Hechos 27:27 - Northern Tepehuan Bible

²⁷ Adriatico tïgidu go gïï sudagi xako iimïitadai aatïmï. Dai aidï tukarï ka aiturhi aatïmï goka ïkaldi xi bïï aipako gïr bhïï aimïrai ïbïrhi. Daidi ïran tukarï go iimibudadami go barko maatï tïï ix ka miadaimitadai sudagi ugidïrï.

Tepehuan Northern: Diuusi ñiooquidʌ utuducami oodamicʌdʌ

²⁷ Dai cagooca ʌcaldi gʌʌ suudarʌ iimʌitadai aatʌmʌ dai Adʌliana iimʌitadai aatʌmʌ gʌʌ tucarʌ vai aipaco gʌrbʌʌ ajioopai ʌvʌʌli. Dai ʌran tucarʌ maatʌ tʌʌ ʌgai ismaacʌdʌ nuucati ʌvaarcu iscayoga aayi dʌvʌʌrai.

Hechos 27:27 ပူးပေါင်းရင်းမြစ်များ

Jonas 1:6

Dai kapitañigadï go barko mïï kïkiba xako kaatïkatadai Jonas dai potïtïdai, —Nïñiñi aapi parïgami— itïtïdai. —Daañiñi go Diuxi ix makïdï buaboitudai aapi. Maatï xi ipïlda ïgai xi gïr soiñagi sai mai koiyagi aatïmï— itïtïdai.

Hechos 27:26

Dïï gia go barko gia xia gï duñimu arasakai gobai oidigi no xibhïkai— itïtïdai Pabora.

Hechos 27:28

Daidi ïpïabidi ïgai sudagi xïï tukabaga saidi ïr ïmo kobhai dan bhaibuxtama dan kubarakami metro. Dai bhaitïkioma lïïchi ïpamu ïpïabidi ïgai. Dai xibi mos arhi ïmo kobhai dan kubarakami metro gobai.

Hechos 27:30

Daidi go iimibudadami go barko mos ïïgi kïïgakïrï bubuakia ïrhiditadai dai ka dagito agaitadai go barko. Sudaïrï tïbañi agaitadai ïgai go arhi lancha ïpamu. Ïgaikïdï iimia agaitadai ïgai dai ïxto tïbañimi. Tïapañiadan kaiti ïpï jaa papaiñomi mïï barko kugïrï bhaitïadïrï xi mai kabami mïradagi go barko, dïï maiti ïr buaboikatadai. Tïbañimi ïgai go lancha bhaiyoma.

Apokalipsis 18:17

Dïï gia xibi todian dukai xia gï dodai bïïxi go ixtumaxi namïakami— ikaitidamu ïgai. Daidi bïïxi go sosoigakami gïgïr barkos ïmadï bïïxi go barkoana paxaradami dai aatabuadami dai ïmadï bïïxi go gïï sudagiana aatabuadami bïïxkatai mïkaxdïrï nïijada agai gïgïbiditai Diuxi go Babilonia.