Hechos 25:12 - Northern Tepehuan Bible

¹² Daidi go Festo gaataga jaa ïmadï ix makïdï soikïiña aatagiïrï daidi bhodïrï aa noragi ïgai Pabora daidi itïtïdai, —Kaxi pokaiti aapi pïsaidi ipïrhidi xi go gïï tïanïdami Romïrï bhai duñagi idi aatagi. Kaxkïdï xibi aanï aagai sai go gïï tïanïdami buitapi kïkibamu aapi— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹² Taidʌ ʌFesto gaaataga ʌʌmadu gʌmaacadamiga ñiooqui daida aa noragi ʌPaavora daidʌ itʌtʌdai: ―Capocaiti aapi pʌsaidʌ ipʌlidi isgʌtʌcacagi ʌgʌʌ baitʌcʌaacami ʌgai ʌʌmadu tudu imimu aapi ―astʌtʌdai.

Hechos 25:12 ပူးပေါင်းရင်းမြစ်များ

Mataibo 22:17

—Kaxkïdï gï tïkaka rïrhidi ïmo ixtumaxi— itïtïdai. —¿Bhai ix ïr sïïrhi xi tïïgidagi aatïmï go kuota ix makïdï gïr tanïi go gïï dunukami César tïgidukïdï?— itïtïdai. —¿Gï agai xi ix tïïgidagi aatïmï go kuota, cho xia?— itïtïdai ïgai go Suxi.

Hechos 19:21

Daidi gokiïrï xi kaxi pobï gï duitadai gobai, gï tïgito Pabora xi imiagi Jerusalenamu dai gï tïgito ïpï xi boiyana gadibidagi xako Masedoniana dai Akayana tïtïgidu oidigi. Daidi ikaititadai ïgai aidï, —Mos dibidamu aanï óídakami Jerusalenïrï dai bhodïrï gï agadamu xi imi aanï Ramamu ïpï— ikaiti.

Hechos 23:11

Xadiko tukarï Gïr Nukadakami gï maaxitu Pabora buitapi daidi itïtïdai, —Maiti soi gï ïrhiada aapi Pabora. Daiñi, kaxi aatagidi aapi go óídakami Jerusalenïrï gin bïïtarï dai aanï aagai sai aapi podukai aatagadamu Romïrï óídakami ïpï— itïtïdai Diuxi.

Hechos 25:11

—Xi ïr buaboikagi xi ïr soimaaxi ibuadami aanï dai ix kaxkïdï gï aagadagi xi gin muatudagi, aanï mai ñokai. Dïï gia xi maiti ïr buaboikagi gobai ixdukatai gïpiïrï gin bupaimi idi judidiu aidï gia tomarhi ïmadutai mai bia sïïrhikami xi gin tïïgidagi ïgai. Kaxkïdï aanï mai imia in ïrhidi Jerusalenamu. Xibi gï tanïi aanï oigaragai bhaiyoma xi go gïï tïanïdami Romïrï daakïdï bhai duñagi idi aatagi— itïtïdai.

Hechos 25:13

Bhodïrï ka daibunukai chïki tasai ami Cesareïrï dibia go Rey Agripa tïgidukïdï ïmadï gï oñiga Berenice. Ga dibida agai ïgai go Festo dai dada.

Hechos 25:21

Dïï go Pabora ipïrhi xi go gïï tïanïdami Romïrï aagadagi ixdukatai bii agai go aatagi. Kaxkïdï aanï gatïjai sai gï maixatudagi ïgai kia asta xïïxkadï bhaigakagi aanï xi otosagi Ramamu xako daja go gïï tïanïdami— itïtïdai Festo.

Hechos 26:32

Daidi go Agripa itïtïdai go Festo aidï, —Kïïga bhaigakatadai xi dagitoagi idi kïïrhi ix imiagi xi mai potïimudai gobai saidi ipïrhidi mïx baan kïïsagi go gïï tïanïdami Romïrï, go César tudu— itïtïdai.

Hechos 27:1

Daidi go dudunukami bhai dui ñoki xi Italiamu otosa agai Pabora. Ami Italiana tudu bipiïyi Roma. Dai gatïïgi ïgai Pabora ïmo kapitañi sai ïgai nukadakana dai sai baidakana Romïrï ukami. Julio tïgidukatadai go kapitañi ïgai dai baidakatadai jaa mui maamaixapikïdï ïpï dai aatïmï ïpï oi. Go Julio ïr tïanïdamigadï mui sandarugadï go gïï tïanïdami Romïrï oidakïdï.

Hechos 28:16

Dai bhodïrï ka aïkai aatïmï Romïrï go Pabora ïkobai gï maixatu ïmo kiiyïrï ïkobai dai mai xu go gaa maamaixapikïdï ïmadï. Dai ïmo sandaru nukadakatadai ami.

Filipenses 1:20

Kïïga buaboitudai aanï tudu sai maiti ibuada iñagai tomarhi ïmo ixtumaxi ix makïdï ïr ïmo xaïraragai gin bïïtarï. Buaboitudai aanï bhaiyoma sai mai duadikuitai maaxitudamu aanï xïïxi ïr gïdukami Suxi Kristo kia tami oidigi daama dakatai aanï. Buaboitudai aanï sai maaxitudamu aanï xïïxi ïr gïdukami Suxi tomaxi muu gin tukuga xiïpï xi kia tïbïpi kabakagi gobai. Gobai buaboitudai aanï tudu dai kïïga ibhïxtakan taadaga aanï buaboitudaitai podukai.