Hechos 8:39 - Northern Tepehuan Bible

³⁹ Dai bubuakïkai ïgai sudagiañdïrï Diuxi Ibhïadï todian dukai baidakai go Pirhi. Daidi go dunukami ka mai tïï ïpamu. Bhodïrï go dunukami oi gï imidaga dai kïïga bhai gï ïrhiditai imïi boiyamu.

Tepehuan Northern: Diuusi ñiooquidʌ utuducami oodamicʌdʌ

³⁹ Dai aidʌsi ʌpaamu tʌʌtʌsai ʌgai abiaadʌrʌ taidʌ Diuusi Ibʌadʌ vaidacai ʌPiili, taidʌ ʌtʌaanʌdami camaitʌʌ vaamioma, dʌmos apiaimʌi ʌgai gʌvoogʌamu baigʌʌliatugaitai.

Hechos 8:39 ပူးပေါင်းရင်းမြစ်များ

Mataibo 13:44

Dai Suxi potïtïdai go odami ïpï sai, —Xïïxkadï gatïanïdagi Diuxi gobai kïïga bhai ïrhiaraga dai kïïga namïga. Ïpïan dukami gobai xïïxkadï ïmo kïïrhi tïïgiagi kïïga mui tuminxi yaasapikami no xibhïkai ïmo dïbïriana. Otoma yaasai ïgai go tuminxi ïpamu sai mai tïïgana jaa dai bhodïrï bïïxi bhai ïrhiarakïdï gaagarai ïgai xïïxi bia buxtuidadï dai ïgai tuminxikïdï mïï saapïdai ïgai go oidigi xako kaatï go yaasapikami tuminxi— itïtïdai.

Mataibo 3:16

Dai kaxi gï bakuanakai go Suxi sai busai ïgai sudagiañdïrï daidi kupioka go tïbagi dai tïï ïgai Diuxi Ibhïadï sai tïbai tïbagiañdïrï ïmo tugu dukai dai Suxi daama daiba.

Markos 1:10

Bhodïrï mos busai go Suxi sudagiañdïrï dai tïï ïgai tïbagi ix kupiokan tïi dai tïï ïgai Diuxi Ibhïadï ïpï ix tïbañimi ïmo tugu dukai dai gï abhana bii.

Hechos 13:52

Dai go buaboitudadami ix makïdï ami Antiokiïrï biitadai kïïga bhai gïn ïrhidikana dai kïïga ïïgidiña ïgai Diuxi Ibhïadï.

Hechos 16:34

Dai gokiïrï baidakai ïgai go Pabora ïmadï Silas gï kiiyamu dai bhibhi. Dai kïï bhai gï ïldatu go kïïrhi buaboitudakai dai aaduñdï ïpï kïï bhai gïn ïjïrhi ïpï.

Hechos 8:29

Daidi Diuxi Ibhïadï itïtïdai Pirhi, —Imiñi dai abhana kïkiba go kareta— itïtïdai.

Hechos 8:38

Daidi go dunukami gatïjai kïïsaragai go kareta dai bïï gokatai tïapai xako kaatïkatadai sudagi. Daidi Pirhi bakoi go dunukami.

Hechos 8:8

Daidi kïïga bhai gïn ïjïrhi ami Samariana óídakami.

Romanos 5:2

Buaboidakai aatïmï Suxi Kristo baa aatïmï ïmo gïdukami bhai ïrhiaragïrï ix makïdï gïr maa Diuxi gïr oigïdaitai. Dai xibi bhai ïrhiarakïdï nïnïraka xi urabagi aatïmï Diuxi xudu gï maaxitudagi ïgai xïïxi ïr gïïdukami.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

Filipenses 4:4

Dai bïïxkatai aapimï, abïr bhai gïn ïrhiada bïïnakatai aapimï Suxi Kristo Gïr Nukadakami. Gïn aagidamu aanï ïpamu abïr bhai gïn ïrhiada aapimï.

Santiago 4:16

Dïï aapimï gïgïrdukïdï gïn ïrhidiña dai ïïgi gïn tïanïitai dukai ñokaiña. Mai tïgitokana aapimï sai Diuxi ïgai dai gïn tïanïi. Sïïrhikïdï soimaaxi ix podukai gïn ïrhiadagi aapimï tudu.