Hechos 21:31 - Northern Tepehuan Bible

³¹ Daidi kabami gïbaitadai ïgai go Pabora dai ka mua agaitadai dïï ïmadutai jii dai mïï aagidi komandantegadï sandadaru romano sai gïïgïrï xixokai óídakami bhakoikai.

Tepehuan Northern: Diuusi ñiooquidʌ utuducami oodamicʌdʌ

³¹ Dai camuaa agaitadai sai ʌmaadutai aagidi ʌgʌʌ tʌaanʌdamigadʌ sandaaru sai vʌʌsi Jerusaleenʌrʌ oidacami siaa caiti.

Hechos 21:31 ပူးပေါင်းရင်းမြစ်များ

Mataibo 26:5

Daidi ikaiti ïgai, —Ka daibunukai go bagimi bhïimu aatïmï sai mai bhakoikana odami gïr bui. Ix go bagimiana bhïiyagi aatïmï gïr bui surhigi antaada óídakami tudu— ikaiti ïgai.

Mataibo 27:27

Daidi go sandadaru baidaja Suxi kuartelïrï dai ami tuixikana kïi dai mui gïn ïmpagi sandadaru dai bïï xikorhi gukiba ïgai Suxi.

Markos 14:2

Daidi ikaitiña ïgai aidï, —Bhaiyoma daibunukai go xia dudagai bhïimu aatïmï bai mai bakoikagi odami gïr bui— ikaiti ïgai.

VUAANA 16:2

Daiñi, gokiïrï go gaa judidiu ix makïdï mai buaboitudai gïn daidamu ix bapakïda aapimï kikiupaigadïrï. Dai asta gïn kodada agai pobïn ïrhiditai sai ibuayi Diuxi aaduindadï gïn kodatai.

VUAANA 18:12

Dai bhodïrï go sandadaru Romanos ïmadï komandantegadï dai ïmadï jaa ix makïdï ïr bhaitï gukakamigadï go judidiu bïïxkatai ïmapai bhïiyi go Suxi dai buu ïkadï.

Hechos 10:1

Dai Cesareïrï oidakatadai ïmo kïïrhi Kornelio tïgidukami. Ïgai tïanïitadai ïmo ciento sandaru, kapitañigadï tudu ïgai. Italiañdïrï oidakamikatadai go sandadaru ïgai.

Hechos 17:5

Dai gokïdï bhaakoi go judidiu ix makïdï mai buaboitu ïgamukatai ïgai. Dai mui ïmpagi ïgai kïkïïrhi paparugami dai soimaaxi ibuadami ix makïdï no kayana ajiopaitadai. Abïnaki ïgai bai bui surhigïna go buaboitudadami kaburhi gukakatai. Mos gïgïr ijiñakimi ïgai aidï dai mos xixokai ïgai bui ñokaitai go gaa. Daidi go judidiu ïgai ïmadï go soimaaxi ibuadami mïï ayi kiidïrï ïmo kïïrhi Jason tïgidukami dai daitu kitaagiña. Gaagaimitadai ïgai go Pabora ïmadï Silas dai bukia ïrhiditadai dai tïïgida agaitadai go odami.

Hechos 19:40

Xibi xi gïr tïkakamudai dudunukami bhaitï gukakïdioma xi tuixidï bhakoikan kaiti aatïmï xibi, mai tipu ixtumaxi aagida aatïmï kaxkïdï ïr ïbhïidaragai gobai. Kïïga potïi antaada ïgai sai ïïgi aatïmï xixortu óídakami xibi— itïtïdai go dunukami.

Hechos 21:38

¿Aidï gia aapi maiti ïr go kïïrhi Ejiptuañdïrï oidakami ix makïdï ïïkioma ïr bui kaatïkamikana gïr gobiernoga aba? Ïgai biakatadai maakoba mirhi kïkïïrhi gakodadami ix makïdï urabakatadai ïgai dai no oidigana ajiopaiña— ikaiti go komandante.

Hechos 22:22

Kïïga kaïkatadai go odami Pabora ñokidï ami ukami dïï aidïxi kaï ïgai xi pokaititadai Pabora sai Diuxi otosa agaitadai maigobai mïkaxi xako óídaga go ix makïdï maiti ïr judidiu aidï ijiña ïgai daidi ikaitimi, —Muabïrai tudu— ikaitimi. —Maiti agai xi nïijada aatïmï ïpamu tanai oidigi daama— ikaitimi odami.

Hechos 23:17

Daidi Pabora bai ïmo kapitañigadï sandaru daidi itïtïdai, —Baidakañi idi arhi gïrhi dai mïï tïïgida go komandante. Aagida as agai gobai ïmo ñoki— itïtïdai Pabora.

Hechos 24:22

Daidi go gïï dunukami Felix kïïga maatïkana go buaboidaragai ix makïdï Boi agaiña odami, go Suxi Kristo buaboidaradï tudu. Kaxkïdï mos kaïkai ix kaititadai go Pabora ka mai bamioma gatïkakai daidi bhaiyoma potïtïdai aidï, —Nïnïrakamu aanï kia asta dibiakai go komandante Lisias. Aidï gia aagadamu aanï ix dukatai bimu idi aatagi— itïtïdai.

Hechos 24:6

Dai ïkobïrakoga idi kïïrhi tukurhimada ïrhiditadai go gïï kiupai Jerusalenïrï mai xadutudaitai xi kaxkïdï bhïiyi aatïmï.

Hechos 24:7

Dïï go komandante Lisias tïgidukami ami dibia dai gubudakïdï gïr popoki.

Hechos 25:23

Xadiko go Rey Agripa ïmadï Berenice baapa ami salonïrï ïmo desfile dukai gïn ïmadï iimïitai mui tïtïanïdami sandadaru ïmadï jaa tïtïanïdami ami kiikiïrï óídakami. Podukai go Rey Agripa ïmadï Berenice gïn maaxitu xïï kïïga ïr gïgïrdukami ïgai. Dai ka bapakïkai ïgai bai go Festo gatïjai mïsai buapana go Pabora.

Hechos 26:21

Mos pomaaxi aatagaiña dai gokïdï kaxi gin bhïiyi go judidiu mïï gïï kiupiana Jerusalenïrï dakatai aanï dai kaxi gin mua agaitadai.