Hechos 7:30 - Northern Tepehuan Bible

³⁰ —Dai bhodïrï ka daibunukai gokobhai umigi, oidigana aimïraitadai Moises miadïrï ïmo gidi Sinaí tïgidukami. Ami ïmo Diuxi tïañikarudï gï maaxitu Moises buitapi. Ïmo uxi ipuadïrï mïïkatadai dai ami taiyïrï gï maaxitu ïgai .

Tepehuan Northern: Diuusi ñiooquidʌ utuducami oodamicʌdʌ

³⁰ Dai cadaivunucai goo coobai uumigi, ami oidigana miaanai ʌgiidi siaaco Siñaí tʌʌgidu, gʌmaasitu ʌmo Diuusi tʌaañicarudʌ ʌMoseesa vuitapi taiyʌrʌ ismaacʌdʌ mʌʌcatadai ʌmo uusi iipuadʌrʌ.

Hechos 7:30 ပူးပေါင်းရင်းမြစ်များ

Exodo 3:6

—Aanï ïr Diuxi ix makïdï gin buaboitudaiña gï piipixara ïki. Ix makïdï buaboitudaiña Abraam ïmadï Isaak dai Jakobo ïïki tudu— itïtïdai Diuxi. Daidi go Moises ïbhïimi xi nïijadagi Diuxi daidi gï iña buibasodï.

Markos 12:26

Kïï maatï aanï ix mai buaboitudai aapimï xi oidakagi duakaragai koidadï bïïtarï. Dïï aanï aagai sai gia duduakai ïgai. Daiñi, Diuxi pokaiti sai go Abraam, ïmadï go Isaak ïmadï go Jakobo bïïxi buaboitudai Diuxi tomaxi aidïpïrï xi pokaiti ïgai ka ïïki abhiadïrï ka mai tiputadai ïgai bïï baikatai tami oidigi daama. ¿Dukatai buaboitudana ïgai Diuxi ix mai duakakagi di? Diuxi kïïga duduakakami aagai go Abraam ïmadï Isaak dai Jakobo tudu tomaxi ka koitadai ïgai. Kïï maatiga maaxi ix mai kïï aagai aapimï potïkai sai mai tipu duakaragai bïïtarï koidadï di— itïtïdai Suxi. —¿Maiti mïx kia nïidi Moises ojadï xako aagai go uparai kïakami biakami tai? Ami tudu aagai gobai idi aatagi— itïtïdai Suxi go Saduseos.

Lukas 20:37

Kïïga duduakarïi koidadï ïpamu tudu. Daiñi, go Moiseskaru oja ïmo ojai ïïki aagaitai go uparai xako saagida mïjïitadai táí dai ami gïr maaxiturhi sai oidaga duduakaragai koidadï bïïtarï. Ami aagai ïgai sai go Abraamkaru ïmadï Isaakaru dai Jakobokaru buaboitudai Diuxi. Ka mui umigi ïr koidadïkatadai go Abraamkaru ïmadï Isaakaru dai Jakobokaru aidïxi poduu oja go Moises sai buaboitudai ïgai Diuxi tudu. Dai gobai itïiya ïrhidi sai tomax ka koitadai ïgai bïïxkïrï kia duduakatadai iibhïadï. Ïma dukai dukatai buaboitudaiña ïgai Diuxi di.

Hechos 7:17

Daidi kabami muida aidï gïr aaduñi ami Ejiptuïrï óídakatai. Dai Diuxi ka aagiditadai aidï go Abraam sai oida agaitadai piipixaradï dïbïrai xako óídakagi ïgai. Dai aidïpïrï ka miadaimitadai ixtuigako maaki agaitadai ïgai.

Hechos 7:31

Daidi go Moises mai tïï ix dukatai gï tïgitoagi tïïgakai. Dai bhodïrï mianïrioma kïkiba ïgai dai nïida agai dai kaï Diuxi ñokidï daidi ikaiti,

Hechos 7:32

Diuxi aanï dai aanï gin buaboidaiña go Abraamkaru ïmadï Isaakaru ïmadï Jakobokaru, itïtïdai Diuxi. Daidi go Moises mos gigibukïi duadimukatai. Ïbhïidi ïgai xi bui nïnïabagi go tai.

Hechos 7:35

Dai go Tibañi apia oi gï aatagi daidi ikaiti, —Aaduñdï go Moises mai ïïgida kaï go Moises ñokidï daidi potïtïdai, ¿Xorai dunukami dai tïanïdami dukai gï dáí aapi Moises? itïtïdai. Dïï tomaxi go Moises aaduñdï mai kïïgakïrï nïiditadai ïgai, Diuxi bïïxkïrï otoi ïmo tïañikarudï dai ïgai aagidi go Moises sai Diuxi otosa agaitadai Ejiptuamu. Aagidi ïpï sai ïgai tïanïna aaduñdï dai sai kïïgakïrï bubaidana.

Galatas 4:25

Arabiana bipiïyi go Sinaí. Go Hagar ïr ïmo maaxidaragai bïïtarï go Jerusalen ix makïdï nïidi aatïmï xibi tudu dai bïïtarï go judidiu ïpï ix makïdï ami Jerusalenïrï óídaga. Ïgai judidiu pobïn ïrhidi sai bia xi ïïgiadagi go sïïrhikami sai Diuxi kïïgakïrï nïijadana tudu. Dai kaxkïdï pipioñi sosiaxikami duu óídaga ïgai ïïgiditai go sïïrhikami. Kaxkïdï go Hagar ïr ïmo maaxidaragai dukai ïgai bïïtarï. Kaxkïdï tudu go Hagar ïr ïmo pioñikatadai.