Hechos 7:55 - Northern Tepehuan Bible

⁵⁵ Dïï Diuxi Ibhïadï gatïanïitadai go Tibañi dai tïbagiamakoga nïnïaba ïgai dai tïï Diuxi ix bamioma kukudarïi xi go tasai. Dai tïï ïgai go Suxi xi Diuxi sïïrhixapadïrï kïïka ïpï.

Tepehuan Northern: Diuusi ñiooquidʌ utuducami oodamicʌdʌ

⁵⁵ Dʌmos Diuusi Ibʌadʌ ʌʌmadu daacatadai ʌTiivañi tai ʌgai tʌvaagiamu nʌnʌava dai tʌʌ Diuusi isvaamioma dadadacʌi sitasai dai ʌSuusi sʌʌlisa padʌrʌ cʌʌca Diuusi.

Hechos 7:55 ပူးပေါင်းရင်းမြစ်များ

Markos 16:19

Daidi bhodïrï ka naato aagakai Suxi Gïr Nukadakami aatagidï bai Diuxi baidaja ïgai tïbagiïrï. Dai ami Diuxi maa ïmo gïïdukami sïïrhikami dai maa xi gï sïïrhixapadïrï daibana go Suxi.

VUAANA 11:41

Dai go gaa maigobai yaara go odai aidï. Daidi Suxi tïbagiamakoga nïnïaba daidi itïtïdai Ogadï, —Gin Oga, kïïga bhai gin ïrhidi aapikïdï gin maakaitai ix tumaxi gï tanïdagi aanï— itïtïdai.

VUAANA 12:41

Poduu oja go Isaiaskaru ïkiaxdïrï aagaitai go Suxi kïïga maatïkatai xïïxi ïr gïdukami ïgai.

VUAANA 14:3

Daiñi kaxi an gïn aagidi sai bhai duñimu aanï xako óídakana aapimï amïka kaxkïdï gï maatï sai dibiamu aanï ïpamu gokiïrï dai gïn baidakamu ix amïka óídakana aapimï gin ïmadï.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Hechos 4:8

Daidi Diuxi Ibhïadï gatïanïitadai go Piduru aidï daidi Piduru itïtïdai go dudunukami, —Aapimï dudunukami dai aapimï gïr bhaitï gukakami kïkïrhiodami,

Hechos 6:10

Dïï Diuxi Ibhïadï maa tïgibudagai go Tibañi xi kaxkïdï go gaa mai tïï ixdukatai maitiagi.

Hechos 6:3

Kaïkabïrai tudu gïr aaduñi daidi gaaga kubarakami kïkïïrhi gïn saagidañdïrï ix makïdï kïï tutiakami duu nïidi odami dai ix makïdï Diuxi Ibhïadï tïanïi dai ix makïdï xioma kïï maatï aatabuadagi. Ïgai tïïgidamu aatïmï go soiñi xi ïgai takoidana bhaiyoma.

Hechos 6:5

Dai bïïxkatai go buaboitudadami bhai aa podukai dai ïko busaitu ïgai go Tibañi. Ïgai kïïga buaboida aimïraiña Diuxi dai Diuxi Ibhïadï tïanïiña ïgai. Dai ïko bubaitu ïgai go Pirhi ïpï, dai Prokoro, dai Nikanor, dai Timoñi, dai Parmenas, dai Nikolas. Antiokiañdïrï oidakami go Nikolas dai maiti ïr judiukatadai ïgai dai bhïiyi buaboidaragadï go judidiu.

Hechos 6:8

Diuxi kïïga maakaiña gubukadagai go Tibañi xi ïgai ibuadana naana maaxi ixtumaxi odami buitapi ix makïdï ïïgi Diuxi ixtutuidi xi buadagi.

2 Korintios 4:6

Daiñi, Diuxi ño ïïki aidïxi kia tukamukatadai oidigi daidi itïi ïgai, Ipïrhidi aanï sai oidakana kudagi, itïi ïgai. Dai ka oidatu kudagi dai ka kudidikami bii oidigi. Dai xibi ka kudidakan dukai bia ïgai gïr iibhïdaga ïpï gïr tïtïïgiditai ïgai ixtumaxi ïr buaboi. Po dui ïgai sai ka maatïkana aatïmï xïïxi ïr gïdukami ïgai dai xïï xigian tuiga. Gïr tïgito nïiditai aatïmï Suxi Kristo podukai kïïga mamaatïrïi aatïmï xïïxi ïr gïdukami Diuxi dai xïï xigian tuiga ïgai tudu.

Hebreos 1:3

Diuxi Maradï kïïga ïmadugan tuiga Diuxi ïmadï dai maatïkatai aatïmï Diuxi Maradï podukai máí aatïmï xïï gïïdu dai xïï xigiamaaxi Diuxi. Dai ñokidï Diuxi Maradï sïïrhikïdï gubuka. Go ïïgi ñokidïkïdï gatïanïi ïgai bïïxi ixtumaxi dai nukadai ïpï sai mai xia gï buadagi. Ïgai tudu bhai dui ix dukatai gï buanadagi gïr soimaaxkamiga gïr ibhïdagïrï. Dai bhodïrï kaxi gïr buanakai jii ïgai tïbagiamu dai ami daiba sïïrhixapadïrï Diuxi ix makïdï bïïxi adaama gubuka.

Hebreos 8:1

Kïïga gï maatï tudu gobaikïdï ix makïdï oja aanï tami ukami sai aatïmï gïr bïïtarï Suxi Kristo ïr go bhaitï kïakami dadaxdadami. Dai gï maatï ïpï sai bamioma namïga ïgai xi bhai bïïxi go ïïkidadï bhaitï gukakamigadï dadaxdadami. Ka daiba ïgai sïïrhixapadïrï xakoga dakatai gatïanïi Diuxi amïï tïbagiana. Ami tudu kabami xadutudikami bii Suxi.

2 Pedro 1:17

Nïidi aatïmï gubukadadï aidïxi go tubidaki daama darakatadai aatïmï ix makïdï ïr ïko busaidadï Diuxi go tubidaki tudu. Dai ami darakatadai aatïmï dai nïidi ix Diuxi gïr Oga kïïga ño Suxi bïïtarï dai nïidi aatïmï xïï kabami xigiamaaxi totoarïi Suxi Diuxikatai ïgai. Kaï aatïmï ix Diuxi gïr Oga ño tïbagiañdïrï aidï daidi ikaiti sai, —Go Suxi ïr gin Maara ix makïdï oigïdai aanï. Gobai ïr gin bhai ïrhiaraga— ikaiti Diuxi.

Apokalipsis 21:11

Kïïga xigiamaaxi gobai kudakatai Diuxi kudaigadïkïdï dai totoarïi ïpïan dukai ïmo odai kïï namïakami ix makïdï jasper tïgidu dai bidrio maaxi basudaga.