Hechos 25:7 - Northern Tepehuan Bible

⁷ Daidi mos baa go Pabora baidi go judidiu ix makïdï dadatadai Jerusalenañdïrï bïï xikorhi gukiba. Dai kabami ñokimi ïgai dai gïpiïrï bupaimi tomaxi mai biakatadai ïgai ixdukatai maaxitudagi ix ïr buaboi ix duu aagai ïgai.

Tepehuan Northern: Diuusi ñiooquidʌ utuducami oodamicʌdʌ

⁷ Aidʌsi ʌPaavora vaa ami taidʌ ʌjudidíu ismaacʌdʌ dada Jerusaleenaiñdʌrʌ miaadʌrʌ guuquiva dai gʌpiʌrʌ vuupaimi sai naana maasi idui aliʌ soimaascami. Dʌmos maitiipucatadai tomali ʌmo nʌijadami.

Hechos 25:7 ပူးပေါင်းရင်းမြစ်များ

Sal 27:12

—Gin Nukadakami, maiti gin tïïgida gin buidïrï bïïtïkamiga. Gïpiïrï gin bupai ïgai yaatagikïdï dai oomarhigan buayi gin buidïrï— ikaiti otosadï Diuxi.

Mataibo 15:1

Daidi bhodïrï dada chïki fariseo ïmadï tïtïïgiadami sïïrhikami Jerusalenañdïrï dai mïï ayi xako dakatadai go Suxi. Daidi potïtïdai ïgai Suxi,

Lukas 23:10

Dai ami darajatadai bhaitï gukakamigadï go dadaxdadami ïmadï go tïtïgiadami sïïrhikami dai ïgai kabami gïpiïrï bupai go Suxi.

Lukas 23:2

Dai ami gïpiïrï bupaimi ïgai daidi ikaitimi, —Tïï aatïmï idi kïïrhi ix makïdï arhiï xixiokitudai óídakami dai pokaiti sai maiti gï agai xi tïïgidagi kuota go gïï dunukami romano. Bhakoitudai gobai go óídakami go gïï dunukami bui tudu. Dai ïkobïrakoga pokaiti gobai saidi ïr Rey dai ïr dasadï Diuxi— ikaiti go kïkïïrhi gïpiïrï bupaitai ïgai go Suxi.

Hechos 21:28

Daidi bhïiyi ïgai go Pabora dai bhodïrï mos gïïgïrï ijiña bhakoikatai daidi ikaitimi, —Aapimï judidiu, gïr soiñabïrai daidi maakia aatïmï ïmo gïgïbidaragai idi kïïrhi— ikaitimi. —Mos bïï aipako aimïraiña gobai dai gamaamakaiña ñoki odami, bui ñokaitai ïgai gïr aaduñi ïmadï go Moiseskaru sïïrhikamigadï dai idi gïï kiupai ïpï. Dai ïkobïrakoga bua ïgai kïkïïrhi ix makïdï maiti ïr judidiu dai tami Jerusalenïrï kiupiïrï baapa dai podukai mai xadutudai ïgai idi gïï kiupai ix makïdï ïr ïko busaidadï Diuxi— ikaiti go judidiu ïgai gïpiïrï bupaitai go Pabora.

Hechos 24:13

Dai Pabora itïtïdai go dunukami ïpï sai, —Idi odami maiti ixtutuidikïi ix busaidagi tomarhi ïmo ixtumaxi ixtukïdï gï tïïgidagi xi ïr buaboi gobai ixtukïdï gïpiïrï gin bupaimi ïgai.

Hechos 25:24

Daidi ka dibiakai Pabora go Festo ñokidi go ix makïdï ami daraja daidi itïtïdai, —Aapi Rey Agripa ïmadï bïïxkatai aapimï tami ïmpaiñdaragïrï darakïdï, tami daja go kïïrhi— itïtïdai. —Idi tudu ïgai dai bïïxi go judidiu Jerusalenïrï óídakami dai Cesareïrï óídakami gïpiïrï bupaimi. Tami dada ïgai dai gïgïr iñakaitai gin tanïi muaragai.

1Tesalonicenses 2:16

Dai kaxkïdï gïr sobhida ïrhidiña ïgai ix mai aituldada aatïmï go bhai ïrhiaragai aatagi go odami ix makïdï maiti ïr judidiu. Maiti ipïrhidi ix kïïgakïrï bubuakiagi ïgai kaxkïdï. Sobhikïiña ïgai jaa ix mai buaboitudagi tudu. Podukai adaimïiña ïgai go soimaaxkami tudu. Dïï gia Diuxi ka mai dagitomu ix apia sobhidagi ïgai jaa ix buaboitudagi. Xibi ka ayi ïmo gïdukami gïgïbidaragai Diuxiañdïrï go sobhidakami bïïtarï tudu.