Hechos 2:23 - Northern Tepehuan Bible

²³ Dïï bïïxkïrï aapimï bhïiyi go Suxi dai kïkïïrhi mai xadutuadami Diuxi buitapi kïi aapimï dai gatïjai sai kuruxiana xixana. Podukai gatïjai aapimï muaragai go Suxi. Diuxi ka ïkiaxdïrï maatïkatadai xi pomaaxi pogïduña agaitadai. Ka pomaaxi gï tïgito ïgai ïïki abhiadïrï sai podukai ïpïduna aidï.

Tepehuan Northern: Diuusi ñiooquidʌ utuducami oodamicʌdʌ

²³ Vʌʌscʌrʌ aidʌmʌsi gʌntʌʌgi ʌSuusi maisatugai aapimʌ dai tʌʌgi ʌcʌcʌʌli ismaacʌdʌ maisiaa duutudai Diuusi sai curusiaba siisana dai poduucai gatʌjai aapimʌ muaaragai. Vʌʌsi imaasi camaatʌcatadai Diuusi. Ʌʌgi ʌgai capomaasi gʌtʌgito ʌʌqui abiaadʌrʌ sai poduucai ʌpʌduuna.

Hechos 2:23 ပူးပေါင်းရင်းမြစ်များ

Mataibo 20:19

—Gin tïïgidamu ïgai go gupudagai bipiakami ix makïdï maiti ïr judidiu bai ïgai gin parunada agai dai gin gïikarsa agai dai ïmo kuruxiana gin xixa agai. Ami kuruxiana mukimu aanï. Dïï gia baika tasaikïdï duakatumu aanï ïpamu— itïtïdai.

Mataibo 26:24

—Aanï ïr Diuxi otosadï ix makïdï ïmo kïïrhi busai tudu dai gï aagai xi podukai gin duiñtuldagi ix dukai ka ojixi ïïki abhiadïrï. Gï aagai ix mukiagi aanï tudu. Dïï gia sogigi gobai ix makïdï gin tïïgida agai. Gïïpi biakamu ïgai soi ïrhiaragai tudu. Kaxkïdï xioma ïr kïïgadukamudai ïgai bïïtarï xi bhaiyoma mai busaimudai ïgai oidigi daama— itïtïdai Suxi.

Mataibo 27:35

Dai ka xixakai ïgai go Suxi kuruxiana sai bhodïrï go sandadaru bhïiyi yukuxidï daidi idui ïmo totoidaragai dai nïida agai ix tuma yukuxi aïna ïïmadutai.

Markos 15:24

Daidi go sandadaru upai yukuxidï go Suxi dai bhïiyi go Suxi dai kuruxiana xixa. Bhodïrï gïn totoidi ïgai yukuxidï ïmo tïtïïbiïrï nïidana as tuma aïna ïïmadutai.

Lukas 22:22

Aanï ïr otosadï Diuxi tudu ix makïdï ïmo kïïrhi busai. Dai bia aanï xi mukiagi. Ka podukai dáí Diuxi kaxkïdï. Dïï gia kabami soimaaxi taata agai ïgai ix makïdï gin tïïgida agai— itïtïdai Suxi go mamaatïrdamigadï.

Lukas 22:37

Daiñi, ka poduu ojixi sai, Soi dukai gin nïijadamu óídakami ïmo soimaaxi ibuadami dukai Ka podukai ojixi dai kaxkïdï gï maatï sai soi dukai gin nïijadamu óídakami. Dai kaxkïdï ïpï ka ïma dukai gï agai xi ajiopadagi aapimï xibi. Kaxkïdï tudu soi dukai gïn nïijadamu óídakami gin mamaatïrdamigakatai aapimï— itïtïdai Suxi.

Lukas 23:33

Dai aïkai ïgai xako odan modïrï tïgidu sai ami xixa ïgai go Suxi kuruxiana. Dai ami jaa kukuruxiana xixa ïgai ï goka kïkïïrhi soimaaxi ibuadami ïpï dai aipadïrï tutu ïgai go Suxi.

Lukas 24:20

Dïï gia go bhaitï gukakamigadï go dadaxdadami ïmadï gïr tïtïanïdami tïïgi ïgai go Romanos dai gatïjai ïgai muaragai. Podukai kuruxiana gï xixatu ïgai.

VUAANA 19:18

Daidi go sandadaru bhïkai go Suxi dai mïï gidana kuruxiana xixa. Dai jaa kukuruxiana xixa ïgai ïpï goka kïkïïrhi ïpï ix makïdï ïr ïïxibogami dai Suxi ïrana bii.

VUAANA 19:24

Daidi potïi go sandadaru nïiditai go manta, —Maiti gï agai tïxi sarañagi gobai. Bhaiyoma gï agai tïxi tïtïïbiagi ïmo bolado dukai nïida as xorai aïna gobai— ikaiti go sandadaru. Podukai pobï dui ix dukai ojixi ïïki Diuxi ñokidïrï. Ami ikaiti, Gïn takogi ïgai gin yukuxi ïïgi gïn bïïtarï dai bhodïrï gin mantaga gatïki ïgai ïmo boladoïrï dukai, ikaiti go ojai. Ka podukai ojixikatadai tudu ix kaxkïdï pomaaxi idui go sandadaru.

Hechos 13:27

Daiñi, go Jerusalenïrï óídakami ïmadï go bhaitï gukakami mai máí go Suxi xi ïr kïïgakïrï bubiadami. Mos ïkarhiïrï kaïkana ïgai ojadï go aagadami Diuxi ñokidï ibhïxtaragai tasïrï bapakïkai ïgai judidiu kiupaigadïrï. Dai tomaxi go ojai ïkiaxdïrï agaitadai go Suxi, go odami tomax dukai mai maatï kaï dai gatïjai muaragai. Dai podukai ka buaboi busai ixdukatai ojixi saidi gï muatuda agaitadai go Suxi.

Hechos 15:18

Gïr Nukadakami ïgai dai pokaiti ïïki tudu dai ïgai podukai iduñimu.

Hechos 2:36

Dai apia gamamaakai ñoki go Piduru daidi ikaiti, —Kaïkabïrai bïïxkatai aapimï judidiu. Gï aagai mïx kïï maatïkagi sai ï galbaaxi Suxi ix makïdï xixa aapimï kuruxiana ïr Diuxi Otosadï Gïr Bhaitï Kïakamiga. Ïgai tudu ïr gatïanïdamika agai oidigi daama— itïtïdai Piduru.

Hechos 3:18

Ïïki ka podukai ojixikami bia bïïxkatai go Diuxi ñokituldiadami. Dai xibi ka buaboi busai gobai dai soimaaxi taata Diuxi Otosadï Gïr Bhaitï Kïakamiga.

Hechos 4:28

Go dudunukami idui ix makïdï aapi Diuxi ka ïkiaxdïrï gï tïgitotadai xi ïpïduñagi.

Hechos 5:28

—¿Maiti ix gïn dáí aatïmï mïsai ka mai aagaiña Suxi Kristo ñokidï?— itïtïdai. —Dïï mos aapimï bhaiyoma aiturhi gïn aatagi bïïxi aipako Jerusalenïrï óídakami buitapi. Dai gïpiïrï gïr susurhigai aapimï gïn aatagikïdï ïpï. Pokaiti aapimï sai aatïmï ïr gïr duñi ix gï muatu go Suxi agaikïdï di— ikaiti go bhaitï kïakami daxdadami.

Hechos 5:30

Daiñi, aapimï gatïjai kuruxiana xixaragai go Suxi dai podukai mua. Dai gïr Diuxi ix makïdï gïr ïïki aduñi xadutudaiña ïpamu duakaturhi ïgai.

Hechos 7:52

Daiñi, go ñiñokituldiadamgadï Diuxi ïïki pokaitiña sai dibiagai Diuxi otosadï ix makïdï gia kïïga ïïgidi Diuxi. Dai gïn aaduñikaru soimaaxi taataturhi go ñiñokituldiadamgadï Diuxi ïgai bïïxkatai dai asta koi. Dai dibiakai Diuxi otosadï aapimï mos gatïïgi mïsai muana.

Romanos 2:12

Bïïxi go odami ix makïdï maiti ïr judidiu dai mai bia Diuxi sïïrhikamigadï dai ix makïdï soimaaxi buadagi, ïgai mai kïïgakïrï bubuaki agai tomaxi mai maatïkana ix kaiti go sïïrhikami. Dai go ix makïdï gia ïr judidiu dai kïï maatï ix dukatai bïïtï go sïïrhikami dïï bïïxkïrï soimaaxi buadagi, ïgai biaka agai gïgïbidaragai ïpï ix dukatai agai go sïïrhikami.

Romanos 4:17

Go Abraamkaru buaboitu Diuxi ix makïdï duduakatudai koidadï dai ix makïdï mos ñokaitai ibuayi ixtumaxi ix makïdï mai kia tipukana. Kaxkïdï Diuxi ñokidï pokaiti ïki abhiadïrï sai go Abraam ïr ogadï ka agai mui óídakami naana dukai ñokadami.

1Tesalonicenses 2:15

Mui judidiu maiti ïr buaboitudadami tudu dai ïgai ïr duñidï xi gï muatu Suxi Kristo dai ïkioma kodaiña ïgai go aagadami Diuxiañdïrï ñoki ïpï. Dai xibi aatïmï gïr bui surhigïi ïgai soi gïr buididitai. Buidïrï bïïtïkami ïgai Diuxi tudu dai asta buidïrï bïïtïkami ïgai bïïxi óídakami ïpï pobuadatai.

1 Pedro 1:2

Diuxi gïr oga ka ïkiaxdïrï maatï bïïxi aïkatai ixtumaxi daibuña agai dai kaxkïdï podukai gï tïgito ïgai dai ïïki abhiadïrï ka ïkobai gïn bubaitutadai ïgai saidi ïr aaduñdïkana aapimï. Ka ïkobai gïn buaboitu Diuxi Ibhïadï tudu saidi Suxi Kristo ïradï ix makïdï aaxi ïgai namïakana gïn bïïtarï saidi oigïldana Diuxi gïn soimaaxkamiga dai sai kïïga ïïgidiña aapimï ïgai. Gin aaduñi, ipïrhidi aanï ix Diuxi bamioma gïn tïïgidana xïï kïï tuiga ïgai gïn bïïtarï dai sai gïn maakana ibhïxtaragai gïn ibhïdagïrï.

1 Pedro 1:20

Ka ïki abhiadïrï ka podukai gï tïgitokatadai Diuxi sai Suxi Kristo ïgaika agai dai kïïgakïrï gïn bubaida agai. Ka podukai dáítadai ïgai mai kia idunakai oidigi tudu. Dïï gia asta utudami xibiapioma dibia go Suxi karhioga ugiti agaitai oidigi. Dibia ïgai kïïgakïrï gïn bubaida agaitai tudu.

1 Pedro 2:8

Daidi ikaiti go ojai ïpï sai, Suxi Kristo ïr ïmo odai dukai xako utubai odami mai buaboitudaitai ïgai. Dai ix makïdï mai buaboitudai gïpiïrï surhigïi, ikaiti go ojai. Mui odami gïpiïrï surhigïï mai ïïgiditai ïgai Diuxi ñokidï ix makïdï aagai go Suxi Kristo tudu. Dai Diuxi ka podukai dáí sai taatana ïgai gïgïbidaragai.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.