Hechos 2:27 - Northern Tepehuan Bible

²⁷ Aapi Diuxi mai biamu gin ibhïdaga jaa koidadï saagida. Dai maiti dagito agai ix xatuidagi gin tukuga. Aanï ïr gï otosa ix makïdï ïko bubaitu aapi kaxkïdï.

Tepehuan Northern: Diuusi ñiooquidʌ utuducami oodamicʌdʌ

²⁷ Dʌmos aapi giñDiuusiga maiviaamu giñibʌdaga aa coidadʌ ibʌadʌ saagida. Dai maitidagito issiaa tuidiagi giñtuucuga. Aanʌ ʌrʌgai ismaacʌdʌ oigʌdai aapi.

Hechos 2:27 ပူးပေါင်းရင်းမြစ်များ

Sal 16:10

Aapi gï soikïdakami aanï kaxkïdï maiti gin dagitomu aapi xi yaasapikami kaatïkagi aanï mukukai. Gï aduñi miadïrï aanï di. Xadïrï gin dagitona aapi gin tukuga ix xatuidagi— itïtïdai.

Jonas 2:6

ami go gïï sudagi uta, go gïgïrï tutubidaki soniri. **** Kaxi tïbaitadai aanï xako bipiïyi koidadï dai ka kupikatadai kuparadï bïïxkïrï bïïtarï. Dïï gia bïïxkïrï aapi Diuxi gin Tïanïdamiga, aapi gin busaitu abhiadïrï go yaasakaruañdïrï.

Mataibo 11:23

—Dai bia aanï ïmo ñoki aapimï Kapernaumïrï óídakami gïn bïïtarï ïpï. Aapimï pobïnïrhidi sai tïtïidi agai tïbagiamu dïï aanï agai sai bhaiyoma surhigimu aapimï go gïï tukabakami dïgakïrï. Ami surhigimu aapimï xako Hades tïgidu ami xako maamaixapi koidadï tudu— itïtïdai Suxi. —Daiñi— itïtïdai. —Kïï maatï aapimï sai Diuxi bïï naato koi go Sodomïrï óídakami ïïki dai xia dodai kiikidї kabami soimaaxi ibuadamikatai ïgai. Dïï gia aanï aagai sai ix nïijadamudai ïgai bïïxi go naana maaxi maaxidaragai ix makïdï idui aanï aapimï gïn buitapi aidï gia kïïga ïmadukai gïn tïtïgitokamudai ïgai ïïki. Kia no gukakamudai kiikidї tudu. Dai aapimï gia nïidi bïïxi go naana maaxi maaxidaragai ix makïdï ibuadana aanï dai modukai mai ïma dukai gïn tïtïgito aapimï.

Markos 1:24

baidi potïtïdai ïgai Suxi, —Tui pïxi gïr saagida bapakïi aapi Suxi, Nasaretañdïrï oidakami. Gïr koda pïx agai dai dibia— itïtïdai. —Aanï an gia kïïga gï maatï dai maatï aanï pïxi ïr Diuxi maradï ix makïdï tomarhi ïmo imidagai mai soimaaxi ibuayi— itïtïdai go kïïrhi ix makïdï biakatadai ïmo Diabora tïañikarudï ïrana.

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

Lukas 16:23

dai ibhïadï jii xako gïn maamaixatudai koidadï, xako hades tïgidu ïmo ïmapïkïrï tudu. Dai kabami soi taatamaiña ïgai ami dai táí nïnïaba dai tïï ïgai go Abraamkaru xi maigobai mïkaxi daka. Dai tïï ïgai go Lasaro ïpï xi sonoana daka go Abraamkaru—.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

Lukas 4:34

—Aapi Suxi, gïr dagitoñi— itïtïdai. —¿Aapi Nasaretañdïrï oidakami ix tuixi gïr sobhikïi aapi aatïmï ix makïdï ïr diabora tïtïañikarudï? ¿Gïr koda pïx agai dai dibia ïpï?— itïtïdai. —Kïïga gï maatï aanï tudu. Aapi ïr Diuxi otosadï dai aapi ïr ïko busaidadï Diuxi— itïtïdai.

VUAANA 11:39

Daidi itïtïdai Suxi go gaa, —Maigobai abïr dasa go gïï odai— itïtïdai. Daidi go Maruta itïtïdai aidï, —¡Gïr Nukadakami, Maiti gï agai ix maigo dasagi go odai ïrhi aanï! Kaxi maakoba tasai pogïdui ix muu gobai dai ka garhi ubaimi ïrhi aanï gobai— itïtïdai.

Hechos 2:26

Kaxkïdï arhiï bhai gin ïrhidi aanï dai aagai aanï ansai bhai gin ïrhidi. Kaxkïdï tomaxi gï aagadagi ix taata aanï go mukigami aanï xioma nïnïraka ixtumaxi daibuñagi gokiïrï.

Hechos 2:28

Gin tïïgi aapi boi xako aimïradagi aanï dai kïïgakïrï oidakagi. Dai mukukai aanï kïï bhai gin ïrhiadamu gï ïmadï dakatai, pobai tudu ikaiti go Dabid ïïki— itïi go Piduru.

Hechos 2:31

Kaxkïdï go Dabid kïï maatïkatadai ix tuma daibuña agaitadai ïgaikïdï ix makïdï ïr Diuxi Otosadï gïr Bhaitï Kïakami. Ïkiaxdïrï agaitadai ïgai sai duaka agaitadai dai ibhïadï mai bii agaitadai koidadï saagida dai tomarhi tukugadï mai xatuidi agai.

Hechos 3:14

Mai aagidi aapimï go Pilato ix dagitomudai ïgai go Suxi tomaxi ïgai kïïga ïïgidiña Diuxi dai kïï sïïrhiñikatadai tïgibudadï. Aapimï aagidi go Pilato ix bhaiyoma dagitona ïgai ïmo gamuakami.

Hechos 4:27

Dai go buaboitudadami apia daanïi Diuxi daidi ikaiti, —Xibi ka buaboi busai ñokidï go Dabidkaru. Xibi tanai Jerusalenïrï gïn ïmpagi Erodïxi ïmadï Poncio Pilato ïmadï judidiu dai jaa ix makïdï maiti ïr judidiu ïpï. Ïgai buidïrï surhi gï maara Suxi tomaxi ïgai mos ïr ïïgidadami aapi Diuxi dai aapi dáí go Suxi saidi ïr Gïr Bhaitï Kïakamigakana.

1 Korintios 15:52

Gï kaidatudamu go kugatïrï trompeta bai ix xïï otoma gï kupiokïi ïmoko pokaxi otoma ïmapïduñimu aatïmï. Amaxi gï kaidatumu go trompeta baidi go buaboitudadami ix makïdï ka koi duduakamu ïpamu dai ka biakamu gïn tukuga ix makïdï mai ugiatïi. Dai buaboitudadami ix makïdï kia óídakagi aidïpïrï todian dukai ïmapïduñimu ïpï dai bhïimu tukuga ix makïdï mai ugiatïi ïpï.

1 Korintios 15:55

¿Kaxkïdï dukatai gïr maitïna go mukigami xibi? ¡Diuxi ka maitï gobai di! Kaxkïdï ka mai bia gubukarhigai go mukigami gïr bui, ikaiti go ojai.

1 Juan 2:20

Dïï aapimï gia mai pomaaxi. Kïïga maatï aapimï tudu sai Suxi Kristo ïr ïkobai busaidadï Diuxi. Dai ïkobai gïn bubaitu Suxi Kristo sai ïïgi Diuxi bïïtarïkana aapimï. Ïkobai gïn bubaitu ïgai aidïxi gïn maa ïgai Diuxi Ibhïadï sai gïn ïmadï dakana tudu. Dai ka kïïga maatï aapimï ixtumaxi ïr buaboi dai ka mai ïpïamaaxi aapimï go gaa ix makïdï gïr dagito.

Apokalipsis 1:18

Aanï ïgai dai tomax tuigako oidaga tudu. Muu aanï ïmo imidagai dïï gia xibi ka duaka aanï dai bïïxkïrï bïïtarï oidaka iñagai. Dai bia aanï bamioma gubuka xi bhai go mukigami dai gobai bhaiga xi aiyagi mosïkaxi asta xako ukami dagitoagi aanï. Dai bia aanï gubukarhigai xi gatïanïdagi ami xakoga daraka koidadï ïpï— in tïtïdai.

Apokalipsis 3:7

Daidi go makïdï gin ñokidi dai odami maaxi gin tïtïdai, —Ojidañi ïmo ojai go buaboitudadami nukadakamigadï Filadelfiïrï ïpï. Dai adukai ojida aapi, Aanï Diuxi Ïko Dasadï tïgidu dai Sïïrhi Ibuadami tïgidu aanï ïpï. Dai bia aanï ï galbaaxi sïïrhikami ix makïdï biakatadai rey Dabidkaru. Ix dukai biakatadai ïgai sïïrhikami xi tïanïdagi Jerusalenïrï dai aagagi xorai baakiagi ami dai xorai mai baakiagi, aanï podukai bia sïïrhikami xi tïanïdagi dai maakiagi oigaragai ïïmoko xi bapakïdagi xako gatïanïi aanï. Dai bhaiga aanï xi daidagi xorai ipïrhiadagi aanï ïpï. Dai mai tipu xorai gin daidagi.