Hechos 18:9 - Northern Tepehuan Bible

⁹ Dai ïmo imidagai tukarï Pabora ïmo tïïtïkiïrï dukai tïï Gïr Nukadakami. Dai Gïr Nukadakami itïtïdai aidï, —Aapi Pabora, maiti ïbhiada xi apia aagadagi gin ñoki. Gï agai xi maiti dagitokai gaatagiadagi odami.

Tepehuan Northern: Diuusi ñiooquidʌ utuducami oodamicʌdʌ

⁹ Dai ʌmo imidagai tucarʌ ʌPaavora gʌcoosigʌrʌ nʌidi Diuusi saidʌ itʌtʌdai: ―Maitiduaadicuda apiaigaaagidida giññiooqui maitidagitocai aagada.

Hechos 18:9 ပူးပေါင်းရင်းမြစ်များ

Jonas 3:2

daidi potïtïdai, —Mïïka aitulda ñoki óídakami go gïï kii Ninibeana. Aanï gï aagidamu pïx tumaxi aagidagi— itïtïdai Gïr Nukadakami.

Hechos 16:9

Dai aidï tukarï tïïtïkimi Pabora ïmo kïïrhi Masedoniañdïrï oidakami sai buidïrï kïïka dai daañimi daidi ikaitimi, —Gimi Masedoniamu dai gïr soiña— ikaitimi.

Hechos 18:10

Aanï gï ïmadï daja aidï dai tomaxi odami gï bui surhiagi aanï mai dagitomu xi gï galdoadagi dai mui odami tami Korintoana ïr gin oijadami ka agai— itïtïdai Gïr Nukadakami tïïtïkiïrï dukai.

Hechos 22:18

tïï aanï Suxi Gïr Nukadakami. Baidi ïgai gin tïtïdai, —Obaidañi dai busai tabhiadïrï Jerusalenañdïrï— gin tïtïdai. —Kaxkïdï tudu go óídakami tanai mai buaboida kaïka agai gï aatagi gin aagaitai aapi— gin tïtïdai.

Hechos 23:11

Xadiko tukarï Gïr Nukadakami gï maaxitu Pabora buitapi daidi itïtïdai, —Maiti soi gï ïrhiada aapi Pabora. Daiñi, kaxi aatagidi aapi go óídakami Jerusalenïrï gin bïïtarï dai aanï aagai sai aapi podukai aatagadamu Romïrï óídakami ïpï— itïtïdai Diuxi.

Hechos 9:10

Dai ami Damaskoïrï oidakatadai ïmo kïïrhi buaboitudadami Ananias tïgidukami. Dai Suxi aatagidi ïgai tïïtïkidïrï dukai daidi itïtïdai, —Ananias— itïtïdai. —Gin Nukadakami, tami andaja— itïtïdai Ananias.

1 Korintios 9:1

Gin aaduñi, oidaga ïïmoko ix makïdï pokaiti sai aanï maiti ïr otosadï Suxi Kristo. Yaatagi gobai. Daiñi, mai tipu ïmai odami xorai gin tïanïdagi, mosïkaxi Suxi Kristo ïgai daidi ïr gin tïanïdamiga otosadïkatai aanï. Kïïga gï maatï sai aanï ïr otosadï ïgai tudu. Daiñi, aanï ïr nïijadami gïr Bhaitï Kïakamiga tudu dai aanïkïdï aatadui Diuxi sai buaboitudaiña aapimï ïpï. Aapimï tudu kïïga mamaaxidi ix namïga gin sïïrhikamiga buaboitudakai aapimï gin aatagi. Kaxkïdï kïïga maatï aapimï sai aanï ïr otosadï Suxi Kristo tomaxi jaa pokaitadagi sai maiti ïr buaboi.

1Tesalonicenses 2:2

Daiñi, kïï maatï aapimï sai mai kia aïkai aatïmï ami xako daraka aapimï sai kabami soi gïr buididi jaa Filipoana aagaitai aatïmï go bhai ïrhiaragai aatagi. Podukai daibusai Filipoana tudu. Dai ami xako daraka aapimï muidukana gïr buidïrï bïïtïkami ïpï. Dïï bïïxkïrï mai duadimudakïdï aagaiña aatïmï go bhai ïrhiaragai aatagi ami gïr soikïitai Diuxi. Kaxkïdï kïï jii gïr aaduindaga.