Hechos 2:43 - Northern Tepehuan Bible

⁴³ Dai Diuxi soikïiña go ojotosadï Suxi bai ïgai ibuadana naana maaxi ix makïdï ïïgi Diuxi ixtutuidi xi buadagi. Dai odami bïïxkatai ka mos duduadimukan taadakana nïiditai.

Tepehuan Northern: Diuusi ñiooquidʌ utuducami oodamicʌdʌ

⁴³ Daidʌ ivuaadana ʌojootosicami mui naana maasi gʌgʌrducami vai vʌʌscatai duduaadicuiña.

Hechos 2:43 ပူးပေါင်းရင်းမြစ်များ

Markos 16:17

Daidi potïtïdai ïpï, —Go ix makïdï gin buaboitudadagi naana maaxi iduñimu ix makïdï odami ïïgi xadïrï ixtuidïna dai podukai maaxituda agai xi Diuxi gubukadadïkïdï aatabuayi ïgai. Odamiañdïrï bubaidamu ïgai Diabora tïtïañikarudï aanï gin gubukadakïdï. Dai ïma maaxi ñoki mui ñokadamu ïgai ix makïdï mai maatïkana ïgai.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

Lukas 8:37

Daidi kabami duduadimu go óídakami ami dai aagidi ïgai go Suxi sai imïna abhiadïrï. Po dui go óídakami ami Gadarïrï tudu. Aagidi ïgai go Suxi sai dagitona dai sai maigobai imïna. Daidi go Suxi tïsai ïpamu barkoana dai jii abhiadïrï baasadïrï go gïï sudagi ïpamu.

VUAANA 14:12

—Kïïga abïr gïn tïgito kaïka idi ñoki. Daiñi, aapimï ix makïdï gin buaboitudai ibuadamu ï galbaaxi aaduindagai ix makïdï aanï ibuayi dai asta ibuadamu gïgïrdukamioma aaduindagai ix aanï. Aanï imimu mïïka xako daja gin Oga dai aïkai aanï amïka aidï gia aapimï ix makïdï gin buaboitudai buimu gubukarhigai daidi ibuadamu gïgïrdukamioma aaduindagai ix bhai ix makïdï aanï ibuayi.

Hechos 2:22

Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

Hechos 4:33

Daidi go ojotoxikami gïïpi bhïiyi gubukarhigai dai aagidiña ïgai go odami sai Suxi ka duakatu. Dai Diuxi sïïrhikïdï kïïgakïrï tïï go buaboitudadami dai kïïga oigïdaitai urhiñdi gubukadadï.

Hechos 5:5

Dai go Ananias amaxi gïi dai muu mos kaïkai go ñoki. Dai kabami duduadimu go jaa odami kajiomakai ix tumaxi pobïduitadai.

Hechos 9:34

Daidi Piduru itïtïdai aidï, —Eneas— itïtïdai, —Suxi Kristo kaxi gï duduadimi. Bañigiñi tudu otoma dai bhai duñi gï baakoxi— itïtïdai Piduru. Dai otoma bañi go Eneas.

Hechos 9:40

Dai Piduru kidigamu otoi bïïxkatai go ix makïdï ami darajatadai dai totonakïdï kïkibakai gadaanïi ïgai Diuxi. Dai bui nïnïaba ïgai go oki mukiadï daidi itïtïdai, —Tabita bañigiñi— itïtïdai. Dai ïgai kupioka gï bupuji dai tïï go Piduru dai sïïrhi daiba.