Hechos 24:22 - Northern Tepehuan Bible

²² Daidi go gïï dunukami Felix kïïga maatïkana go buaboidaragai ix makïdï Boi agaiña odami, go Suxi Kristo buaboidaradï tudu. Kaxkïdï mos kaïkai ix kaititadai go Pabora ka mai bamioma gatïkakai daidi bhaiyoma potïtïdai aidï, —Nïnïrakamu aanï kia asta dibiakai go komandante Lisias. Aidï gia aagadamu aanï ix dukatai bimu idi aatagi— itïtïdai.

Tepehuan Northern: Diuusi ñiooquidʌ utuducami oodamicʌdʌ

²² ɅPailisi cacʌʌga maatʌcatadai vʌʌsi istumaasi ismaacʌdʌ vaavoitudai ʌgai ismaacʌdʌ vaavoitudai Suusi Cristo cascʌdʌ aidʌsi moscaʌ istumaasi aagai ʌPaavora camaivaamioma tʌcacai dai potʌtʌdai: ―Siʌʌscadʌ diviagi ʌgʌʌ tʌaanʌdamigadʌ sandaaru Liisiasi bai gʌnduiñdamu aanʌ idi ñiooqui ―astʌtʌdai.

Hechos 24:22 ပူးပေါင်းရင်းမြစ်များ

Mataibo 2:7

Daidi go Rey Herodes ïxtotai dukai báí go mamaatïkami dai tïkakai xïkidï tïïtadai ïgai go xabugai ix makïdï agaitadai ïgai. Dai go mamaatïkami aagidi.

Hechos 18:20

Dïï bïïxkïrï ïïmadutai ïgai daañimi go Pabora sai tïbïpioma biïna ïgai gïn ïmadï dïï ïgai mai ami bii.

Hechos 19:40

Xibi xi gïr tïkakamudai dudunukami bhaitï gukakïdioma xi tuixidï bhakoikan kaiti aatïmï xibi, mai tipu ixtumaxi aagida aatïmï kaxkïdï ïr ïbhïidaragai gobai. Kïïga potïi antaada ïgai sai ïïgi aatïmï xixortu óídakami xibi— itïtïdai go dunukami.

Hechos 24:10

Dai bhodïrï go gïï dunukami Felix xixigi go Pabora dai maa oigaragai sai ñokada baidi Pabora potïtïdai aidï, —Kïïga maatï aanï ix ïïki abhiadïrï ïr dunukami aapi tanai oidigïrï. Kaxkïdï bhai gin ïrhiarakïdï aapi gï buitapi aa noraidamu aanï idi kïkïïrhi ñokidï ixtukïdï gïpiïrï gin bupaimi ïgai.

Hechos 24:14

Gia ïr buaboi xi aanï xadutudai Diuxi buaboitudaitai aanï Suxi Kristo buaboidaradï. Go judidiu pokaiti sai maiti ïr buaboi idi buaboidaragai, go buaboidaragai ix makïdï odami Boi aagaiña. Dïï aanï gia buaboitudai dai podukai xadutudai aanï Diuxi ix makïdï gïr aaduñi buaboitudaiña ïïki abhiadïrï. Buaboitudai aanï bïïxi go sïïrhikami makïdï oja Moiseskaru dai ix makïdï oja bïïxi go aagadami Diuxi ñokidï ïïki ïpï.

Hechos 24:24

Dai chïki tasaikïdï ïpamu dibia go Felix dai baidati oñigadï. Oñigadï ïr judiu dai Drusila tïgidu. Dai go Felix otoxi Pabora ñoki saidi dibiana. Daidi Pabora aatagidi ixdukatai gï agai xi buaboitudagi Suxi Kristo.

Hechos 24:6

Dai ïkobïrakoga idi kïïrhi tukurhimada ïrhiditadai go gïï kiupai Jerusalenïrï mai xadutudaitai xi kaxkïdï bhïiyi aatïmï.

Hechos 25:26

Dai aanï mai maatï ixtumaxi ojidagi go gïï tïanïdami dai aagidagi ixtuma soimaaxkami idukami idi. Kaxkïdï gatïjai aanï mïsai buapana gobai tami dai gïn buitapi kïïsagi. Dai aapi Rey Agripa xioma ipïrhidi aanï xi aapi gatïkakagi ix tumaxi soimaaxi dui gobai nai podukai biakagi aanï ixtumaxi ojidagi go gïï tïanïdami Romïrï.

Hechos 26:3

Aapi tudu kïï maatï bïïxi bituldaragadï judidiu dai bïïxi ixtumaxikïdï gïr bupui ñokaiña aatïmï. Kaxkïdï gï daanïi aanï pïx mai ojodakai gin kaïkagi— itïtïdai.

Hechos 9:2

Mïkadïrï gatáí ïgai ïmo ojixikami dai mïï gatïïgida agaitadai Damaskïrï kiupiïrï bhaitï gukakami. Go ojixikamikïdï biaka agaitadai ïgai gubukadagai ix mïï buiyagi go buaboitudadami Damaskïrï dai maamaixapikami buapagi Jerusalenamu modukai kïkïïrhi dai oki.