Hechos 5:26 - Northern Tepehuan Bible

²⁶ Daidi kapitañigadï go gïï kiupiïrï sandadaru jii ïmadï sandadarugadï dai bua. Dïï go sandadaru arhiï ïbhïiditadai go óídakami xi maikarsagi ïgai xi mos kïï bhaidukai bai ïgai go ojotoxikami dai mai soi buimi.

Tepehuan Northern: Diuusi ñiooquidʌ utuducami oodamicʌdʌ

²⁶ Amaasi ii ʌbaitʌcʌaacamigadʌ ʌgʌʌ quiuupiʌrʌ sandaaru ʌʌmadu sandaaru dai vuaa. Dʌmos aliʌ ʌʌbʌiditadai ʌsandaaru ʌoodami ismaicarsagi ʌgai cascʌdʌ maisoi vuimi ʌojootosicami.

Hechos 5:26 ပူးပေါင်းရင်းမြစ်များ

Mataibo 14:5

Dai kaxkïdï go rey mua ïrhiditadai go Juan dïï duadikoitadai ïgai ixtumaxi iduñagi go odami. Go odami kïïga xadutudaiña go Juan kaxkïdï. Maatïkatadai go odami saidi go Juan ïr ïmo ñokituldiadamigadï Diuxi tudu. Dai kaxkïdï duadikoitadai go rey ix muagi.

Mataibo 21:26

Daidi ix potïdagi aatïmï sai ïmo odami otoi go Juan dai mai xu Diuxi maa sïïrhikami, aidï gia gï bui bhaakoika antaada go odami. Go odami kïï buaboitudai sai go Juan ïr ïmo ñokituldiadamigadï Diuxi di— Pokaititadai go dudunukami tudu mai maatïkatai ixdukatai aa noraidagi ñoki go Suxi.

Mataibo 26:5

Daidi ikaiti ïgai, —Ka daibunukai go bagimi bhïimu aatïmï sai mai bhakoikana odami gïr bui. Ix go bagimiana bhïiyagi aatïmï gïr bui surhigi antaada óídakami tudu— ikaiti ïgai.

Mataibo 26:58

Gamo baidaja ïgai go Suxi tudu dai go Piduru mïkaxdïrï oiditadai asta tuixikigadïana go Kaifas kiidïrï ukami. Ami ukami ayi ïgai dai ami daiba ïgai go sandadaru ïmadï go tuixikana dai nïida agai ix iduña agai Suxi.

Lukas 20:19

Dai go tïtïgiadami sïïrhikami ïmadï go dadaxdadami bhaitï gukakamigadï maatïkatadai sai ïgai agaitadai go Suxi. Kaxkïdï gaagaitadai ïgai ix dukatai bhïiyagi go Suxi dïï duadiko ïgai go odami dai mai bhïiyi kia.

Lukas 20:6

Dïï gia xi tïdagi aatïmï sai go Juan maiti ïr ñokituldiadamigadï Diuxi dai sai mosïkaxi odami ïgai dai maa sïïrhikami go Juan aidï gia gïr bui bhakoko antaada óídakami dai gïr maikarsa antaada dai gïr kodagi. Kïïga buaboitudai odami saidi go Juan ïr ñokituldiadamigadï Diuxi di— ikaitimi go bhaitï gukakami.

Lukas 22:2

Dai go bhaitï gukakamigadï go dadaxdadami ïmadï go tïtïgiadami sïïrhikami gaagaitadai ix dukatai ïxtotai muagi go Suxi. Dïï mai tïtïgaiña ïgai ixdukatai. Duduadikoitadai ïgai ix bhakoikagi go óídakami kaxkïdï.

Lukas 22:4

Dai baakïkai go Diabora ïgiïrï sai jii go Udaxi mïï nïidi go bhaitï gukakamigadï go dadaxdadami ïmadï go sandadaru ix makïdï nukadai go gïï kiupai. Mïï aataga ïgai ïmadï dai bhai dui ñoki ixdukatai tïïgida agai go Suxi xako mai nïijadagi odami.

Hechos 4:21

Daidi go dudunukami ka mai tïtïgaitadai ixtukïdï gïpiïrï surhigiagi go Piduru ïmadï Juan dai mos aagidi sai soimaaxi taatatulda agai ix apia aagada ïgai go Suxi. Dïï aidïpïrï ïbhïiditadai ïgai ix soimaaxi duiñdagi. Pobïnïrhidi ïgai sai ñokada antaada go odami aidï. Bhaitoma bïïxi go odami kïïga ñokaitadai Diuxi bïïtarï nïiditai ix ka duayi go kokoadï ka biakatai ïgai bhaibitukami gokobhai umigi. Kaxkïdï go dudunukami mos ïbhïki go Piduru ïmadï Juan dai dagito sai iimïna.

Hechos 5:13

Dai go gaa óídakami ami Jerusalenïrï ïbhïiditadai xi gaurabagi ïgai tomaxi gia kïïga ñokaiña ïgai bïïtarï.

Hechos 5:22

Daidi go sandadaru mai tïï go ojotoxikami maixakaruana,

Hechos 5:24

Daidi kapitañigadï go gïï kiupiïrï sandadaru ïmadï go gaa bhaitï gukakamigadï judidiu aipako gïn tïkakai daidi ikaiti, —¿Xi gï duñimu xibi?— ikaiti.

Hechos 5:25

Tai amaxi dibia ïmo kïïrhi daidi itïtïdai, —Mïï gïï kiupiïrï guka go kïkïïrhi ix makïdï maamaixa aapimï dai gamamaakai ñoki— ikaiti go kïïrhi.