Hechos 23:11 - Northern Tepehuan Bible

¹¹ Xadiko tukarï Gïr Nukadakami gï maaxitu Pabora buitapi daidi itïtïdai, —Maiti soi gï ïrhiada aapi Pabora. Daiñi, kaxi aatagidi aapi go óídakami Jerusalenïrï gin bïïtarï dai aanï aagai sai aapi podukai aatagadamu Romïrï óídakami ïpï— itïtïdai Diuxi.

Tepehuan Northern: Diuusi ñiooquidʌ utuducami oodamicʌdʌ

¹¹ Siaadiqui tucarʌ divia Diuusi dai sonuana cʌquiva ʌPaavora dai potʌtʌdai: ―Maitiduaadicuda Paavora poduucai pʌsduucai cʌʌga ñioo aapi aanʌ giñvʌʌtarʌ tanai Jerusaleenʌrʌ poduucai ʌʌpʌ pʌñiooquia agai Roomʌrʌ ―astʌtʌdai Diuusi.

Hechos 23:11 ပူးပေါင်းရင်းမြစ်များ

Mataibo 14:27

Dïï gia Suxi potïtïdai, —Gïn kabakadabïrai go duadimudagai buidïrï gin aaduñi. Aanï an ïr Suxi. Maiti abïr duduadikuda tudu— itïtïdai.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Mataibo 9:2

Dai go óídakami ïmo baakoxiana buapi ïmo kïïrhi ix makïdï mai oiñïitadai tukugadï. Daidi gï tïgito nïidi Suxi xïï kïïga buaboitudai ïgai ami buapakai ïgai go kokoadï daidi potïtïdai ïgai go kokoadï, —Maiti soi gïlda aapi kïïrhi— itïtïdai. —Kaxi gï oigïrhi aanï bïïxi go soimaaxkami ix makïdï ibuadana aapi— itïtïdai.

Lukas 16:28

Ami bia aanï gin susukurhi dai gin xixïgi. Taamadu ïgai. Otosañi go Lasaro tudu sai aagidana ix dukatai iduna ïgai sai xïxkadï koiyagi ïgai mai dadiagi ïpï tami xako mos ïï soimaaxi taatamai odami— itïtïdai.

VUAANA 14:18

—Gin aaduñi, ïpï chïki tasaikïdï mukimu aanï. Aidï gia go gaa óídakami ka maiti gin nïijadamu. Dïï aapimï gia gin nïijadamu ïpamu kaxkïdï tudu dibiamu aanï ïpamu gin duakatukai dai gïn urabamu. Gïn maakimu aanï ïïgi gin gubukarhiga gin duakatukai xi aidï gia buaboikïdï duduakakami bimu aapimï ïpï. Mukimu aanï tudu dai bhodïrï gin duakatudamu dai imimu tami oidigi daamaiñdïrï dïï mai ïïgi gïn biamu aanï. Gïn otosdamu aanï Diuxi Ibhïadï sai gïn ïmadï dakana.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

Hechos 18:9

Dai ïmo imidagai tukarï Pabora ïmo tïïtïkiïrï dukai tïï Gïr Nukadakami. Dai Gïr Nukadakami itïtïdai aidï, —Aapi Pabora, maiti ïbhiada xi apia aagadagi gin ñoki. Gï agai xi maiti dagitokai gaatagiadagi odami.

Hechos 19:21

Daidi gokiïrï xi kaxi pobï gï duitadai gobai, gï tïgito Pabora xi imiagi Jerusalenamu dai gï tïgito ïpï xi boiyana gadibidagi xako Masedoniana dai Akayana tïtïgidu oidigi. Daidi ikaititadai ïgai aidï, —Mos dibidamu aanï óídakami Jerusalenïrï dai bhodïrï gï agadamu xi imi aanï Ramamu ïpï— ikaiti.

Hechos 2:25

Go Dabidkaru oja ïïki dai aagaiña go Suxi ïpï. Ïgai ikaiti sai, Bïïxkïrï nïidiña aanï Gïr Nukadakami xi gin ïmadï daja gin sïïrhixapadïrï. Gin nukadai ïgai xi tomarhi ïmadutai mai soimaaxi gin buidadagi.

Hechos 20:22

Xibi gin tañimi Diuxi Ibhïadï ansai imïdana Jerusalenamu dai aanï ïïgidamu tomaxi mai maatï aanï xi gin duñagi mïïka.

Hechos 22:15

Dai Ananias gin tïtïdai ïpï, —Daiñi— gin tïtïdai, —Diuxi ipïrhidi sai aatagaiña aapi buitapi bïïxi go óídakami ixtumaxi ñoki kaï aapi dai ixtumaxi tïï ïpï— ikaiti.

Hechos 22:18

tïï aanï Suxi Gïr Nukadakami. Baidi ïgai gin tïtïdai, —Obaidañi dai busai tabhiadïrï Jerusalenañdïrï— gin tïtïdai. —Kaxkïdï tudu go óídakami tanai mai buaboida kaïka agai gï aatagi gin aagaitai aapi— gin tïtïdai.

1 Korintios 9:1

Gin aaduñi, oidaga ïïmoko ix makïdï pokaiti sai aanï maiti ïr otosadï Suxi Kristo. Yaatagi gobai. Daiñi, mai tipu ïmai odami xorai gin tïanïdagi, mosïkaxi Suxi Kristo ïgai daidi ïr gin tïanïdamiga otosadïkatai aanï. Kïïga gï maatï sai aanï ïr otosadï ïgai tudu. Daiñi, aanï ïr nïijadami gïr Bhaitï Kïakamiga tudu dai aanïkïdï aatadui Diuxi sai buaboitudaiña aapimï ïpï. Aapimï tudu kïïga mamaaxidi ix namïga gin sïïrhikamiga buaboitudakai aapimï gin aatagi. Kaxkïdï kïïga maatï aapimï sai aanï ïr otosadï Suxi Kristo tomaxi jaa pokaitadagi sai maiti ïr buaboi.

Filipenses 1:13

Asta go sandadaru ix makïdï nukadai go gïï dunukami kiidï kajioma gin maixatu aanï ibuadatai aanï Suxi Kristo aaduindadï. Dai bïïxi go gaa óídakami kajioma ïpï.

2 Timoteo 4:17

Dai tomaxi jaa gin dagito mai ïïgi bii aanï ami. Diuxi gin ïmadï dajatadai dai gin maa gubukarhigai sai bïïxi aagaiña aanï go bhai ïrhiaragai aatagi ami dudunukami bui. Dai gin soi ïgai xi aiturhi aanï go aatagi mui odami ix makïdï maiti ïr judidiu ïpï. Go dudunukami maiti ïr judidiukatadai di dai go gaa ix makïdï gin kaïkana ami maiti ïr judidiu ïpï. Kïïga gin soi Diuxi ami tudu dai kïïgakïrï gin busaitu sai mai tïañiagi gin muaragai go dudunukami aidï.