Hechos 23:9 - Northern Tepehuan Bible

⁹ Daidi bhodïrï ka mos bamioma gïïgïrï xixorhi ïgai gïn bupui ijiñakaitai daidi ami gasaagida gukiba chïki bhaitï gukakamigadï fariseos ix makïdï ïr maatïtuldiadami go sïïrhikami, daidi ïgai ikaiti, —Aatïmï pokaiti saidi idi kïïrhi maiti ïr soimaaxi idukami. Maatï xi ïmo Diuxi tïañikarudï ñokidi gobai xiïpï ïmadutai ix makïdï mos ïr ïmo ïbïrhi dukai— ikaiti.

Tepehuan Northern: Diuusi ñiooquidʌ utuducami oodamicʌdʌ

⁹ Dai vʌʌscatai iiñacai. Tai guuquiva ʌʌmoco mamaatʌtuldiadami Diuusi sʌʌlicamigadʌ ismaacʌdʌ vaavoitudai ʌgai vaa vaavoidaragai ismaacʌdʌ vaavoitudai ʌfariseo, daidʌ icaiti. ―Idi cʌʌli maitʌrsoimaasi iducami siʌrvaavoi isñiooqui ʌmo Diuusi tʌaañicarudʌ isʌmo ibʌadʌ ʌʌpʌ maitʌrcʌʌgai tʌsvuidʌrʌ vʌʌtʌcagi Diuusi ―ascaiti ʌmamaatʌtuldiadami Diuusi sʌʌlicamigadʌ.

Hechos 23:9 ပူးပေါင်းရင်းမြစ်များ

Markos 2:16

Ami darakatadai ïïmoko ïpï ix makïdï ïr maatïtuldiadami sïïrhikami dai ïr fariseo. Dai tïïgakai ïgai xorai ïmadï gakuadatadai Suxi, sai gatïkakaimi Suxi mamaatïrdamigadï aidï daidi potïtïdai, —¿Tuixidï gïn amu urapïkïi odami galtutuigakami, dukami tanïdami kuota dai asta gakuayi dai gayïyi ïgai ïmadï?— astïkakaimi ïgai.

Lukas 23:22

Dai go Pilato ïpamu ñokidi go odami daidi potïtïdai, —¿Ix tuixi xixana aatïmï kuruxiana? ¿Tuma soimaaxi idui gobai?— itïtïdai. —Aanï po in ïrhidi sai maiti idui gobai soimaaxi ixtukïdï gatïanïna aanï muaragai di. Kaxkïdï gatïañimu aanï sai gï gïgïbitudana ïgai ikixanaikïdï dai bhodïrï dagitomu aanï bhaiyoma— itïtïdai.

Lukas 23:4

Dai bhodïrï go Pilato aagidi go bhaitï gukakamigadï go dadaxdadami ïmadï bïïxi go gaa odami ami dai potïtïdai ïgai, —Aanï mai tïtïgai ix Suxi ïr ïmo gïpiïrï kaatïkami— ikaiti.

Lukas 5:30

Dai go fariseos ïmadï aaduñdï ix makïdï ïr gatïtïïgiadami sïïrhikami mai bhai ïrhi nïiditai sai kuadagiïrï uraba Suxi taanïdami kuota dai ïmadï jaa ïpï ix makïdï soimaaxi ibuadami aagaiña ïgai. Dai potïtïdai ïgai mamaatïrdamigadï Suxi, —Agia xigarhi buayi aapimï ïmadï gakuadatai go taanïdami kuota dai jaa soimaaxi ibuadami. ¿Ix tuixi pomaaxi ibuayi aapimï?— itïtïdai.

VUAANA 12:29

Dai go odami ix makïdï ami darakatadai kaï go ñoki. Baidi jaa pokaititadai saidi ïr ïmo kobondami bai jaa ikaititadai saidi ïr ïmo tïañikarudï Diuxi ix makïdï ñokidi go Suxi.

Hechos 11:17

Dai dibiakai Diuxi Ibhïadï ïgai ïmadï maatï tïï aanï sai podukai ix dukai gïr maa Diuxi Ibhïadï, ïmo oidaragai dukai, podukai ïpï maa ïgai Ibhïadï ix makïdï maiti ïr judidiu ïpï. Kaxkïdï, xadïrï ipïldana aanï xi sobhidagi Diuxi, in ïrhidi aanï nïiditai— ikaiti Piduru.

Hechos 22:6

Dai aidïxi ka Damaskamu imïdamikatadai aanï dai karhioga ayitadai aanï parï daanduko ïxi bai todian dukai gin xikorhi bïpïdorhian dui ïmo gïï kudagi tïbagiañdïrï.

Hechos 22:7

Antai dïbïrapi gïi aanï dai kaï aanï ïmo ñoki bai pobai in tïtïdai, —Saulo, Saulo, ¿Tui pïxi aidï gin buidïrï kaatïkami aapi dai soi gin buayi? —ikaiti go ñoki.

Hechos 23:29

Ami máí aanï sai ïïgi judidiu sïïrhikamigadïkïdï gïpiïrï bupaimi ïgai. Mai tipu tudu ixtukïdï gataañiagi muaragai tomarhi ixtukïdï maixagi ïpï.

Hechos 23:8

Go saduseos pokaiti sai mai oidaga duakaragai koidadï bïïtarï. Ïgai mai buaboitudai ix oidaga Diuxi tïtïañikarudï ïpï dai pokaiti ïpï sai mai oidaga óídakami ix makïdï mos ïr ïbïrhi dukai. Dïï go fariseo gia buaboitudai sai oidaga bïïxi gobai. Kaxkïdï gïn bupui ñokimi ïgai.

Hechos 25:25

Aidïpïrï aanï itïtïdaitadai go judidiu sai mai tipukatadai ixtumaxikïdï gataanïdagi muaragai. Dïï go Pabora ïïgi ipïrhi xi baan gï kïïsagi go gïï tïanïdami Romïrï. Kaxkïdï podukai tïgito aanï ix gamo otosagi.

Hechos 26:31

Dai ka bubuaka ïgai abhiadïrï dai ïkobai bhai duñagai aatagi daidi ikaiti, —Idi kïïrhi maiti ïr soimaaxi idukami. Mai tipu ixtukïdï tañiagi muaragai dai tomarhi maixatudagi— ikaitimi.

Hechos 27:23

Aanï ïr pioñigadï Diuxi tudu dai tukarï tïï aanï ïmo Diuxi tïañikarudï

Hechos 5:39

Dïï ix ïr Diuxi aaduindadïka gobai aidï gia xadïrï ixtutuidïna aapimï xi sobhidagi. Gïn tïgito abïr nïida tudu, tadu bui surhi aapimï Diuxi— itïtïdai go Gamaliel.

Hechos 9:4

Daidi go Saulo dïbïrapi gïi dai kaï ïmo ñoki daidi ikaiti go ñoki, —Saulo, Saulo, ¿Tui pïxi gin buidïrï kaatïkami aapi dai soi gin buayi?— ikaiti go ñoki.

1 Korintios 10:22

Tadu bhamukitu aapimï Diuxi. Gïïpi bamioma gubuka ïgai xi aapimï di.