Hechos 5:34 - Northern Tepehuan Bible

³⁴ Dïï ami ïmpaiñdaragïrï dakatadai ïmo kïïrhi Gamaliel tïgidukami. Ïgai ïr ïmo fariseo daidi ïr maatïtuldiadami Diuxi sïïrhikamigadï. Dai odami kïï xadutudaiña ïgai. Daidi kïkiba ïgai mobai ïmpaiñdaragïrï dai gatïjai bubaidaragai lachi go ojotoxikami.

Tepehuan Northern: Diuusi ñiooquidʌ utuducami oodamicʌdʌ

³⁴ Amaasi cʌquiva ʌmo sonʌrʌ cʌaacami Gamalieli tʌʌgiducami. Ʌgai ʌrʌmo fariseo daidʌ ʌrmamaatʌtuldiadami Diuusi sʌʌlicamigadʌ. Dai vʌʌsi ʌoodami aliʌ siaa duutudaiña. Dai ʌgai gatʌjai mʌsai vuvaidana laachi ʌojootosicami.

Hechos 5:34 ပူးပေါင်းရင်းမြစ်များ

Lukas 2:46

Baika tasai gaa ïgai dai tïï kiupiana dakatai ïgai. Ami saagida dakatadai ïgai tïtïgiadami ñoki kiupiana. Dai kaïkatadai ïgai aatagidï go tïtïgiadami ñoki dai gatïkakatadai naana maaxi ixtumaxi.

Lukas 5:17

Dai ïmo imidagai ïmo kiiyïrï gatïtïïgiditadai Suxi ñoki dai ami miadïrï darakatadai kïkïïrhi ix makïdï ïr tïtïgiadami sïïrhikamigadï Moises dai ami darajatadai chïki fariseos ïpï. Ami dadatadai ïgai mui arhi kiikiañdïrï Galilea munisipiañdïrï dai Judea munisipiañdïrï dai ïïmoko dadatadai Jerusalenañdïrï ïpï. Daidi Diuxi Gïr Nukadakami kïïga mamaakaitadai gubukarhigai go Suxi sai duduadana ïgai kokokoñiadï aidï.

VUAANA 3:10

Dai Suxi itïtïdai aidï, —¿Maiti ix ïr ïmo mamaatïtuldiadami aapi go Israelitas bïïtarï? ¿Dukatai mai maatï kaï aapi?

Hechos 22:3

—Daiñi— itïtïdai, —Aanï ïr judiu. Tarso kiikiïrï busaikami aanï, Cilicia oidigïrï. Dai tanai Jerusalenïrï gïrakami aanï. Go ojadami Gamaliel ïgai dai gin maatïturhi dai gin maatïturhi ïgai bïïxi go sïïrhikami ix makïdï gïr biturhi gïr aaduñi ïki. Aanï bïïxi gin ibhïdagakïdï ïïgida in ïrhidiña Diuxi ïpïandukai ix dukatai ïïgida ïrhidi aapimï Diuxi xibi ïpï.

Hechos 4:15

Daidi go dudunukami ïïgi gaatagada ïrhiditadai dai maigobai otoi go ojotoxikami

Hechos 5:21

Daidi go ojotoxikami oton ïïgi dai xadiko ïïki baapa go gïï kiupiana dai ami gaatagiditadai ïgai odami. Baidi go bhaitï kïakami dadaxdadami judidiu ïmadï ix makïdï urabakatadai ïgai pobï gïn ïrhiditadai ix kia maixakaruana darajatadai go ojotoxikami daidi idui ïmpaiñdaragai ïmadï go bhaitï gukakamigadï judidiu. Dai bhodïrï otoi ïgai sandadaru sai buapana go maamaixapikïdï.

Hechos 5:27

Bua ïgai dai go bhaitï gukakami bui tuutui baidi go bhaitï kïakami daxdadami potïtïdai,

Hechos 5:35

Dai bhodïrï potïtïdai ïgai go gaa bhaitï gukakami, —Kaïkabïrai gin aaduñi judidiu, gï agai xi kïïga gïn tïgito nïida mïx duñagi idi kïkïïrhi.