Hechos 8:35 - Northern Tepehuan Bible

³⁵ Daidi go Pirhi aatagidi go dunukami dai go baaxi ojakïdï aagidi go bhai ïrhiaraga aatagi aagaitai Suxi.

Tepehuan Northern: Diuusi ñiooquidʌ utuducami oodamicʌdʌ

³⁵ Amaasi ʌPiili gʌaagacai aagidi ʌñiooqui ismaacʌdʌ aagai ʌcʌʌli oojiʌrʌ dai aagidi ʌma maasi ʌʌpʌ aagaitai ʌSuusi.

Hechos 8:35 ပူးပေါင်းရင်းမြစ်များ

Mataibo 5:2

Dai maa Suxi ñoki daidi potïtïdai ïgai,

Lukas 24:27

Dai bhodïrï Suxi gï aaga tïtïgidi ñoki ï goka kïkïïrhi. Aagidi ix tïiya ïrhidi ojadï go ñokituldiadamigadï Diuxi xako aagai ïgai go Suxi. Go Moises ojadïkïdï gï aaga ïgai dai bhodïrï aagidi ix tïiya ïrhidi ojadï bïïxi go gaa ñokituldiadamigadï Diuxi ïpï xako aagai ïgai go Suxi.

Hechos 10:34

Dai go Piduru maa ñoki aidï daidi itïtïdai, —Xibi ka maatï nïidi aanï ix Diuxi mo ïxi oigïdai odami tomaxi maiti ïr judidiu ïgai. Ïmadugan dukai nïidi ïgai bïïxkatai.

Hechos 11:20

Dïï gia ami Antiokiïrï dada jaa buaboitudadami ïpï Chipreañdïrï dai Cireniañdïrï óídakami dai ïgai gia aagidi odami ix makïdï maiti ïr judidiu ïpï sai Suxi Gïr Nukadakami ïr kïïgakïrï bubiadami.

Hechos 17:18

Dai ïïmadutai go ix makïdï kaï aatagidï ïr mamaatïtuldiadami jaa buaboidaragai ix makïdï epikureo dai estoiko tïtïgidukana buaboidaragai. Ïgai bui ño go Pabora aidï daidi ikaiti, —Go Pabora mai maatïtai ñokai— ikaiti. —Mai maatï aatïmï ixtumaxi gïr aagida ïrhidi gobai— ikaiti. Dai jaa ikaiti, —Gïr aagidadankaiti kaiti gobai xibhïadïrï óídakami diuxigadï— ikaiti. Go Pabora aagidiña aidï sai mutadai Suxi dai ka duakatutadai ïpamu, xi gokïdï go odami pokaititadai sai ïmai diuxi aagaiña ïgai.

Hechos 18:28

Ïgai ïmadï go judidiu ami óídakami gïn bupui ñokaitadai kabami go gaa óídakami buitapi dai Apolos ïgai dai gamaitïkïiña ñokidïkïdï. Mos aagaiña ïgai ix kaiti Diuxi ñokidï dai podukai gatïtïïgidi ïgai xi Suxi ïr Diuxi Otosadï Gïr Bhaitï Kïakamiga.

Hechos 19:13

Dai nobai ajiopaitadai chïki judidiu dai mos agaitai Suxi tïtiaradï gatïañia ïrhiditadai Diabora tïtïañikarudï sai bubuakiagi odamiañdïrï. Itïtïdaiña ïgai go Diabora tïtïañikaru aidï, —Suxi gubukadadïkïdï, ix makïdï Pabora aagaiña aatagidïrï, ïgai gubukadadïkïdï tudu gïn tïanïi aatïmï mïsai bubuakïna dai sai dagitona idi odami— ikaitiña ïgai.

Hechos 28:23

Dai bhai dui ïgai ixtuigako gïn ïmpaida agai ïpamu. Dai aidï bhai kïïga mui odami gïn ïmpagi ami xako gï urhiñakatadai Pabora. Dai Pabora ïmo tasai gamaakaitadai ñoki kiamoko abhiadïrï tukarï ukami. Aagidimi ïgai ix dukatai tïanïi Diuxi dai aagidimi ïpï ix kaiti Moiseskaru ïki ïmadï go gaa aagadami Diuxi ñokidï. Pabora ipïrhiditadai xi go odami buaboitudagi Suxi Kristo kaxkïdï pomaaxi atagidi.

Hechos 3:20

Dai ïpamu bhai gobai gïn otosdamu go Suxi. Ïgai tudu ïr Diuxi otosadï. Dai Diuxi kaxi ïkiaxdïrï dáí ïgai saidi ïr aapimï gïn bhaitï kïakamigakana— itïtïdai.

Hechos 5:42

Dai bïïx tasai go ojotoxikami aipakoga gamaatïturhiña odami. Maatïtuldiña ïgai go gïï kiupiïrï Jerusalenana dai modukai kiikiïrï. Aagaiña ïgai go bhai ïrhiaragai aatagi. Dai pokaitiña saidi go Suxi ïgai daidi ïr Diuxi Otosadï Gïr Bhaitï kïakamiga.

Hechos 8:34

Daidi bhodïrï ikaiti go dunukami, —Gin oigïdakai gin aagida, ¿Xorai aagadankaiti go aagadami Diuxi ñokidï? ¿Ïïgi ix gï aagai ïgai, ïmai xia?— ikaiti.

Hechos 9:20

Otoma jii ïgai judidiu kikiupaigadïrï dai mïï aagidimi odami sai Suxi ïr Diuxi maradï.

1 Korintios 1:23

Dïï aatïmï mai sastudakami dukai ñokaiña dai bhaiyoma mosïkaxi aagaiña aatïmï Suxi Kristo ix makïdï kuruxiana gï xixatu. Kaxkïdï mui odami mai buaboitudai gïr aatagi. Go judidiu mos bhakoikana aagaitai aatïmï Suxi Kristo. Dai go ix makïdï maiti ïr judidiu mos buirudagai dukai kaïkana gïr aatagi.

1 Korintios 2:2

Bhaiyoma podukai gin tïgito aanï ix gïn aagidagi mosïkaxi aatagidï Suxi ix makïdï ïr Diuxi Otosadï dai ix makïdï kuruxiana gï xixatu. Ïgai tudu ïr gïr Bhaitï Kïakamiga dai mosïkaxi ïgaikïdï gïn aatagidiña aanï.

2 Korintios 6:11

Gïr aaduñi Korintoïrï óídakami, kïï sïïrhi gïn ñokidi aatïmï idi ojiïrï dai maiti gïn ïxtokidi aatïmï toma lachi gïn oigïdatai aatïmï. Daiñi, naana maaxi ibuadana aatïmï gïn bïïtarï dai kïïga gïn mamaakaiña aatïmï ñoki ïpï ipïrhiditai ix maatïka aapimï xïï kïïga gïn oigïdai aatïmï. Kïïga gïn oigïdai aatïmï bïïxi gïr ibhïdagakïdï tudu. Dïï aapimï gia mai aadïrï gïr oigïdai podukai.

Efesios 4:21

Kïïga kaïkana aapimï Suxi Kristo aatagidï tudu. Kïïga máí aapimï ix tumaxi ïr buaboi aidïxi máí aapimï Suxi.