Hechos 22:16 - Northern Tepehuan Bible

¹⁶ —Xibi maitï agai xi nïnïrakagi aapi bamioma. Mos buaboitudaitai aagida aapi Gïr Nukadakami bai ïgai oigïldana gï soimaaxkamiga, daidi otoma gï bakuanada aidï— gin tïtïdai go Ananias.

Tepehuan Northern: Diuusi ñiooquidʌ utuducami oodamicʌdʌ

¹⁶ ¿Dai sivi tʌtumaa nʌnʌra aatʌmʌ? Cʌquivañi dai vaavoituda Suusi Cristo vai ʌgai gʌoigʌldana gʌsoimaascamiga nai gʌvacuanana”, iñtʌtʌdai ʌcʌʌli.

Hechos 22:16 ပူးပေါင်းရင်းမြစ်များ

VUAANA 13:8

Daidi go Piduru itïtïdai, —¡Cho gin Tïanïdamiga! ¡Aapi gïïpi bamioma ïr namïakami xi aanï di! Maiti gï agai pïxi aapi gin bakuanada gin ïïkaso— itïtïdai. Daidi Suxi itïtïdai, —Ix maiti gin dagito aapi ix bakuanagi aanï gï ïïkaso mai biakamu aapi urabaragai gin ïmadï— itïtïdai.

Hechos 2:21

Aidïpïrï kïïgakïrï bubuakimu bïïxi go ix makïdï gin daanïdagi, ikaiti Diuxi gamaakaitai ïgai ñoki go Joelkaru ïïki.

Hechos 2:38

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Hechos 7:59

Kia maixaitadai go odami baidi go Tibañi daanïgi go Suxi daidi ikaiti, —Aapi Suxi gin Nukadakami, bhïkañi gin ibhïdaga— ikaiti.

Hechos 9:14

Dai xibi ka dibia gobai tami dai go bhaitï kïakamigadï dadaxdadami judidiu as maa gubukadagai bïïxi xi maamaixapikami gïr bukia agai bïïxkatai ix makïdï gï buaboitudai— ikaiti Ananias.

Hechos 9:18

Mos potïi ïgai bai otoma surhi bupujiañdïrï batopa kokomidï maaxi go Saulo dai ka nïnïaba ïgai ïpamu. Dai bhodïrï bañi ïgai dai gï bakoi.

1 Korintios 1:2

Idi ojai ïr gïn bïitarï aapimï buaboitudadami Korintoïrï óídakami. Aapimï gïn bïïtarï tudu ix makïdï ka ïkobai gïn darai Diuxi bïïna darakatai aapimï Suxi Kristo. Ïko darasadï aapimï Diuxi gïn bapaidakai ïgai ïmadï bïïxi go gaa buaboitudadami ïpï ix makïdï bïïxi aipakoga daanïiña Suxi Kristo. Suxi Kristo tudu ïgai daidi ïr Tïanïdamigadï bïïxkatai aatïmï buaboitudadami.

1 Korintios 12:13

Aidïxi uraba gïr darai Diuxi Ibhïadï go buaboitudadami amaxi ïmo aadunumï bii aatïmï tudu tomaxi ïr judidiukagi aatïmï ix maiti ïr judidiukagi ïpï. Ïmo aadunumï bii aatïmï ix ïr soigaxikami dukai pipioñi aatïmï ix maiti ïr pipioñi ïpï. Tomax dukai bïïxkatai aatïmï bia Diuxi Ibhïadï dai kaxkïdï ïr ïmo aadunumï aatïmï.

1 Korintios 6:11

Dai ïïmadutai aapimï pomaaxkana ïkioma ïpï. Dïï gia xibi ka buaboitu aapimï Suxi Kristo Gïr Nukadakami dai xibi Diuxi Ibhïadï ka gïn abhana ayi ix kaxkïdï ka buañixi aapimï dai kïïgakïrï gïn nïidi Diuxi dai xibi ka ïkobai darasadï aapimï Diuxi.

Galatas 3:27

Aidïxi buaboitu aatïmï Suxi Kristo uraba bii aatïmï ïgai tudu dai ka ïmo odami dukai bii aatïmï ïgai ïmadï.

Efesios 5:26

Podui Suxi Kristo kïïga gïr buana ïrhiditai. Gïr buanai ïgai sudagikïdï dai ñokidïkïdï ïpï.

Hebreos 10:22

Suxi Kristo ka kïïga gïr buañidi gïr ibhïdaga sai ka mai gïpiïrï bïïtïkami dukai taadakana aatïmï. Gïr bakoi ïgai gïr ibhïdaga ïpïan dukai xi gï bautïxdagi ïmo odami kïï buañixikami sudagikïdï tudu. Ïgai ïr go buaboikïdï gabhaitïkïakïdï dadaxdadami gïr bïïtarï dai ka baa ïgai Diuxi buitapi gïr bïïtarï. Kaxkïdï xibi bhaiga aatïmï xi kïïga ïïmadan dukai ajiagi Diuxi buitapi ïpï mai duduadikoitai.

1 Pedro 3:21

Kaxi gï duakaturhi Suxi Kristo ïpamu tudu dai kaxkïdï bia aatïmï kïïgakïrï bubaidaragai. Daiñi, aidïxi sudagiïrï dupi oidigi dai kïïgakïrï bubuaka go Noé ïmadï aaduñdï go barkoïrï iimïitai ïgai, gobai ïr ïmo maaxidaragai dukai gïr kïïgakïrï bubaidaraga bïïtarï ix makïdï bia aatïmï xibi. Aatïmï kïïgakïrï bubuakïi xibi buabotudakai aatïmï sai gï duakatu Suxi Kristo ïpamu tudu dai gïr bakuanai aatïmï sudagikïdï. Sudaïrï daibusai go Noé ïïki tudu dai xibi aatïmï ïpï sudaïrï dïgabuskïi gïr bakuanaitai aatïmï. Dai maiti gï agai sai po gïn ïrhiada aapimï sai go bakuanaragai ix makïdï ibuayi aatïmï mosïkaxi ïr ïmo buanaragai gïr tukuga bïïtarï. Gobai ïr ïmo xadutudaragai bhaiyoma ix makïdï ibuayi aatïmï Diuxi bïïtarï, ka maatïkatai aatïmï sai Suxi Kristo ka bhai dui gïr bïïtarï dai ka mai tipu soimaaxkami gïr abhana.