Hechos 6:11 - Northern Tepehuan Bible

¹¹ Daidi go kïkïïrhi ix makïdï gabuidïrï ñokaitadai aa namïki jaa sai ïgai gïpiïrï buajana go Tibañi. Ïgai pokaiti sai go Tibañi soimaaxi ñokai Moiseskaru sïïrhikamigadï bui dai Diuxi bui ïpï. Mos gïpiïrï buaja ïrhidi ïgai go Tibañi daidi ikaiti.

Tepehuan Northern: Diuusi ñiooquidʌ utuducami oodamicʌdʌ

¹¹ Amaasi ʌgaa aa namʌqui aa sai potʌʌna sai caʌ ʌgai isTiivañi soimaa ñioocai Moseesacaru mamaatʌtuldaragadʌ vui dai Diuusi vui.

Hechos 6:11 ပူးပေါင်းရင်းမြစ်များ

VUAANA 1:17

Daiñi go Moiseskarukïdï gïr maatïturhi Diuxi ïmo ixtumaxi kïïgadukami. Gïr maatïturhi go sïïrhikami ojixikami. Dïï gia Suxi go Ga Tïanïdamikïdï gïr maatïturhi Diuxi ixtumaxi gïïpi bamioma kïïgadukami. Ïgaikïdï gïr maatïturhi Diuxi xïï kïï tuiga ïgai dai xïï kïï sïïrhi ñokai.

VUAANA 16:3

Mai maatï ïgai Diuxi gïr Oga dai tomarhi mai maatï xorai aanï ïpï kaxkïdï soi gïn buidada agai ïgai podukai.

VUAANA 9:29

—Kïïga maatï aatïmï ix Diuxi ïmadï aatagaiña go Moiseskaru ïïki dïï gia mai maatï aatïmï tomarhi xajadïrï dibia go Suxi— itïtïdai.

Hechos 15:21

Pobai tudu kaitiña aagadami ïki abhiadïrï Moises bituldaradï. Bïïxkïrï bïïxi go gïgïr kiikiïrï podukai mamaakaiña ïgai ñoki ibhïxtaragai tasïrï bapakïitai judidiu kiupaigadïrï— itïtïdai Jakobo.

Hechos 18:6

Daidi go judidiu mos parunai dai xigalnaxi ñoki aagidi. Daidi Pabora upai baasaradï dai gigigi dai podukai maaxitudai sai ïgai maiti ïr duñidï xi go judidiu mai buaboitu ñokidï. —Ïïgi aapimï ïr gïn duñi xi gïn gïïgïdagi Diuxi— itïtïdai. —Aanï gia ka maiti ïr gin duñi ka agai gobai— itïtïdai Pabora. —Xibi abhiadïrï bhaitiakoga aituldamu aanï ñoki go ix makïdï maiti ïr judidiu bhaiyoma— itïtïdai.

Hechos 21:28

Daidi bhïiyi ïgai go Pabora dai bhodïrï mos gïïgïrï ijiña bhakoikatai daidi ikaitimi, —Aapimï judidiu, gïr soiñabïrai daidi maakia aatïmï ïmo gïgïbidaragai idi kïïrhi— ikaitimi. —Mos bïï aipako aimïraiña gobai dai gamaamakaiña ñoki odami, bui ñokaitai ïgai gïr aaduñi ïmadï go Moiseskaru sïïrhikamigadï dai idi gïï kiupai ïpï. Dai ïkobïrakoga bua ïgai kïkïïrhi ix makïdï maiti ïr judidiu dai tami Jerusalenïrï kiupiïrï baapa dai podukai mai xadutudai ïgai idi gïï kiupai ix makïdï ïr ïko busaidadï Diuxi— ikaiti go judidiu ïgai gïpiïrï bupaitai go Pabora.

Hechos 25:3

Dai daañimi ïgai go Festo dai itïtïdai aidï, —Gïr oigïdakai otosda aapi ïmoko sai mïkadïrï Cesareañdïrï buapana go Pabora tanai Jerusalenïrï— itïtïdai. Mua ïrhiditadai ïgai go Pabora boiyañdïrï imïitai tudu dai poduu aagai.

Hechos 25:7

Daidi mos baa go Pabora baidi go judidiu ix makïdï dadatadai Jerusalenañdïrï bïï xikorhi gukiba. Dai kabami ñokimi ïgai dai gïpiïrï bupaimi tomaxi mai biakatadai ïgai ixdukatai maaxitudagi ix ïr buaboi ix duu aagai ïgai.

Hechos 26:11

Dudatai no aïjïiña aanï kikiupaigadïrï dai kabami soi buididiña go buaboitudadami. Gubudakïdï potïtïdaiña aanï sai ïgai itïïna xi ka mai buaboitudai Suxi Kristo. Sïïrhikïdï kïdaiña aanï go buaboitudadamigadï Suxi Kristo tudu dai asta adaimïiña aanï maigobai mïkaxi xako óídaga jaa ïma maaxi ñokadami, dai ami soi buididiña aanï ïpï— ikaiti.

Hechos 6:10

Dïï Diuxi Ibhïadï maa tïgibudagai go Tibañi xi kaxkïdï go gaa mai tïï ixdukatai maitiagi.

Hechos 6:12

Dai podukai bhakoitu ïgai odami ïmadï dudunukami dai mamaatïtuldiadami sïïrhikami ïpï. Xi kaxkïdï ïgai bïïxkatai buidïrï surhi go Tibañi dai bhïiyi. Bhïkai ïgai dai baan kïi buidïrï go ix makïdï bïïxi adama ïr tïtïanïdamigadï judidiu.

Hechos 6:13

Dai ami báí ïgai jaa yaatabogami ïpï saidi ïgai itïïna aidï, —Go Tibañi bïïxkïrï bui ñokaiña go gïï kiupai xako xadutudai aatïmï Diuxi. Dai bïïxkïrï buidïrï kaatïkana sïïrhikamigadï Moiseskaru ïpï.

Romanos 3:8

Xi ïr buaboikamudai gobai sai xudu soimaaxi buadagi ïmoko sai buapai ixtumaxi kïïgadukami, aidï gia gï agadamudai xi soimaaxi buadagi aatïmï bai podukai bamioma oidakagi ixtumaxi ïr kïïga. Asta pokaitiña jaa ïpï sai aatïmï maatïturhimi odami sai soimaaxi ibuada ïgai bai podukai bamioma oidakagi kïïgadukami. ¡Xadïrï! Daiñi, gï agai xi Diuxi gïgïbituldagi ix makïdï podukai maatïtuldagi odami bhaiyoma.