Hechos 7:52 - Northern Tepehuan Bible

⁵² Daiñi, go ñiñokituldiadamgadï Diuxi ïïki pokaitiña sai dibiagai Diuxi otosadï ix makïdï gia kïïga ïïgidi Diuxi. Dai gïn aaduñikaru soimaaxi taataturhi go ñiñokituldiadamgadï Diuxi ïgai bïïxkatai dai asta koi. Dai dibiakai Diuxi otosadï aapimï mos gatïïgi mïsai muana.

Tepehuan Northern: Diuusi ñiooquidʌ utuducami oodamicʌdʌ

⁵² Gʌnaaduñicaru soimaa taatatuli dai asta coi vʌʌsi Diuusi ñiñiooquituldiadamigadʌ ismaacʌdʌ ʌʌquioma dada dai aagidi Diuusi ñiooquidʌ. Ʌgai vaa ñiñiooquituldiadami aagai isdivia agai ʌcʌʌ tuigacʌdʌ ismaacʌdʌ tomali ʌmo imidagai maisoimaasi ivueeyi. Dai aidʌsi divia ʌgai aapimʌ gatʌʌgi mʌsai muaana.

Hechos 7:52 ပူးပေါင်းရင်းမြစ်များ

Mataibo 5:12

Bhaiga bïnïrhiada xïïxkadï po gïn buidadagi ïgai tudu. Kïïga maatï aapimï sai bia aapimï ïmo namïakami maitïki tïbagiana kaxkïdï. Daiñi, xïxkadï soi gïn buidadagi jaa gin urabakatai aapimï aidï ïpïandukami aapimï go ñiñokituldiadamigadï Diuxi ix makïdï óídakatadai ïïki. Kïïga maatï aapimï sai podukai buididiña óídakami ïïki go ñiñokituldiadamigadï Diuxi ïpï tudu— itïtïdai.

Lukas 6:23

Ka podukai buididiña odami Diuxi ñiñokituldiadamigadï ïïki ïpï tudu. Dïï bïïxkïrï abïr kïïga bhai gïn ïrhiada maatïkatai sai gïïpi bia aapimï gïn maitïki tïbagiana— itïtïdai.

VUAANA 16:10

Dai maatïtuldamu ïpï ix kïïga buañixi gin ibhïdaga ix kaxkïdï bhaiga aanï ix imiagi amïka xako daja gin Oga. Dai ka imïkai aanï ka maiti gin tïïgimu aapimï ïpamu.

Hechos 2:23

Dïï bïïxkïrï aapimï bhïiyi go Suxi dai kïkïïrhi mai xadutuadami Diuxi buitapi kïi aapimï dai gatïjai sai kuruxiana xixana. Podukai gatïjai aapimï muaragai go Suxi. Diuxi ka ïkiaxdïrï maatïkatadai xi pomaaxi pogïduña agaitadai. Ka pomaaxi gï tïgito ïgai ïïki abhiadïrï sai podukai ïpïduna aidï.

Hechos 22:14

Dai ïgai pobai gin tïtïdai ïpï, —Diuxi ix makïdï aatïmï judidiu xadutudaiña ïïki abhiadïrï kaxi ïkobai gï busaitu aapi Saulo pai aapi maatïkana Diuxi tïgibudadï. Ïkobai gï busaitu ïpï pïsai nïijadana aapi gïr Bhaitï Kïakamiga, go ix makïdï kïï buañixi ibhïadï tudu. Dai ïkobai gï busaitu Diuxi pïsai aapi Saulo kaïkagi ixtumaxi gï aagiadagi ïgai ïpï—.

Hechos 3:18

Ïïki ka podukai ojixikami bia bïïxkatai go Diuxi ñokituldiadami. Dai xibi ka buaboi busai gobai dai soimaaxi taata Diuxi Otosadï Gïr Bhaitï Kïakamiga.

Hechos 3:24

Dai kia aatagai ïgai daidi kaiti, —Ïïki oidakatadai ïmai ñokituldiadamigadï Diuxi ïpï. Samuel tïgidu ïgai. Ïgai ïkiaxdïrï aagai ixdukatai pogïduña agaitadai xibi ïpï. Dai aidï abhiadïrï xi oidakatadai go Samuel, bïïxkatai go ñiñokituldiadamigadï Diuxi aagaiña idi ïpï ix makïdï ïpïbuimi xibi tuigako.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.

1Tesalonicenses 2:15

Mui judidiu maiti ïr buaboitudadami tudu dai ïgai ïr duñidï xi gï muatu Suxi Kristo dai ïkioma kodaiña ïgai go aagadami Diuxiañdïrï ñoki ïpï. Dai xibi aatïmï gïr bui surhigïi ïgai soi gïr buididitai. Buidïrï bïïtïkami ïgai Diuxi tudu dai asta buidïrï bïïtïkami ïgai bïïxi óídakami ïpï pobuadatai.

2 Timoteo 3:4

Aidï óídakami tïtïgiada agai asta ïïgi aaduñdï sasayudï. Dai mai buamï ïrhiditai soimaaxi ibuadamu mos ïï namïakami gïn ïrhiditai ïïgi. Mai oigïdadamu ïgai Diuxi dai bhaiyoma ojoidadamu xi adaimuagi ïïgi bhai ïrhiaradï.

1 Pedro 1:11

Suxi Kristo Ibhïadï ka ïkiaxdïrï maatïturhitadai go ñiñokituldiadamigadï saidi Suxi Kristo soimaaxi taata agai dai sai gokiïrï oidaka agai naana maaxi bhai ïrhiaragai. Dai go ñiñokituldiadamigadï Diuxi maatïka ïrhiditadai ix tuigako daibuña agai bïïxi gobai dai xorai bïïtarïka agai gobai ïpï.

1 Juan 2:1

Aapimï gin maamara Diuxi amadïrï, gïn soiña in ïrhidi aanï sai mai soimaaxi ibuada aapimï dai kaxkïdï gïn otoxdi aanï idi ojai. Dïï gia xïduñada soimaaxi ibuadagi ïmadutai aatïmï, aidï gia kïïga maatï aatïmï sai bia aatïmï xorai gïr soiñagi dai gïr ñokituldagi Diuxi buitapi. Ïgai ïr Suxi Kristo ix makïdï kïïga buañixi ibhïadï.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Apokalipsis 3:7

Daidi go makïdï gin ñokidi dai odami maaxi gin tïtïdai, —Ojidañi ïmo ojai go buaboitudadami nukadakamigadï Filadelfiïrï ïpï. Dai adukai ojida aapi, Aanï Diuxi Ïko Dasadï tïgidu dai Sïïrhi Ibuadami tïgidu aanï ïpï. Dai bia aanï ï galbaaxi sïïrhikami ix makïdï biakatadai rey Dabidkaru. Ix dukai biakatadai ïgai sïïrhikami xi tïanïdagi Jerusalenïrï dai aagagi xorai baakiagi ami dai xorai mai baakiagi, aanï podukai bia sïïrhikami xi tïanïdagi dai maakiagi oigaragai ïïmoko xi bapakïdagi xako gatïanïi aanï. Dai bhaiga aanï xi daidagi xorai ipïrhiadagi aanï ïpï. Dai mai tipu xorai gin daidagi.