Hechos 19:33 - Northern Tepehuan Bible

³³ Daidi ami saagida gukatadai judidiu ïpï dai ïgai nïituka ïmo kïïrhi Alejandro tïgidukami dai odami buitapi kïi dai aagidi ix tuma tïdagi ïgai go gaa. Bai ïgai ñokia agaitadai dai bañigi gï nobi saidi dodorhi biïna go odami.

Tepehuan Northern: Diuusi ñiooquidʌ utuducami oodamicʌdʌ

³³ Dʌmos ʌʌmoco ismaacʌdʌ ʌoodami saagida guucacatadai aagidi ʌAlejandro astuisidʌ ami gʌnʌmpagi. Taidʌ ʌjudidíu baitʌqui cʌi ʌAlejandro. Vai ʌgai ñiooquia agaitadai cascʌdʌ vañigi gʌnovi sai dodoligicana vʌʌscatai.

Hechos 19:33 ပူးပေါင်းရင်းမြစ်များ

Lukas 1:22

Dai aidïxi busai go Zakarias ka maiti ixtui ïgai ix ñokidagi go odami sai gokïdï go odami máí sai go Zakarias tïïtadai ixtumaxi tïïtïkiïrï dukai ami kiupai ïrana. Dai modukai mai ñokadami bii go Zakarias dai go ïï señakïdï ñokidiña odami.

Hechos 12:17

Dïï mos go Piduru gï nobikïdï aagidi sai gïn dodorhimadana dai bhodïrï aagidi ïgai ixdukatai Diuxi busaitu maixakaruañdïrï. Daidi itïtïdai ïgai go odami aidï, —Aagidabïrai go Jakobo ïmadï go gaa buaboitudadami ïpï ixdukatai pogïdui— itïtïdai. Dai bhodïrï xibhïakoga jii go Piduru abhiadïrï.

Hechos 13:16

Dai otoma kïkiba go Pabora dai bañigi ïkadï dai podukai biaturhi go odami daidi itïtïdai, —Gin kaïkabïrai aapimï judidiu dai bïïxkatai aapimï ïpï ix makïdï maiti ïr judidiu dai xadutudai Diuxi.

Hechos 19:34

Daidi go odami máítadai ix ïgai ïr judiu dai mos gukatai iñakai parï go hora daidi ikaitimi ïgai bïïxkatai, —Gia ïr gïdukïdï Diana, diuxigadï Efeso— ikaitimi.

Hechos 21:40

Dai go komandante maa oigaragai. Baidi Pabora ami kïkiba tïsadikaruïrï. Dai bañigi gï ïka sai dodorhi biïna go odami. Dai aidïxi ka dodorhi biitadai ïgai sai Pabora ñokidi Hebreo ñokikïdï daidi itïtïdai,

Hechos 24:10

Dai bhodïrï go gïï dunukami Felix xixigi go Pabora dai maa oigaragai sai ñokada baidi Pabora potïtïdai aidï, —Kïïga maatï aanï ix ïïki abhiadïrï ïr dunukami aapi tanai oidigïrï. Kaxkïdï bhai gin ïrhiarakïdï aapi gï buitapi aa noraidamu aanï idi kïkïïrhi ñokidï ixtukïdï gïpiïrï gin bupaimi ïgai.

Filipenses 1:7

Kïïga gïn oigïdai aanï gin aaduñi. Xadïrï maiti gïn oigïdaiña aanï tudu. Aapimï gin soikïiña bïïxi gin aaduindagïrï di. Daiñi, Diuxi kïï tuiga gin bïïtarï dai gin maa oigaragai sai aipakoga aituldana aanï go bhai ïrhiaragai aatagi. Dai gin maa oigaragai saidi gïr buidïrï ñiñokadamiga buitapi maaxituldana aanï saidi ïr buaboi go bhai ïrhiaragai aatagi ïpï. Bïïxi gobai gin maa oigaragai Diuxi sai ibuada aanï. Dai aapimï kïïga gin soikïiña. Dïï gia mai xu xi mosïkaxi gobai bïïtarï gin maa Diuxi oigaragai, gin maa ïgai oigaragai sai maixapikana aanï ïpï. Dai aapimï kïïga gin soikïiña asta maixapikatai aanï tami ïpï. Podukai taatan duu aapimï go soimaaxkami gin ïmadï. Kaxkïdï kïïga gïn oigïdai aanï.

1 Tomoteo 1:20

Gobai ïr ïmo parunaragai Diuxi bui. Po tudu daibusai go kïkïïrhi Himeneo dai Alejandro tïtïgidukami ïmadï xi kaxkïdï bubaitu aanï ïgai go buaboitudadami saagidañdïrï. Ïkobai bia aanï tudu sai go diabora iduñagi ïgaikïdï ixtumaxi bhai ïrhiadagi ïgai sa bhai podukai ïma dukai gïn tïtïgitoagi go kïkïïrhi dai ka mai parunadagi Diuxi. Dïï aapi Timoteo maiti pobuada ixdukai ïgai idui dai bhaiyoma oijada aapi gï buaboidaraga.

2 Timoteo 4:14

Gï nukadakañi aapi go Alejandro bui. Ïgai ix makïdï ibuayi baiñomi uubixi tudu. Ïgai sïïrhikïdï bui kaatïkana go bhai ïrhiaragai aatagi dai soimaaxi gin buididiña sobhida ïrhiditai go bhai ïrhiaragai aatagi. Gï agai ix kïïga gï nukadakagi ïgai bui tudu dai Diuxi ïgai dai bhai duñimu ix tumaxi ïgai ïmadï.