Hechos 26:8 - Northern Tepehuan Bible

⁸ Dai bhodïrï Pabora ñokidi go judidiu daidi itïtïdai, —¿Ix tuixidï aapimï judidiu pokaiti sai mai buaboitudai aapimï ix Diuxi duakaldana koidadï?— ikaiti Pabora.

Tepehuan Northern: Diuusi ñiooquidʌ utuducami oodamicʌdʌ

⁸ Tuimʌsi poduucai tʌtʌgitoi aapimʌ ismaibaiga isvaavoitudagi isDiuusi istutuidi isduduaacaldagi coidadʌ.

Hechos 26:8 ပူးပေါင်းရင်းမြစ်များ

Lukas 1:37

Mai tipu xijiakami Diuxi bïïtarï di— itïtïdai.

Lukas 18:27

Dai Suxi potïtïdai, —Buaboi aba sai óídakami mai bhaiga xi kïïgakïrï gïn bubiadagi ïïgi ïgai. Dïï gia Diuxi kïïga ixtutuidikïi xi kïïgakïrï bubiadagi— itïtïdai.

Hechos 23:6

Daidi Pabora gï tïgito tïï ix go dudunukami ix makïdï ami daraka ïïmoko ïr saduseo dai jaa ïr fariseo, kaxkïdï gïgïrï ño daidi itïi, —Gin aaduñi, aanï ïr fariseo dai gin oga ïr fariseo ïpï. Dai aanï buaboitudai sai koidadï duduaka agai kaxkïdï gin bua aapimï tanai dai gïn baan kïi— itïtïdai.

Hechos 25:19

Mos bui ñokaiña ïgai ïïgi gïn buaboidaragaikïdï. Pokaitiña ïgai sai go Pabora mai xadutudaiña gïn buaboidaraga dai aagaiña ïgai ïmo kïïrhi mukiadï Suxi tïgidukami ïpï. Pabora pokaiti sai duaka go Suxi kaxkïdï mai bhai gïn ïrhidi ïgai— itïtïdai Festo.

Hechos 4:2

Dai arhiï bhaakoi ïgai kaïkatai aatagidï Piduru ïmadï Juan. Pokaititadai Piduru ïmadï Juan sai Diuxi duakaturhi go Suxi dai sai bïïxi go koidadï biakamu gïn duakaragai.

1 Korintios 15:34

Kïïga abïr gïn tïgito tudu daidi maigobai dasa go soimaaxi tïgibudagai. Daiñi, aanï aagai sai ïïmadutai ix makïdï gïn urapïkïi gïn ïmpaiñdaragïrï mai maatï Diuxi. Gï agaitadai ix soiñamudai aapimï sai maatïkana dïï mai kia soi aapimï dai gokïdï gï agaitadai ix xaïradagi aapimï.

Filipenses 3:21

Ïgai tudu bia gubukarhigai xi tïanïdagi bïïxi ixtumaxi dai bïïxi ixtumaxi bia xi ïïgiadagi. Dai go galbaaxi gubukarhigakïdï ïma maaxtuda agai Suxi gïr tukuga aidï dibiakai ïgai. Xibi mai xii gubuka gïr tukuga dai otoma ugiatïi. Dïï aidï gia gïr maakimu ïgai gïr tukuga utudui ix makïdï ïpïan maaxkamu ix makïdï bia ïgai. Dai ïgai tukugadï gia kïï gubuka dai kïï tiodi dai mai ugiti agai. Pomaaxika agai gïr tukuga utudui tudu.