Hechos 23:35 - Northern Tepehuan Bible

³⁵ Baidi go dunukami itïtïdai aidï, —Nïnïrakamu aatïmï kia ix dadiagi go ix makïdï gïpiïrï gï bupai, aidï gia kaïkamu aanï ix tumaxi gin aagiadagi aapimï— itïtïdai. Dai bhodïrï gatïjai ïgai mïsai nukadakana go Pabora kiidïrï go gïï Rey Herodes tïgidukami.

Tepehuan Northern: Diuusi ñiooquidʌ utuducami oodamicʌdʌ

³⁵ potʌtʌdai: ―Gʌcaʌcamu aanʌ siʌʌscadʌ dadiagi ʌgai ismaacʌdʌ gʌpiʌrʌ gʌvuupai ―astʌtʌdai ʌdunucami. Dai gatʌjai mʌsai nuucadacana ʌgʌʌ raí Eroodʌsi quiidiʌrʌ.

Hechos 23:35 ပူးပေါင်းရင်းမြစ်များ

Mataibo 2:1

Podukai busai Suxi ïmo arhi kiiki Belen tïgidukamiïrï ix makïdï Judea munisipiïrï bipiïyi. Aidïpïrï go Herodes ïr Reykatadai Jerusalenïrï dai aidïpïrï ïpï ami Jerusalenïrï ayi mamaatïkami xarhi utapadïrï óídakami.

Mataibo 2:16

Daidi go Herodes máí sai go mamaatïkami buirumagi mai aagidakai ïgai xako daja go Suxi xi kaxkïdï bhamu go Herodes. Dai gatïjai ïgai kodaragai bïïxi go aarhi gïgïrhi goka umigi biakami koidamakoga ami Belenïrï dai ix makïdï maigobai miadïrï óídaga ïpï. Go mamaatïkami aagiditadai sai ka parï goka umigi ïpïduitadai aidïxi abhiadïrï busaitadai go Suxi tudu.

Mataibo 2:3

Daidi go Rey Herodes kajioma ix kaititadai go mamaatïkami sai busaitadai go Rey ix makïdï go judidiu nïnïraka. Dai mai bhai ïrhidi ïgai kaïkatai gobai. Dai bïïxi go óídakami Jerusalenïrï mai bhai ïrhiditadai ïpï.

Mataibo 27:27

Daidi go sandadaru baidaja Suxi kuartelïrï dai ami tuixikana kïi dai mui gïn ïmpagi sandadaru dai bïï xikorhi gukiba ïgai Suxi.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

Hechos 23:30

Bhodïrï kajioma aanï sai go judidiu bhai duitadai ñoki gobai bui dai gaagaitadai ix dukatai muagi. Kaxkïdï tudu pobï gin ïrhi aanï xi otoma gï otosdagi go kïïrhi. Aagidi aanï go judidiu ïpï sai mïï gï nïidana sai gï aagidana ïgai ixtukïdï gïpiïrï bupaimi ïgai— ikaiti go ojai.

Hechos 24:1

Bhodïrï abhiadïrï taama tasaikïdï dibia go Ananias ami Cesareana. Ïgai ïr bhaitï kïakamigadï dadaxdadami judidiu Jerusalenïrï. Dai ïmadï iimïitadai ïpï jaa judidiu bhaitï gukakamigadï ïpï dai ïmadï imïitadai Tertulo tïgidukami ïpï. Go Tertulo ïr ïmo kïï maatï nïijadami go sïïrhikami. Bïïxkatai ïgai mïï buidïrï baapa go gïï dunukami Felix tïgidukami dai gïpiïrï buaja agai go Pabora.

Hechos 24:10

Dai bhodïrï go gïï dunukami Felix xixigi go Pabora dai maa oigaragai sai ñokada baidi Pabora potïtïdai aidï, —Kïïga maatï aanï ix ïïki abhiadïrï ïr dunukami aapi tanai oidigïrï. Kaxkïdï bhai gin ïrhiarakïdï aapi gï buitapi aa noraidamu aanï idi kïkïïrhi ñokidï ixtukïdï gïpiïrï gin bupaimi ïgai.

Hechos 24:19

Asiañdïrï óídakami judidiu ïgai dai gin tïï ami aidï. Ïgai tudu tami dadimudai dai ñokadamudai ix biakagi ixtumaxi gin bui.

Hechos 24:22

Daidi go gïï dunukami Felix kïïga maatïkana go buaboidaragai ix makïdï Boi agaiña odami, go Suxi Kristo buaboidaradï tudu. Kaxkïdï mos kaïkai ix kaititadai go Pabora ka mai bamioma gatïkakai daidi bhaiyoma potïtïdai aidï, —Nïnïrakamu aanï kia asta dibiakai go komandante Lisias. Aidï gia aagadamu aanï ix dukatai bimu idi aatagi— itïtïdai.

Hechos 24:23

Daidi bhodïrï go dunukami tïjai ïmo kapitañi sai maixakaruana nukadakana go Pabora dïï mai xu ix mos kuupikami dakagi ïgai. Dai aagidi ïpï sai maakana oigaragai xi daibiada aaduñdï xi ïgai soikïda ixtumaxi tïgitokagi ïgai.

Hechos 25:16

Dïï aanï itïtïdai aidï saidi aatïmï dudunukamigadï romanos mai mos ïgikïdï gatïanïi gïgïbituldagi odami podukai— itïtïdai. —Aagidi aanï sai ïpïgioma gï agaitadai xi gïn bui tutusagi go ix makïdï ïr gïpiïrï bupadami ïmadï ix makïdï gï gïpiïrï bupaitudai bai ïïgi gï soiñagi ïgai— itïtïdai.