Hechos 2:42 - Northern Tepehuan Bible

⁴² Dai bïïxkatai kïï kaïkana aatagidï go bhaibuxtama dan goka ojotosadï Suxi. Dai ïmo tïgibudagai biakana ïgai dai daanïiña ïgai Diuxi gïn ïmpaiditai. Daidi ïmapi gakuadana ïpï.

Tepehuan Northern: Diuusi ñiooquidʌ utuducami oodamicʌdʌ

⁴² Dai vʌʌscatai apiavaavoitudai istumaasi mamaatʌtuldiña ʌojootosicami. Dai ʌmo tʌgitoidagai viaacana dai gamamadaiña gʌnʌʌmpaiditai siuu duucu gaugia agadagi.

Hechos 2:42 ပူးပေါင်းရင်းမြစ်များ

Lukas 24:30

Dai aidïxi ka ugia agaitadai Suxi ïgai ïmadï dai mesa buidïrï darakatadai sai Suxi bhïiyi ïmo pan dai táí Diuxi ïmo Diuxiatanamїidaragai dai sasarai dai maa go kïkïïrhi.

Lukas 24:35

Dai bhodïrï ï goka kïkïïrhi ix makïdï utudama ayitadai aagidi ïgai go gaa ix dukatai daibusai boiyïrï iimïitai ïgai. Dai aagidi ïgai sai máítadai ïgai go Suxi aidïxi saasarai ïgai go pan.

Hechos 1:14

Bïïxkatai ïgai mos apia daanïiña Diuxi bïïx tasai. Suxi susukurhidï ïmadï ïmpaidiña ïgai dai Maria, Suxi dïïdï ïmadï dai jaa oki ïmadï ïpï dai gadaanïiña ïgai Diuxi. Dai mos ïmo tïgibudagai biakana ïgai.

Hechos 11:23

Ayi go Bernabe Antiokiïrï dai kïï bhai gï ïldatu nïiditai xi Diuxi kïïgakïrï nïiditadai go buaboitudadami ami. Dai abïnaki ïgai go buaboitudadami xi ïgai gupurtudana gïn iibhïdaga sai apia oijadana ïgai Gïr Nukadakami.

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

Hechos 2:46

Dai bïïx tasai gïn ïmpaidiña ïgai go gïï kiupiïrï Jerusalenïrï. Ïmapi gakuadana ïgai kiikiïrï dai bïïxi gïn bhai ïrhiarakïdï gabhibhidiña ïgai bïïxi go aadudï dai

Hechos 20:11

Dai bhodïrï tïkabi tïtïsai ïgai bïïxkatai ïpamu dai saasarai pan dai gauu go gaa ïmadï. Dai bhodïrï oi Pabora gï aatagi asta maaxiko ukami. Daidi ka kugaidakai jii ïgai abhiadïrï.

Hechos 20:7

Dai aidï tumiñoko urunoko gïr ïmpagi aatïmï ïmadï go buaboitudadami dai tïtïitoitadai aatïmï Suxi gakuadatai. Dai Pabora ka imi agaitadai xadiko xi kaxkïdï maa ïgai ñoki go buaboitudadami. Kia aatagaitadai ïgai ïraan tukarï tïbïrakatai aatagidï.

Hechos 4:23

Bhodïrï bubuakïkai Piduru ïmadï Juan abhiadïrï gïn dagitokai go dudunukami sai sïïrhi iji ïgai mïïka xako darajatadai aaduñdï dai bïïxi aagidi ix kaititadai go bhaitï gukakïdï dadaxdadami judidiu ïmadï kïkïrhiodami bhaitï gukakami.

Hechos 4:31

Daidi mos nato daanïkai ïgai Diuxi sai gigiburhi baaki xako darakatadai ïgai dai Diuxi Ibhïadï tïanïitadai bïïxkatai ïgai dai podukai mai duadimudagaikïdï aagaiña ïgai Diuxi ñokidï.

Hechos 6:4

Ix podukai aatïmï bamioma bhaigakamu xi gadaanïda Diuxi dai apia gamaakimu aatagi Diuxi ñokidïkïdï— ikaiti go bhaibuxtama dan goka ojotoxikami.

Romanos 12:12

Aapimï bia ïmo gïdukami bhai ïrhiaraga ix makïdï Diuxi bhai dasakami bia aapimï gïn bïïtarï. Kaxkïdï abïr bhai gïn ïrhiada xibi nïnïraitai gobai. Maiti abïr gïn dagito aidï xi gïn maitiagi soi ïrhiaragai xïïxkadï soimaaxi taatakagi aapimï. Abïr mai dagitokai aatagada Diuxi ïmadï bhaiyoma.

1 Korintios 10:21

Maiti ïr sïïrhi tudu ix gayïdagi dai gakuadagi aapimï go xadutudaradï Diuxi dai gayïdagi dai kuadagi go xadutudaradï diabora tïtïañikarudï ïpï.

1 Korintios 11:2

Gin susukurhi, kïïga tïgitokaiña aapimï bïïxi go aatagi ix makïdï gïn aagidi aanï. Dai kïïga ibuayi aapimï bïïxi ixtumaxi gïn tïjai aanï ïpï. Kïïga ibuayi aapimï podukai ibuadatai.

1 Korintios 14:6

Daiñi, ¿Tumaxi ïr soiñikana ix gïn dibidagi aanï dai gïn aagidagi aatagi ïma maaxi ñokikïdï ix makïdï mai maatï kaïkagi aapimï? Maiti ïr soiñi gobai ¿aba? Gï agai ix gïn aagidagi aanï ixtumaxi ïr soiñi bhaiyoma. Dukami gï agai ix gïn aagidagi aanï bhaiyoma ixtumaxi gin maatïturhi Diuxi xiïpï ïma maaxi ix makïdï máí aanï xiïpï ïmo ñoki Diuxiañdïrï xiïpï ïmo maatïtuldaragai maaxi. Gobai gia ïr soiñi gïn bïïtarï. Kaxkïdï tudu gï agai ix maatï kaïkagi aapimï go ñoki. Ïma dukai maiti ïr soiñi gobai.

Galatas 1:6

Xibi bia aanï ïmo ñoki gïn bïïtarï gin aaduñi. Daiñi, Diuxi ïgai dai gïn abïnaki sai buaboitudaiña aapimï. Gïn tïtïgidi ïgai xïï kïï tuiga Suxi Kristo gïn bïïtarï tudu mukukai gïn bïïtarï. Podukai gïn abïnaki ïgai sai buaboitudaiña aapimï. Dai aidïxi máí aapimï xïï kïï tuiga ïgai gïn bïïtarï aidï buaboitu aapimï go bhai ïrhiaragai aatagi. Dïï gia kajioma aanï sai otoma dagito aapimï ïpamu gïn buaboidaraga. Xibi ka mai tïtïgai aanï ix tumaxi gin tïgitoagi mos ïï otoma dagitokai aapimï Diuxi. Ka buaboitu aapimï ïmai aatagi tudu ix makïdï bhai ïrhiaragai aatagi agaiña ixtumaxi dai maiti ïr ïgai.

Efesios 2:20

Dai aatïmï aaduñdï Diuxi ïr Diuxi kiidï dukai ix makïdï gï kïïsatu ïmo kïï kabakami simiento daama. Suxi Kristo ojotosadï ïmadï go aagadami Diuxi ñokidï ïr go simiento dukai xako daama guka aatïmï. Dai Suxi Kristo ïr go kïïgadukïdioma odai dukai ix makïdï baaki xixodïrï daja. Ïgaiñdïrï tudu daagïkan guka aatïmï ix makïdï ïr Diuxi kiidï.

Efesios 6:18

Bïïxi aïkatai ix makïdï ibuadagi aapimï abïr aatagada Diuxi ïmadï, Diuxi Ibhïadï gubukarhigadïkïdï. Bïïxkïrï abïr bhai gïn duka dai daanïda Diuxi bïïxi buaboitudadami bïïtarï ix makïdï aipako óídaga.

Filipenses 1:5

Dudatai gin tïgitokana aanï sai gin ïmadï gaatabuadana aapimï aidï abhiadïrï xi buaboitu aapimï. Gin soikïiña aapimï aipako aagaitai go bhai ïrhiaragai aatagi tudu. Kaxkïdï bhai gin ïrhidiña aanï gïn tïgitokatai.

Kolosenses 1:23

Dïï gia tomaxi ïr buaboi sai Suxi Kristo ka bhai dui gïn bïïtarï bïïxkïrï gï agai xi apia buaboitudada aapimï ixtumaxi ïr buaboi. Kabami abïr gugukada tudu kïïga buaboidaitai ixtumaxi ïr buaboi. Daiñi, aidï abhiadïrï xi tukamïrï kaï aapimï go bhai ïrhiaragai aatagi kïïga bhai gïn ïrhidiña aapimï. Bhai gïn ïrhidiña nïnïrakatai go naana maaxi kïkïïgadukami ix makïdï bia Diuxi gïn bïïtarï. Apia abïr buaboidaitai nïnïraka gobai tudu. Dai maiti abïr gïn dagito xi gin maitiagi ïma maaxi tïgibudagai. Maiti abïr gïn dagito xi tomarhi ïmo ixtumaxi gïn popoidagi gïn bhai ïrhiaraga tudu ix makïdï bhïiyi aapimï xudu tukamidïrï buaboitu aapimï. Daiñi, ix makïdï buaboitu aapimï ïr go galbaaxi bhai ïrhiaragai aatagi ix makïdï gï aiturhi bïïxi go gaa oidigi daama óídakami. Dai Diuxi gin maa sïïrhikami saidi aipakoga aagaiña aanï go galbaaxi bhai ïrhiaragai aatagi ïpï.

Kolosenses 4:2

Gin aaduñi, gï agai xi mai dagitokai dai kïïga nïnïasïrhigan dukai daanïda aapimï Diuxi bhai gïn ïrhiditai ïgai buidïrï.

2 Timoteo 3:14

Dïï aapi Timoteo gia gï agai ix apia buaboitudada ixtumaxi máí aapi kïïga maatïkatai saidi ïr buaboi gobai. Kïï maatï aapi tudu sai mai yaatagïi aatïmï ix makïdï gï tïtïïgidi ñoki.

Hebreos 10:25

Dai maiti gï agai xi ïpïan buadagi aatïmï jaa buaboitudadami ix makïdï ka maiti ipïrhidi ix gïn ïmapagiadagi. Gï agai bhaiyoma xi gïr abïnakiadagi aatïmï aipakoga dai gupukatudagi gïr buaboidaraga. Dai kïï maatï aatïmï sai ka otoma dibiagai Suxi Kristo dai kaxkïdï bamioma gï agai xi gïr gupurtudagi dai abïnakiadagi aatïmï aipakoga xibi.

Hebreos 10:39

Dïï aatïmï gia maiti ïr ïgai ix makïdï daadagitoi go buaboikïdï buaboidaragai. Ïgai ïïgi gïpiïrï gïn surhigai dai xia gïn buayi dïï aatïmï gia cho. Aatïmï gia apia buaboitudai dai kïïgakïrï bubuakïi.

1 Juan 1:3

Daiñi, aatïmï ix makïdï ïr ojotosadï Suxi Kristo bia ïmo kïïgadukami urabaragai Diuxi ïmadï dai Suxi Kristo ïmadï ïpï ix makïdï ïr Diuxi Maradï. Dai kaxkïdï gïn aagidimi aatïmï gobai ix makïdï nïidi aatïmï dai kaï ïpï ix makïdï gïr tïtïïgidi Suxi Kristo. Ipïrhidi aatïmï sai biakana aapimï urabaragai Diuxi ïmadï dai Suxi Kristo ïmadï ïpï gïr ïpïan dukai kaxkïdï.

1 Juan 1:7

Dïï gia ix buañixikagi aatïmï dai aagagi aatïmï ixtumaxi ïr buaboi ïpïan dukai Diuxi, aidï gia kïïga biakana aatïmï ïmo urabaragai aipakoga bïïxi go buaboitudadami ïmadï. Dai aidï gia bïïx tasai apia buanai Diuxi bïïxi gïr soimaaxkamiga ïradïkïdï Suxi Kristo ix makïdï aaxi ïgai mukukai gïr bïïtarï.

1 Juan 2:19

Go odami ix makïdï ïr buidïrï bïïtïkamigadï Suxi ix makïdï aagai aanï xibi ïgai gïr urapïkïiña ïkioma dïï gia gïr dagito ïgai dai ïkobai iji. Kaxkïdï gï maatï ix maiti ïr gïr aaduñi ïgai. Ix gïr aaduñikamudai ïgai kïïgakïrï aidï gia gïr urabakamudai ïgai kia. Podukai gïn mamaaxidi ïgai ix maiti ïr gïr aaduñi kïïgakïrï tudu gïr dagitokai ïgai.

Udaxi 1:20

Gïn ïjïkobalda ïrhidi ïgai tudu. Dïï gia maiti abïr gïn dagitoda. Daiñi, kïïga maatï aapimï sai gïn oigïdai aanï gin aaduñi dai aanï aagai sai gï agai bhaiyoma ix gïn gupurtudagi aapimï aipakoga dai gïn soikïdagi aipakoga saidi bamioma gubuakami dukai buaboitudadagi aapimï. Sai kïïgioma oijadagi aapimï go buaboidaragai ix makïdï gïr maa Diuxi tudu. Dai daanïdabïrai Diuxi ïpï. Dai xïxkadï daanïdagi aapimï abïr ïïgiada Diuxi Ibhïadï saidi podukai ïgai gïn tïïgidana ix dukatai daanïdagi aapimï.