Hechos 21:40 - Northern Tepehuan Bible

⁴⁰ Dai go komandante maa oigaragai. Baidi Pabora ami kïkiba tïsadikaruïrï. Dai bañigi gï ïka sai dodorhi biïna go odami. Dai aidïxi ka dodorhi biitadai ïgai sai Pabora ñokidi Hebreo ñokikïdï daidi itïtïdai,

Tepehuan Northern: Diuusi ñiooquidʌ utuducami oodamicʌdʌ

⁴⁰ Taidʌ ʌgʌʌ tʌaanʌdami maa oigaragai. Taidʌ ʌPaavora cʌquiva tʌsadicariʌrʌ. Dai vañigi gʌnovi sai dodoligicana vʌʌscatai. Dai aidʌsi cadodoli vii ʌgai taidʌ ʌPaavora ñioo evreocʌdʌ daidʌ itʌtʌdai:

Hechos 21:40 ပူးပေါင်းရင်းမြစ်များ

VUAANA 19:13

Dai go Pilato ïpamu báí go Suxi kaïkai ñokidï go judidiu. Dai bhodïrï go gïï daikaruïrï daiba xako bhai gï buayi ñoki. Dai ami go tuixiki xako kïïka go gïï daikarui Gabatana tïgidu Hebreokïdï. Gobai itïiya ïrhidi ïmo tuixiki pisomadikami ojodaikïdï.

VUAANA 19:17

Daidi bhodïrï go sandadaru bhïiyi go Suxi dai baidakai ïmo gidiïrï xako odami modïrï tïgidu. Dai ami Gólgota tïgidu Hebreokïdï ïpï. Daidi go Suxi ïïgi kusuba iimïi kuruxigadï.

VUAANA 19:20

Dai baika ñokikïdï idui ïgai go ojixikami, Hebreokïdï dai romanokïdï dai griegokïdï. Dai ami mianai go kuruxi bipiïyitadai go Jerusalen bai kaxkïdï muidutai go judidiu kïïga nïiditadai ix kaiti go ojai.

VUAANA 5:2

Dai ami Jerusalenïrï miadïrï go kuuparagai Kañiru Kuuparadï tïgidukïdï ami miadïrï kaatï ïmo poso bhai gïdukami dai biakami taama portarhi abhana. Go poso Betesda tïgidu Hebreo ñokidïkïdï.

Hechos 1:19

Dai kajiomakai go Jerusalenïrï oidakami ix dukatai pogïduitadai bai Ïrakïrï tïïtï go dïbïrai xako muu Udaxi.

Hechos 12:17

Dïï mos go Piduru gï nobikïdï aagidi sai gïn dodorhimadana dai bhodïrï aagidi ïgai ixdukatai Diuxi busaitu maixakaruañdïrï. Daidi itïtïdai ïgai go odami aidï, —Aagidabïrai go Jakobo ïmadï go gaa buaboitudadami ïpï ixdukatai pogïdui— itïtïdai. Dai bhodïrï xibhïakoga jii go Piduru abhiadïrï.

Hechos 13:16

Dai otoma kïkiba go Pabora dai bañigi ïkadï dai podukai biaturhi go odami daidi itïtïdai, —Gin kaïkabïrai aapimï judidiu dai bïïxkatai aapimï ïpï ix makïdï maiti ïr judidiu dai xadutudai Diuxi.

Hechos 19:33

Daidi ami saagida gukatadai judidiu ïpï dai ïgai nïituka ïmo kïïrhi Alejandro tïgidukami dai odami buitapi kïi dai aagidi ix tuma tïdagi ïgai go gaa. Bai ïgai ñokia agaitadai dai bañigi gï nobi saidi dodorhi biïna go odami.

Hechos 21:35

Karhioga bapaki agaitadai ïgai kuartelana dai ayi tïsadikarudïana ukami xi ami go sandadaru gï agaitadai xi tutukiagi go Pabora sai mai bhïna go gaa mos ïï bhakoikatai.

Hechos 22:2

Daidi go odami mos kaïkai ix Hebreokïdï ñokai ïgai, ka kïïgioma dodorhi bii. Daidi Pabora itïtïdai aidï,

Hechos 26:14

Tïtai bïïxkatai dïbïrapi surhi antai kaï aanï ïmo ñoki Hebreokïdï daidi gin tïtïdai, —Saulo, Saulo, ¿Tui pïxi soi gin buayi? Gï tomituskïi aapi ïïgi pobuadatai. Arhiïxi ïr buirudagai gobai— gin tïtïdai.

Hechos 6:1

Amaxi tuigako bamioma muidaimitadai go buaboitudadami dai bïïx tasai gatakoidiña ïgai soiñi go bipiudu bïïtarï xorai tïgitokana. Dai ïmo imidagai go griego ñoki ñokadami buaboitudadami soi kaiti daidi ikaiti, —Mai kïïga ibuayi go Hebreo ñokadami. Mai kïïga oidi ïgai soiñi gïr aduñi bipiudu ix makïdï ïr griego ñokadami— ikaiti.

Apokalipsis 9:11

Dai ïgai ix makïdï tïanïi go soosoyi ïr go galbaaxi ix makïdï gatïanïi go gïï dïgai ix makïdï ïr ïmo maixakarui. Abadón tïgidu ïgai Hebreokïdï dai Apolión tïgidu griegokïdï ix makïdï itïiya ïrhidi sai ïgai ïr gamuakami.