Hechos 2:20 - Northern Tepehuan Bible

²⁰ Aidïpïrï gï tukamuga ka agai go tasai. Dai masadai ïrai maaxkamu bïgikatai. Dai gokiïrï ayimu ixtuigako dibiagai go Nukadakami. Gobai gia ïr ïmo gïï tasïrï ka agai.

Tepehuan Northern: Diuusi ñiooquidʌ utuducami oodamicʌdʌ

²⁰ Tucaagamucamu gotasai. Dai masaadai moʌʌrai gʌduuñimu dai gooquiʌrʌ aimu istuigaco divia agai ʌtʌaanʌdami. Dai vʌʌscatai siaa duutuada agai.

Hechos 2:20 ပူးပေါင်းရင်းမြစ်များ

Mataibo 24:29

Dai oi Suxi aatagidï daidi potïtïdai ïgai go mamaatïrdamigadï, —Ayimu ixtuigako kabami soimaaxi taatamada agai óídakami karhioga ugiti agaitai oidigi. Dai ka daibunukai go kabami soimaaxi taataragai saidi aidï otoma gï tukamutu agai go tasai ïmadï go masadai dai surhigimu go xixabugai tïbagiañdïrï. Aidïpïrï gigiburhi agai bïïxi ixtumaxi oidaga tïbagiïrï tudu— itïtïdai.

Mataibo 27:45

Daidi daan duku abhiadïrï asta koi gïsïko tasai ukami tukamugatadai oidigi.

Markos 13:24

Suxi apia maakai ñoki daidi ikaiti, —Ka daibunukai go gïï soi ïrhiaragai tami oidigi daama bai bhodïrï tukutu agai tasai ïmadï masadai.

Lukas 21:25

—Amaxi gï maaxitudamu mamaaxdaragai tasïrï dai masadiïrï dai xixabugiïrï ïpï. Dai xigarhi duñimu go gïgïr susudagi oidigi daama. Gïgïr xixiokadamu gobai kabami oiñitai aipakoga. Xi go óídakami oidigi daama kabami duduadikuda agai dai mai tïigimu ixtumaxi gïn tïgitokagi nïiditai.

Hechos 2:19

Dai tïkabi tïbagiana ïmadï tami dumarhi dïbïrapi iduñimu aanï naana maaxi ixtumaxi ix makïdï ïïgi bhaiga aanï xi duñagi. Dai odami tïïgimu gïïpi ïrai dai táí ïmadï kubhuxi.

Hechos 2:21

Aidïpïrï kïïgakïrï bubuakimu bïïxi go ix makïdï gin daanïdagi, ikaiti Diuxi gamaakaitai ïgai ñoki go Joelkaru ïïki.

2 Pedro 3:10

Dïï gia tomaxi maiti ipïrhidi Diuxi ix xia gïn buadagi óídakami bïïxkïrï todian dukai ayimu ixtuigako dibiamu Gïr Nukadakami. Todian dukai ayimu ïgai ixdukai daibïi ïïxibogami xïïxkadï odami mai nïnïrakagi tudu. Dai amaxi xia duadamu ïgai go tïbagi ïmo gïï táíkïdï. Gïgïr xixiokadan kaitidamu aidï gïï mïjïitai táí. Dai aidï kïïga maaxi kaatïkamu bïïxi go oidigi ïmadï bïïxi ixtumaxi idui óídakami ami dai Diuxi aagada agai ix bhai kïï idui ïgai ix cho ïpï.

2 Pedro 3:7

Dai xibi go ñokidï gubukadadïkïdï nukadai ïgai go oidigi ïmadï tïbagi asta xïïxkadï bïïxi mïidagi ïgai táíkïdï. Po gï duñimu gobai xïïxkadï aiyagi ix aagadagi Diuxi xorai kïïga idui dai xorai mai kïïga idui tudu. Amaxi bïïxi nato xia duadamu ïgai go odami ix makïdï mai ïïgidi.

Apokalipsis 16:8

Dai bhodïrï ïpï ïmai tïañikarudï Diuxi aaxi ixtumaxi bia asokorhidïrï ïpï sa bhai ïma dukai gïn tïtïgitoagi odami. Tasiana aaxi ïgai daidi go tasai bhïiyi gubukarhigai ix mïïdagi odami kabami toñikatai.

Apokalipsis 6:12

Dai bhodïrï nïidi aanï aidïxi upasdi go Arhi Kañiru ïpï ïmo seyugadï go libro. Dai aidïpïrï kabami gigiburhi oidigi dai tukutu go tasai, ïpïamaaxi bii ïmo boopoi kostarhi tukukami. Dai go masadai kabami bïgitu, ïrai maaxi bii bïgikatai.