Hechos 2:22 - Northern Tepehuan Bible

²² Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

Tepehuan Northern: Diuusi ñiooquidʌ utuducami oodamicʌdʌ

²² Caʌcavurai aapimʌ judidíu ismaacʌdʌ gʌnaagida iñagai aanʌ. Suusi ʌrNasareetʌrʌ oidacamicatadai dai ʌgai ʌrʌmo cʌʌli ismaacʌdʌ maa Diuusi gʌʌ guvucadagai saidʌ iduuna mui naana maasi gʌgʌrducami aapimʌ gʌnvuitapi dai idi maasicʌdʌ Diuusi gʌntʌʌgi isootoi ʌSuusi. Vʌʌsi imaasi cʌʌ maatʌ aapimʌ.

Hechos 2:22 ပူးပေါင်းရင်းမြစ်များ

Mataibo 12:28

—Daiñi, kïïga gï maatï sai Diuxi gubukarhigadïkïdï bubaidiña aanï tïtïañikarudï go diabora tami gïn saagida tudu. Dai gobai itïiya ïrhidi sai kaxi ayi ixtuigako gatïanïda agai Diuxi tami gïn saagida— itïtïdai.

Mataibo 2:23

Ami ayi ïgai dai ïmo kiikiïrï óídatu xako Nasaret tïgidu. Podukai daibusai ix makïdï aagaiña go ñiñokituldiadamigadï Diuxi ïïki abhiadïrï. Ikaitiña ïgai sai, —Dibiamu go Otosadï Diuxi bai Nasaretañdïrï oidakami gï aagadamu ïgai— po tudu ikaiti ñiñokituldiadamigadï Diuxi aagaitai go Suxi.

Mataibo 9:8

Dai bïïxkatai go odami nïidi dai ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi dai gïr otoxi ïmo kïïrhi kïïga biakami gubukarhigai— ikaitimi go odami.

Lukas 11:20

Daiñi, kïïga gï maatï sai Diuxi gubukarhigadïkïdï bubaidiña aanï tïtïañikarudï go diabora tami gïn saagida. Dai gobaikïdï kïïga gï maatï ïpï sai Diuxi kaxi gatïanïi tanai gïn saagida ïpï— itïtïdai.

Lukas 18:37

Dai go gïmai potïtïdai saidi ïr go Suxi go Nasaretïrï oidakami dai ami imïi.

Lukas 24:18

Dai ïmoko Kleopas tïgidu dai ïgai potïtïdai go Suxi, —¿Jerusalenïrï pïx aimïraitadai aapi dai mai máí ix tumaxi pogïdui amïka? Mosïkaxi aapi mai maatï ïrhi aanï. Bïïxi odami maatï di— itïtïdai.

VUAANA 1:45

Daidi go Pirhi bhai aagai ix oidagi dai mïï gaagamu go Natanael daidi itïtïdai, —Ka tïï aatïmï ïgai ix makïdï Moiseskaru aagaiña ïïki ojadïrï. Dai ix makïdï go gaa aagadami Diuxi ñokidï aagaiña ïpï ïïki— itïtïdai. —Suxi tïgidu ïgai daidi ïr Nasaretïrï oidakami. Maradï ïgai go Jose— itïtïdai.

VUAANA 10:37

—Aanï ibuayi go aaduindagai ix makïdï gin tïjai gin Oga tudu. Dai kaxkïdï gï agai sai gin buaboitudadagi aapimï. Ix maiti ibuadamudai aanï go aaduindagai aidï gia maiti gï agadamudai ix gin buaboitudagi aapimï. Dïï gia ibuayi aanï.

VUAANA 11:47

Daidi bhodïrï gïn ïmpagi go bhaitï gukakami ix makïdï ïr fariseos ïmadï go dadaxdadami bhaitï gukakamigadï daidi ikaiti, —¿Tï dukatai duna go Suxi? Ibuayi gobai naana maaxi maaxidaragai di— ikaiti.

VUAANA 12:17

Dai mui odami ïr nïijadamikatadai ix duakaturhi Suxi go Lasaro dai ix busai Lasaro yaasakaruañdïrï dai bïïxi aipakoga aagaiña ïgai ixtumaxi nïiditadai.

VUAANA 19:19

Dai go Pilato gatïjai ïmo ojixikami saidi ami kuruxiana dasana ix makïdï ikaititadai, IDI ÏR SUXI GO NASARETÏRÏ OIDAKAMI DAI REYGADÏ GO JUDIDIU, ikaititadai go ojixikami.

VUAANA 4:48

Dai Suxi itïtïdai go dunukami, —Aapimï mai buaboitudai ix mai ïpïgioma nïijadagi maaxidaragai maaxi ix makïdï ïïgi Diuxi ibuayi. Ïbogiami podukai buaboituda antaada aapimï— itïtïdai.

VUAANA 5:36

—Gia ïr buaboi tudu sai Juan gïn aagidiña xorai aanï. Dïï kia oidaga ïma maaxi ïpï ix makïdï aagai kïïgioma xorai aanï. Go aaduindagai ix makïdï ibuadana aanï ami aagai kïïgioma xorai aanï. Ibuayi aanï go aaduindagai ix makïdï Diuxi gin tïjai dai kaxkïdï nïiditai gin aaduindagai kïïga gï maatï sai Diuxi gin otoi.

VUAANA 6:14

Daidi go odami ikaiti nïiditai go maaxidaragai ix makïdï iduitadai Suxi, —Idi gia ïr go aagadami Diuxi ñokidï ïrhi aanï ix makïdï dibiagaitadai, ix makïdï Diuxi ojadï aagai tudu— ikaiti odami.

VUAANA 6:27

—Kïïga abïr gïn tïgito dai abïr mai gaagada mosïkaxi go kuadagai ix makïdï xia gï buayi. Bhaiyoma abïr gaagada go kuadagai ix makïdï bïïxkïrï bïïtarï óídakana odami ugakai. Daiñi, aanï ïr ix makïdï kïïgakïrï odami busai dai ka aagai Diuxi sai gin maa sïïrhikami kïïgakïrï gin nïiditai. Gin maa ïgai sïïrhikami ansai gïn maakana go pan ix makïdï bïïxkïrï bïïtarï óídakana odami ugakai— itïtïdai.

VUAANA 7:31

Dïï bïïxkïrï jaa mui gia buaboitu go Suxi daidi ikaitiña, —Idi gia ïr buaboi ix ïr go Ga Tïanïdami ïrhi aanï— ikaitiña. —Xadïrï oidakana ïmai ix ibuadagi po ïï gïgïrdukami maaxidaragai ix makïdï ibuayi go Suxi— ikaitiña buaboidaitai.

VUAANA 9:33

Kaxkïdï gï maatï sai Suxi ïr otosadï Diuxi. Kaxi kïïga in duadi ïgai di— itïtïdai.

Hechos 13:16

Dai otoma kïkiba go Pabora dai bañigi ïkadï dai podukai biaturhi go odami daidi itïtïdai, —Gin kaïkabïrai aapimï judidiu dai bïïxkatai aapimï ïpï ix makïdï maiti ïr judidiu dai xadutudai Diuxi.

Hechos 14:27

Dai ami Antiokiïrï mos aïkai idui ïgai ïmo ïmpaiñdaragai bïïxi go buaboitudadami ïmadï dai aatagidi bïïxi ixtumaxi iduitadai Diuxi gïn soikïitai gïn aaduindagïrï. Dai aagidi ïpï sai Diuxi ka urhinditadai oigaragai odami ix makïdï maiti ïr judidiu xi ïgai buaboitudada ïpï.

Hechos 2:19

Dai tïkabi tïbagiana ïmadï tami dumarhi dïbïrapi iduñimu aanï naana maaxi ixtumaxi ix makïdï ïïgi bhaiga aanï xi duñagi. Dai odami tïïgimu gïïpi ïrai dai táí ïmadï kubhuxi.

Hechos 2:43

Dai Diuxi soikïiña go ojotosadï Suxi bai ïgai ibuadana naana maaxi ix makïdï ïïgi Diuxi ixtutuidi xi buadagi. Dai odami bïïxkatai ka mos duduadimukan taadakana nïiditai.

Hechos 21:28

Daidi bhïiyi ïgai go Pabora dai bhodïrï mos gïïgïrï ijiña bhakoikatai daidi ikaitimi, —Aapimï judidiu, gïr soiñabïrai daidi maakia aatïmï ïmo gïgïbidaragai idi kïïrhi— ikaitimi. —Mos bïï aipako aimïraiña gobai dai gamaamakaiña ñoki odami, bui ñokaitai ïgai gïr aaduñi ïmadï go Moiseskaru sïïrhikamigadï dai idi gïï kiupai ïpï. Dai ïkobïrakoga bua ïgai kïkïïrhi ix makïdï maiti ïr judidiu dai tami Jerusalenïrï kiupiïrï baapa dai podukai mai xadutudai ïgai idi gïï kiupai ix makïdï ïr ïko busaidadï Diuxi— ikaiti go judidiu ïgai gïpiïrï bupaitai go Pabora.

Hechos 22:8

—¿Borï aapi tïanïdami?— itïtïdai aanï aidï. Daidi go tïbagiañdïrï ñoki ikaiti, —Aanï ïr Suxi go Nasaretañdïrï oidakïdï— ikaiti. —Dai soi gin buayi aapi—.

Hechos 24:5

Aatïmï ix makïdï tami guka maatï tïï xi idi Pabora mos ïr soi buadami óídakami dai ïr bui kaatïkami ïpï gïr gobiernoga. Mos aipako aimïraiña gobai dai baakoitudaiña go judidiu bïïxi aipako óídakami xi gïn bupui aipako surhigïna muidutai ïgai. Bhaitï kïakamigadï gobai go Nasarenos agaikïdï ix makïdï ïkobai bia gïn buaboidaraga. Buaboitudai ïgai Suxi Kristo go Nasaretañdïrï oidakïdï.

Hechos 26:26

—Tami daja go Rey Agripa tudu, gobai kïïga maatï sai buaboi aagai aanï. Gobai ix makïdï daibusai Suxikïdï maiti pogïdui xako odami mai nïijadagi. Daidi go Agripa kïïga maatï ixdukatai pobï gï dui. Kaxkïdï mai duadimukatai ñokai aanï gobai buitapi— ikaiti.

Hechos 26:9

Dai bhodïrï Pabora oi aatagidï daidi ikaiti, —Aanï pobai gin ïrhiditadai ïïkioma ix gï agaitadai xi kabami soi buadagi aanï go buaboitudadamigadï go Nasaretañdïrï oidakami, go Suxi Kristo tudu.

Hechos 3:12

Daidi go Piduru tïïgakai ix gïn ïmpagi mui odami daidi tïtïdai, —Gin aaduñi, aapimï Israelïrï óídakami tudu ¿Tuixi mos ïï kabami gïr nïnïidi aapimï? ¿Poïrhidi mïxi xi kaban gupuka aatïmï xi ïpï kïïga tutuiga aatïmï Diuxi bui dai ïïgi gïr gubukadagakïdï duadi aatïmï idi kïïrhi?

Hechos 3:6

Dïï go Piduru mos potïtïdai, —Maiti an bia tuminxi dïï gia ïma maaxi gia gï maakimu aanï— itïtïdai. Dai bhodïrï itïtïdai, —Kïkibañi dai aimïrada gubukadadïkïdï Suxi Kristo go Nasaretañdïrï oidakami— itïtïdai Piduru.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.

Hechos 5:35

Dai bhodïrï potïtïdai ïgai go gaa bhaitï gukakami, —Kaïkabïrai gin aaduñi judidiu, gï agai xi kïïga gïn tïgito nïida mïx duñagi idi kïkïïrhi.

Hechos 6:14

Kaï aatïmï ix kaititadai Tibañi sai Suxi go Nasaretañdïrï oidakami daituda agaitadai go gïï kiupai. Dai sai maigobai daituda agaitadai gïr bituldaraga ix makïdï gïr biturhi Moiseskaru— ikaiti yaatabogami.

2 Korintios 12:12

Aidïxi gïn ïmadï dakatadai aanï baasïkioma kïïga gin mamaaxiditadai aanï sai ïr otosadï aanï Suxi Kristo tudu. Kïïga mai ojodatai aatabuadana aanï aidï tudu daidi ibuadana naana maaxi maaxidaragai ix makïdï odami ïïgi maiti ixtutuidikïi xi ibuadagi. Kïïga xigian buadana aanï ibuadatai gin aaduindaga tudu ibuadatai aanï naana maaxi ix makïdï ïbogiami Diuxi gubukarhigadïkïdï ixtutuidi ïmoko xi ibuadagi.