Hechos 19:17 - Northern Tepehuan Bible

¹⁷ Dai bïïxi Efesoïrï óídakami máí ix tumaxi pobï gï duitadai, bïïxi kajioma go ix makïdï ïr judidiu dai ix makïdï maiti ïr judidiu ïpï. Dai kabami duduadimu ïgai dai gïïpi bamioma xadutudai ïgai Suxi Gïr Nukadakami.

Tepehuan Northern: Diuusi ñiooquidʌ utuducami oodamicʌdʌ

¹⁷ Dai vʌʌsi Efeesiʌrʌ oidacami maí gomaasi judidíu dai ismaacʌdʌ maitʌrjudidíu ʌʌpʌ cascʌdʌ vʌʌscatai aliʌ duduaadimu, dai aliʌ siaa duutudaimi Suusi Cristo.

Hechos 19:17 ပူးပေါင်းရင်းမြစ်များ

Lukas 1:65

Dai bïïxi go odami ix makïdï ami miadïrï óídaga duduadimu kajiomakai ïgai bïïxi ixtumaxi daibusai. Dai ami go ukoidigana xako Judeïrï bipiïyi ami go óídakami aipakoga aagaiña ixtumaxi daibusai.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

Hechos 13:12

Dai go kaigi mai tïtïgaitadai ix ïldagi kaïkatai Diuxi ñokidï. Dai buaboitu ïgai Gïr Nukadakami tïïgakai xi gï duitadai go kïïdarakami.

Hechos 18:19

Daidi ayi ïgai ïmo gïï kiiki xako Efeso tïgidu. Ami bii go Prisila ïmadï Akila dai Pabora ïïgi oida agai imidagai. Dai mai kia imïkai Pabora abhiadïrï baa ïgai judidiu kiupaigadïrï dai ami gaataga agai judidiu ïmadï. Sïïrhikïdï gïn bupui ñokimi ïgai ïmadï go judidiu.

Hechos 18:21

Bhaiyoma diosagi ïgai dïï gia itïtïdai, —Ix ipïldagi Diuxi otoma dibiamu aanï ïpamu dai gïn nïijadamu— itïtïdai. Dai bhodïrï tïsai ïgai ïmo barkoïrï dai jii Efesoañdïrï.

Hechos 19:1

Daidi bhodïrï ïmo imidagai Apolos biitadai Korintoana dai Pabora oi gï imidaga xibhïakoga. Ukoidigana sïïrhi daibusai ïgai dai ayi xako Efesoana tïgidu bhaabhaki. Ami tïï ïgai chïki buaboitudadami.

Hechos 19:16

Dai go kïïrhi biakami Diabora tïañikarudï bui gïi go kubarakami kïkïïrhi dai bïïxi gamaitï. Kabami kapiakarai ïgai taidi go kïkïïrhi mai yuukusu bii dai boopoi ami kiiyañdïrï dai saasakitugai ïgai tukugadï.

Hechos 19:18

Dai muidutai ix makïdï buaboitu daibuiña dai go gaa buitapi maaxiko aagaiña naana maaxi kïkïïdaragai maaxi ix makïdï ibuadana ïgai.

Hechos 2:43

Dai Diuxi soikïiña go ojotosadï Suxi bai ïgai ibuadana naana maaxi ix makïdï ïïgi Diuxi ixtutuidi xi buadagi. Dai odami bïïxkatai ka mos duduadimukan taadakana nïiditai.

Hechos 5:11

Dai sïïrhikïdï duduadimu bïïxkatai go buaboitudadami ïmadï go gaa maigobai kajiomakai ix pomaaxi daibusai.

Hechos 5:13

Dai go gaa óídakami ami Jerusalenïrï ïbhïiditadai xi gaurabagi ïgai tomaxi gia kïïga ñokaiña ïgai bïïtarï.

Hechos 5:5

Dai go Ananias amaxi gïi dai muu mos kaïkai go ñoki. Dai kabami duduadimu go jaa odami kajiomakai ix tumaxi pobïduitadai.

Filipenses 1:20

Kïïga buaboitudai aanï tudu sai maiti ibuada iñagai tomarhi ïmo ixtumaxi ix makïdï ïr ïmo xaïraragai gin bïïtarï. Buaboitudai aanï bhaiyoma sai mai duadikuitai maaxitudamu aanï xïïxi ïr gïdukami Suxi Kristo kia tami oidigi daama dakatai aanï. Buaboitudai aanï sai maaxitudamu aanï xïïxi ïr gïdukami Suxi tomaxi muu gin tukuga xiïpï xi kia tïbïpi kabakagi gobai. Gobai buaboitudai aanï tudu dai kïïga ibhïxtakan taadaga aanï buaboitudaitai podukai.

2 Tesalonicenses 3:1

Ïpï ïmo ñoki, gïn aagida ïragai gïr susukurhi. Mïsai daanïiña aapimï Diuxi gïr bïïtarï sai otoma mui odami aipakoga óídakami kaïkana go bhai ïrhiaragai aatagi. Dai sai namïakami dukai kaïkagi ïgai dai buaboitudagi ïpïandukai idui aapimï.