Hechos 22:12 - Northern Tepehuan Bible

¹² Dai ami oidakatadai ïmo kïïrhi Ananias tïgidukami. Ïgai kïïga ïïgidi kaïkana Diuxi ñokidï dai go judidiu Damaskïrï óídakïdï sïïrhikïdï kïïga ñokaiña ïgai bïïtarï.

Tepehuan Northern: Diuusi ñiooquidʌ utuducami oodamicʌdʌ

¹² Dai ami oidacatadai ʌmo cʌʌli Ananiiasi tʌʌgiducami. Ʌgai ʌrʌmo cʌʌli ismaacʌdʌ cʌʌga ʌʌgidi Moseesacaru mamaatʌtuldaragadʌ. Dai vʌʌsi ʌjudidíu ismaacʌdʌ Damascʌrʌ oidacatadai aliʌ cʌʌga ñioocaiña ʌgai vʌʌtarʌ.

Hechos 22:12 ပူးပေါင်းရင်းမြစ်များ

Lukas 2:25

Dai ami Jerusalenïrï oidakatadai ïmo kïrhiodami Ximuñi tïgidukami. Kïï tuiga ïgai dai kïïga ïïgidiña ïgai Diuxi. Dai nïnïrakatadai ïgai sai dibiana Diuxi Otosadï dai sai kïïgakïrï bubaidana ïgai go Israelitas. Dai Diuxi Ibhïadï ïmadï dakatadai go Ximuñi

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Hechos 17:4

Ïïmadutai go judidiu buaboida kaï go aatagi dai uraba go Pabora ïmadï Silas. Dai bhai chïki bhaitï gukakami oki buaboitu ïpï ïmadï mui jaa odami griego ñokadami ix makïdï ïr xadutuadami Diuxi.

Hechos 6:3

Kaïkabïrai tudu gïr aaduñi daidi gaaga kubarakami kïkïïrhi gïn saagidañdïrï ix makïdï kïï tutiakami duu nïidi odami dai ix makïdï Diuxi Ibhïadï tïanïi dai ix makïdï xioma kïï maatï aatabuadagi. Ïgai tïïgidamu aatïmï go soiñi xi ïgai takoidana bhaiyoma.

2 Korintios 6:8

Dïï gia tomaxi gïr bui ñokadagi óídakami gobai mai xii ïr ixtumaxi gïr bïïtarï. Tomax dukai aatïmï bïïxkïrï ïr pipioñigadï Diuxi. Mai xudu ix kïïga ñokadagi óídakami gïr bïïtarï xi gïpiïrï gïr bupadagi ïgai ïpï. Daiñi, aatïmï bïïxkïrï kïïga aagaiña ixtumaxi ïr buaboi dïï gia go óídakami yaatabogami gïr aagaiña tomax dukai.

1 Tomoteo 3:7

Ïmo nukadakami buaboitudadami gï agai xi sïïrhi oidakagi buitapi go gaa óídakami tudu ix makïdï mai buaboitudai sai podukai mai biakagi go diabora ixtukïdï gïpiïrï daitudagi ïpï.

Hebreos 11:2

Dai mui gïr aaduñi ïïkidadï ix makïdï óídakatadai ïïki kïïga buaboitudaiña Diuxi xi kaxkïdï kïïgakïrï nïidiña ïgai.

3 Juan 1:12

Xibi aagamu aanï ïmai kïïrhi Demetrio tïgidukami. Daiñi, bïïxi go odami ix makïdï maatï go Demetrio pokaitiña sai kïï tuiga. Kïïga maatiga maaxi sai kïï tuiga ïgai tudu kïïga oiditai ïgai ixtumaxi ïr buaboi. Dai aatïmï ïpï ix makïdï ïr ojotosadï Suxi pokaiti aatïmï ïpï sai kïï tuiga ïgai. Dai kïï maatï aapi sai mai yaatagïi aatïmï.