Hechos 22:18 - Northern Tepehuan Bible

¹⁸ tïï aanï Suxi Gïr Nukadakami. Baidi ïgai gin tïtïdai, —Obaidañi dai busai tabhiadïrï Jerusalenañdïrï— gin tïtïdai. —Kaxkïdï tudu go óídakami tanai mai buaboida kaïka agai gï aatagi gin aagaitai aapi— gin tïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁸ Tʌʌ aanʌ ʌtʌaanʌdami Suusi vaidʌ ipiñtʌtʌdai: “Siʌʌscadʌ cʌʌga ñiooquia aapi aanʌ giñvʌʌtarʌ tanai Jerusaleenʌrʌ maivaavoituda agai ʌoodami cascʌdʌ otoma cavami gʌaagacai vuusai tanai Jerusaleenaiñdʌrʌ”, iñtʌtʌdai ʌtʌaanʌdami Suusi Cristo.

Hechos 22:18 ပူးပေါင်းရင်းမြစ်များ

Mataibo 10:14

—Dai xakoga ajiagi aapimï xi ïr mos arhi ïmo kiiyïrï xi ïr mui kiiki saagida ïpï, ix maiti gïn miadïgidagi óídakami ami, aidï gia abïr iimi abhiadïrï. Daidi ka imïkai aapimï abïr gigida gïn ïïkaso saidi gïn ïïkasoañdïrï maigobai gïsïna go dïbïradï go kiiki. Podukai maaxitudamu aapimï sai ka dagito aapimï go óídakami ami mai kïï ibuadatai ïgai.

Mataibo 10:23

—Gïn aagidamu aanï ix dukatai ibuadagi xïïxkadï soi gïn buidadagi óídakami. Daiñi, xïïxkadï aituldagi aapimï ñoki no xibhïkai ïmo kiikiïrï gin aagaitai aanï dai xi ami óídakami soi gïn buidadagi gin buaboitudaitai aapimï aidï gia iimibïrai abhiadïrï dai ïmai kiikiïrï abïr aitulda gin ñoki. Mai kia bïïxi kiikiïrï nato aituldamu aapimï gin ñoki tami Israelïrï xi ka dibimu aanï ïpamu tudu. Ka podukai aagai aanï ix makïdï ïr Diuxi otosadï dai ïmo kïïrhi busai tudu— itïtïdai Suxi.

Lukas 21:21

Kïï maatï aapimï sai go Jerusalen Judeana bipiïyi xi kaxkïdï xïxkadï kaxi xia gï duña agadagi go Jerusalen go odami ix makïdï Judeana darakagi gï agai bopiagi gigidi amakoga. Xorai go Jerusalenïrï darakagi gï agai xi bubuakiagi abhiadïrï. Dai ix makïdï oidigana ajiopadagi aidï gï agai xi mai bapakïna ïgai Jerusalenïrï— itïtïdai.

Hechos 3:19

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Hechos 9:29

Ga aatagaiña ïgai ïmadï go griego ñokadami judidiu. Dudatai gïn bupui ñokaiña go Saulo ïmadï ïgai. Dai go griego ñokadami judidiu gaagaitadai ixdukatai muagi go Saulo.

1 Korintios 9:1

Gin aaduñi, oidaga ïïmoko ix makïdï pokaiti sai aanï maiti ïr otosadï Suxi Kristo. Yaatagi gobai. Daiñi, mai tipu ïmai odami xorai gin tïanïdagi, mosïkaxi Suxi Kristo ïgai daidi ïr gin tïanïdamiga otosadïkatai aanï. Kïïga gï maatï sai aanï ïr otosadï ïgai tudu. Daiñi, aanï ïr nïijadami gïr Bhaitï Kïakamiga tudu dai aanïkïdï aatadui Diuxi sai buaboitudaiña aapimï ïpï. Aapimï tudu kïïga mamaaxidi ix namïga gin sïïrhikamiga buaboitudakai aapimï gin aatagi. Kaxkïdï kïïga maatï aapimï sai aanï ïr otosadï Suxi Kristo tomaxi jaa pokaitadagi sai maiti ïr buaboi.