Hechos 18:8 - Northern Tepehuan Bible

⁸ Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

Tepehuan Northern: Diuusi ñiooquidʌ utuducami oodamicʌdʌ

⁸ Dai ʌmo cʌʌli Cʌlisipo tʌʌgiducami ismaacʌdʌ ʌrbaitʌcʌaacami quiuupiʌrʌ, vaavoitu isSuusi Cristo ʌrcʌʌgacʌrʌ vuviadami. Dai vʌʌscatai ismaacʌdʌ quiidiʌrʌ oidacatadai vaavoitu ʌʌpʌ. Dai muidutai Coriintoʌrʌ oidacami moscaʌ dai vaavoitu dai gʌnvapacoi.

Hechos 18:8 ပူးပေါင်းရင်းမြစ်များ

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Markos 5:22

Tai amaxi ami dibia ïmo kïïrhi Jairo tïgidukami. Ïgai ïr gubukadagai biakami ïmo kiupaigadïrï judidiu. Dai mos tïïgakai ïgai go Suxi gï totonakïdï kïïkiba go Suxi ïïkasodï abhana.

Markos 5:35

Dai kia ñokai go Suxi tai dada ojotoxikami kiidañdïrï Jairo daidi potïtïdai ïgai go Jairo, —Kaxi ti muu gï maara— itïtïdai. —Ka mai tipu ixtukïdï soi gï buada go Suxi dai gamo imiagi— itïtïdai go ojotoxikami.

Hechos 10:2

Dai go Kornelio ïmadï aaduñdï kïïga xadutudaiña Diuxi. Ïgai dudatai soikïiña judidiu ix makïdï tïgitokana dai mai dagitokai daanïiña Diuxi tomax tuigako.

Hechos 11:14

Ïgai gï aagidamu ix kaiti Diuxi ñokidï dai ixdukatai kïïgakïrï busiagi aapi ïmadï bïïxi ix makïdï gï ïmadï óídaga— itïtïdai Diuxi tïañikarudï. Pogïdui tudu— ikaiti go Piduru

Hechos 13:15

Daidi go bhaitï gukakïdï ami kiupiïrï nïnïidi ojadï Moises dai aagidi odami ix kaiti gobai ïmadï ojadï jaa aagadami Diuxi ñokidï. Dai bhodïrï báí ïgai go Pabora ïmadï Bernabe daidi itïtïdai, —Gïr dadidakami aapimï, dai ix biakagi aapimï ïmo abïnakidaragai maaxi gïr aaduñi bïïtarï abïr aagada gobai dai abïnakiada gïr aaduñi— itïtïdai.

Hechos 16:34

Dai gokiïrï baidakai ïgai go Pabora ïmadï Silas gï kiiyamu dai bhibhi. Dai kïï bhai gï ïldatu go kïïrhi buaboitudakai dai aaduñdï ïpï kïï bhai gïn ïjïrhi ïpï.

Hechos 18:1

Dai gokiïrï jii Pabora Atenasañdïrï dai ayi xako Korinto tïgidu ïmo gïï kiiki.

Hechos 18:17

Bhodïrï bhakoi bïïxi óídakami ami dai bhïiyi ïgai go judidiu kiupaigadïrï bhaitï kïakami. Sóstenes tïgidukana go bhaitï kïakami ïgai, dai go óídakami bhïkai dai anaaxi dunukami buitapi gïikakarai. Daidi go dunukami Galión mos nïidi dai mai buamï ïrhidi.

Hechos 19:1

Daidi bhodïrï ïmo imidagai Apolos biitadai Korintoana dai Pabora oi gï imidaga xibhïakoga. Ukoidigana sïïrhi daibusai ïgai dai ayi xako Efesoana tïgidu bhaabhaki. Ami tïï ïgai chïki buaboitudadami.

Hechos 8:12

Dïï gokiïrï ami Samariana dibia Pirhi dai aiturhi óídakami buitapi go bhai ïrhiaragai aatagi. Aagidi ïgai ix dukatai tïanïi Diuxi dai aagidi ïpï Suxi aatagidï ix makïdï bhai ïrhiatudai odami. Dai óídakami ïïgida kaï ñokidï Pirhi dai gïn bapakoi muidutai, kïkïïrhi ïmadï oki.

1 Korintios 1:2

Idi ojai ïr gïn bïitarï aapimï buaboitudadami Korintoïrï óídakami. Aapimï gïn bïïtarï tudu ix makïdï ka ïkobai gïn darai Diuxi bïïna darakatai aapimï Suxi Kristo. Ïko darasadï aapimï Diuxi gïn bapaidakai ïgai ïmadï bïïxi go gaa buaboitudadami ïpï ix makïdï bïïxi aipakoga daanïiña Suxi Kristo. Suxi Kristo tudu ïgai daidi ïr Tïanïdamigadï bïïxkatai aatïmï buaboitudadami.

2 Korintios 1:1

Aanï ïr Pabora dai gïn otoxdi aanï idi ojai otosadïkatai aanï Suxi Kristo. Aanï ïr ïmo sïïrhikami biakami otosadïkatai Suxi Kristo tudu. Diuxi podukai ipïrhi kaxkïdï. Dai tami gin ïmadï daja Timoteo ix makïdï ïr gïr sukurhi Diuxi amadïrï ïpï dai gin soikïi gobai ibuadatai aanï idi ojai. Idi ojai ïr bïïtarï bïïxkatai aapimï buaboitudadami ix makïdï gïn ïmpaidiña ami Korintoïrï dai bïïxkatai go gaa buaboitudadami bïïtarï ix makïdï bïïxi aipako óídaga amïka Gresiïrï ïpï. Idi ojai ïr bïïxkatai aapimï gïn bïitarï ix makïdï ïr ïko bubaidadï Diuxi tudu. Ïmo biatuldaragai bïïxkatai aapimï gïn bïïtarï.

2 Korintios 1:23

Xibi gïn aagidamu aanï ix tuixidï maiti gïn dibiji aanï gamo Korintoïrï baasïki. Dai Diuxi ïr nïijadami sai buaboi aagai aanï. Maiti ipïrhiditadai aanï sai kabami gïn bhagaidagi kaxkïdï mai jii aanï gamoko baasïki.

2 Korintios 6:11

Gïr aaduñi Korintoïrï óídakami, kïï sïïrhi gïn ñokidi aatïmï idi ojiïrï dai maiti gïn ïxtokidi aatïmï toma lachi gïn oigïdatai aatïmï. Daiñi, naana maaxi ibuadana aatïmï gïn bïïtarï dai kïïga gïn mamaakaiña aatïmï ñoki ïpï ipïrhiditai ix maatïka aapimï xïï kïïga gïn oigïdai aatïmï. Kïïga gïn oigïdai aatïmï bïïxi gïr ibhïdagakïdï tudu. Dïï aapimï gia mai aadïrï gïr oigïdai podukai.

2 Timoteo 4:20

Xibi ka maiti gin ïmadï daraka go Erasto dai Trofimo. Go Erasto mïï Korintoana bii dai go Trofimo oidi kokodagai aidïxi mïï Miletoana darakatadai aatïmï xi kaxkïdï tudu amaxi bia aanï.