Hechos 4:33 - Northern Tepehuan Bible

³³ Daidi go ojotoxikami gïïpi bhïiyi gubukarhigai dai aagidiña ïgai go odami sai Suxi ka duakatu. Dai Diuxi sïïrhikïdï kïïgakïrï tïï go buaboitudadami dai kïïga oigïdaitai urhiñdi gubukadadï.

Tepehuan Northern: Diuusi ñiooquidʌ utuducami oodamicʌdʌ

³³ Vʌʌscatai ʌojootosicami apiaaagaiña siooma guvucadagaicʌdʌ Suusi duaacaragadʌ vai Diuusi cʌʌgacʌrʌ nʌidiña vʌʌscatai.

Hechos 4:33 ပူးပေါင်းရင်းမြစ်များ

Markos 16:20

Dai go mamaatïrdami aipako iji dai óídakami buitapi aiturhi Diuxi ñokidï. Dai Suxi Gïr Nukadakami soikïiña aaduindadïrï bai ïgai naana maaxi ibuadana ix makïdï ïïgi odami xadïrï ixtuidana ix ibuadagi. Podukai maaxiturhi sai ix makïdï aagaiña ïgai ïr buaboi. Dai mosïkaxi.

Lukas 2:52

Daidi go Suxi kïïga gïï dai bhïjimi kïïga tïgibudagai. Dai Diuxi kïïgakïrï nïidiña dai go óídakami kïïgakïrï nïidiña ïpï.

VUAANA 1:16

Dai go Diuxi Ñokidï tïgidukïdï kïïga bia bïïxi aïkatai ixtumaxi gïr biïgakana. Sïïrhikïdï kïï tuiga ïgai gïr bïïtarï dai dudatai gïr urhiñdi naana maaxi soiñi.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 2:47

aatagaiña xïïxi kïï tuiga Diuxi. Bïïxi odami kïïgakïrï nïidiña go buaboitudadami aidï. Dai Diuxi maa tïgibudagai odami sai bïïx tasai jaa odami buaboitudaimi dai bhodïrï urabaiña ïgai go gaa ix makïdï ïr buaboitudadami ïpï.

Hechos 4:30

Daidi ikaiti ïgai ïpï, —Gïr soiñañi xibi gï otosa Suxi Kristo gubukadadïkïdï daidi duayda aapi kokokoñiadï dai ibuada maaxidaragai maaxi ix makïdï ïïgi aapi ibuayi dai podukai gïr tïïgidañi ix xïï gubuka aapi— ikaiti buaboitudadami daanïitai Diuxi.

1Tesalonicenses 1:5

Kïïga maatiga maaxi tudu sai Diuxi ïgai dai gïn soi sai buaboitudaiña aapimï. Kaxkïdï tudu aidïxi gïn aagidi aatïmï go bhai ïrhiaragai aatagi Diuxi Ibhïadï kïï gubukan dukai aatadui aapimïrï saidi kïïga maatïkana aapimï ix ïr buaboi gïr aatagi. Mai ïïgi gïr gubukarhigakïdï gïn aatagidi aatïmï tudu. Dai gokïdï gï maatï kïïga sai gïn oigïdai Diuxi dai sai ïkobai gïn bubaitu ïgai. Ïma dukai xadïrï gïn soiñamudai Diuxi Ibhïadï sai buaboitudaiña aapimï. Dai kïïga nïidi aapimï ix dukatai óídakatadai aatïmï amïï gïn dibidakai dai podukai máí aapimï saidi maiti ïr yaatagi gïr aatagi.