamigadï dai maiti gï agai gobai. Gï agai bhaiyoma xi kïïga gï nukadakagi aapi dai mai urabagi go soimaaxi toma lïïchi.

2 Timoteo 1:6

Gï tïgitoñi tudu sai Diuxi ïkobai gï busaitu dai gï maa ïmo gubukarhigai. Pobï gï idui gobai aidïxi gï daama darai aanï gin noonobi baasïkioma. Kïïga aatabuada tudu sai bamioma gïrana go gubukarhigai ix makïdï gï maa Diuxi aidïxi gï daama darai aanï gin noonobi.

Hebreos 6:2

Ka máí aatïmï go bakuanaragai aatagi ïpï. Dai ka máí aatïmï ix tuixi go bhaitï gukakami buaboitudadami go odami daama darasai ïkadï. Ka máí aatïmï ïpï sai duduaka agai koidadï dai sai Diuxi aaga agai xorai kïï dui dai xorai mai kïï dui. Bïïxi gobai ka máí aatïmï aidïxi tukamïrï buaboitu aatïmï.

2 Pedro 3:15

Gïn tïgitobïrai tudu sai Gïr Nukadakami mai ojodatai nïnïrai kia dai mai kia xia dodai oidigi. Ipïrhidi ïgai sai go soimaaxi ibuadami biakana oigaragai xi kïïgakïrï bubuakiagi kaxkïdï. Podukai tudu gïn ojidi Pabora ïpï ix makïdï ïr ïmo gïr aaduñi Diuxi amadïrï dai ix makïdï kïïga oigïdai aatïmï. Dai kïïga gï maatï saidi ïr buaboi ixtumaxi gïn ojidi ïgai. Diuxi tïtïïgidiña ixtumaxi ojagi ïgai kaxkïdï.