Hechos 24:15 - Northern Tepehuan Bible

¹⁵ Idi kïkïïrhi ix makïdï gïpiïrï gin bupaimi buaboidadankaiti sai Diuxi duduakalda agai bïïxi go koidadï tomaxi ïr kïï buañixikami iibhïadï xi ïr soimaaxi buadamikagi ïpï. Aanï podukai buaboitudai ïpï tudu.

Tepehuan Northern: Diuusi ñiooquidʌ utuducami oodamicʌdʌ

¹⁵ Aanʌ ʌʌpʌ vaavoitudai ʌpan duucai ʌjudidíu isduduaaca agai vʌʌsi coidadʌ cʌʌga tuutiacʌdʌ dai maicʌʌga tuutiacʌdʌ ʌʌpʌ.

Hechos 24:15 ပူးပေါင်းရင်းမြစ်များ

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Lukas 14:14

Aidï gia bhai gï ïrhiadamu aapi soikïitai ix makïdï mai bhaiga xi gï aa noraidagi. Kaxkïdï tudu Diuxi gï aa namïidamu xïïxkadï duduakatudagi koidadï ix makïdï buañixi iibhïadï— itïtïdai Suxi go kïïrhi ix makïdï gabaitadai ami kudagiana.

VUAANA 11:24

Dïï Maruta itïtïdai, —Ïjï, kïïga maatï aanï sai ïpamu duaka agai gobai dïï asta xïxkadï bïïxi duduakagi koidadï ka ugitïkai oidigi— itïtïdai.

Hechos 24:21

Maatï xi pokaiti ïgai ïpï sai soimaaxi idui aanï aidïxi gïgïrï ño aanï dai potïtïdai aanï go gaa sai, —Aanï buaboitudai sai go koidadï duduakarïi dai mosïï kaxi gobai ñokikïdï gin abhana daituda ïrhidi aapimï gïgïbidaragai tomaxi buaboi aagai aanï— antïtïdai aanï aidï, ikaiti go Pabora ami buitapi go dudunukami.

Filipenses 3:21

Ïgai tudu bia gubukarhigai xi tïanïdagi bïïxi ixtumaxi dai bïïxi ixtumaxi bia xi ïïgiadagi. Dai go galbaaxi gubukarhigakïdï ïma maaxtuda agai Suxi gïr tukuga aidï dibiakai ïgai. Xibi mai xii gubuka gïr tukuga dai otoma ugiatïi. Dïï aidï gia gïr maakimu ïgai gïr tukuga utudui ix makïdï ïpïan maaxkamu ix makïdï bia ïgai. Dai ïgai tukugadï gia kïï gubuka dai kïï tiodi dai mai ugiti agai. Pomaaxika agai gïr tukuga utudui tudu.