Hechos 20:12 - Northern Tepehuan Bible

¹² Mïtai duakakami bhïkai go gïrhi kiiyamu dai kïïga bhai gïn ïldakai bii odami.

Tepehuan Northern: Diuusi ñiooquidʌ utuducami oodamicʌdʌ

¹² Mʌtai bʌʌcai ʌgʌʌli duaacami dai aliʌ baigʌnʌldacai vii ʌoodami.

Hechos 20:12 ပူးပေါင်းရင်းမြစ်များ

Hechos 20:11

Dai bhodïrï tïkabi tïtïsai ïgai bïïxkatai ïpamu dai saasarai pan dai gauu go gaa ïmadï. Dai bhodïrï oi Pabora gï aatagi asta maaxiko ukami. Daidi ka kugaidakai jii ïgai abhiadïrï.

Hechos 20:13

Dai bhodïrï aataga aatïmï bïïxkatai iimïdami ixdukatai imi aragai dai Pabora ipïrhi xi imiagi taatarakïdï. Bhodïrï aatïmï bhaitïki iji ïmo barkoïrï asta Asonoïrï ukami. Ami nïnïraka aatïmï go Pabora.

2 Korintios 1:4

Daiñi, Diuxi ïgai dai gïr bhai ïrhiatudai xïïxkadï taatagi aatïmï tomax makïdï soi ïrhiaragai. Dai kaxkïdï bhaiga aatïmï xi soikïdagi jaa xïïxkadï soimaaxi taatagi ïgai sai bhai gïn ïrhiadagi ïgai ïpï go galbaaxi bhai ïrhiaragaikïdï ix makïdï gïr mamaakai Diuxi xïïxkadï soimaaxi taatagi aatïmï.

1Tesalonicenses 4:18

Gï agai tudu xi gïn abïnakidada aapimï aipakoga aagaitai idi aatagi.

1Tesalonicenses 5:11

Kaxkïdï apia abïr gïn abïnakiada aipakoga idi aatagikïdï dai abïr gïn soikïda ïpï sai bamioma gïrana gïn buaboidaragai. Kaxi pobuadana aapimï tudu dai gï agai xi apia pobuadagi.

1Tesalonicenses 5:14

Gïr susukurhi, ix makïdï gïn urapïkïi dai paparïga abïr maakada ñoki. Daidi ix makïdï duduadikui abïr abïnakidada. Dai ix makïdï mai gupuka buaboidaradï abïr soikïda. Ïgai bïïxkatai gï agai xi mai dagitokai soiñagi aapimï dai mai ojodadagi.

2 Tesalonicenses 2:16

Gïr susukurhi, gïn daanturhiña aatïmï sai gïn abïnakidiña Diuxi dai sai gupurtudana ïgai gïn buaboidaraga. Dai kïï gubuakatai gïn buaboidaraga aidï gia bïïxi ixtumaxi aagidagi aapimï jaa kïïga ibuadamu soiñi dai bïïxi ixtumaxi ibuadagi aapimï jaa bïïtarï kïïga ibuadamu soiñi ïpï. Suxi Kristo Gïr Nukadakami ïmadï Diuxi gïr Oga ïgai dai kïï tutuiga gïr bïïtarï tudu dai gïr oigïdai dai gïr maakai ibhïxtaragai ix makïdï mai ugiatïkïi dai gïr maakai ïmo nïnïraragai kïïgadukami ïpï.