Hechos 18:14 - Northern Tepehuan Bible

¹⁴ Daidi Pabora ka ñokia agaitadai bai go Galión bhaitïkioma ño daidi itïtïdai ïgai go judidiu aidï, —Daiñi, xi ïr soimaaxi idukamikamudai go Pabora aidï gia gïn bhai gïn duiñdamudai aanï.

Tepehuan Northern: Diuusi ñiooquidʌ utuducami oodamicʌdʌ

¹⁴ Paavora cañiooquia agaitadai taidʌ ʌGalioñi itʌtʌdai ʌjudidíu: ―Dañi siʌrsoimaasi iducamicamudai goovai aidʌ gia bai gʌnduiñdamudai aanʌ.

Hechos 18:14 ပူးပေါင်းရင်းမြစ်များ

Mataibo 5:2

Dai maa Suxi ñoki daidi potïtïdai ïgai,

Markos 9:19

Taidi go Suxi soi gïrhi daidi potïtïdai go odami, —Kaxi aanï tïbïpi gin aaga dai gïn maatïturhi dïï modukai mai buaboitudai aapimï. ¿Xïï tïbïpi aagadamu tudu xi gïn ïmadï dakagi aanï kia? ¿Gï agadamu xi mos apia nïnïrakagi aanï xi buaboituda aapimï?— itïtïdai. —Bhaigobai buapa go arhi gïrhi tudu— itïtïdai.

Hechos 13:10

daidi itïtïdai, —Diabora maradï aapi dai bui kaatïkami aapi bïïxi sïïrhikami. Yaatabogami aapi dai mos bupuirumadai aapi odami. Daiñi, Diuxi ñokidï gia ïr buaboi dïï aapi mai sïïrhi aagai Diuxi ñokidï dai podukai bupuirumadai aapi odami.

Hechos 13:18

—Dai bhodïrï Diuxi apia soikïiña gïr aaduñi tomaxi ïr soimaaxi ibuadamikatadai ïgai oidigana óídakatai gokobhai umigi.

Hechos 21:39

Daidi Pabora itïtïdai aidï, —Cho, Judiu aanï. Dai mïï Cilicia oidigïrï busaikami aanï ïmo gïï kiiki Tarso tïgidukamiïrï. Mïkadïrï oidakami aanï— itïtïdai. —Gin oigïdakai tudu dai gin maaki oigaragai ix ñokida aanï go odami— itïtïdai Pabora.

Hechos 25:11

—Xi ïr buaboikagi xi ïr soimaaxi ibuadami aanï dai ix kaxkïdï gï aagadagi xi gin muatudagi, aanï mai ñokai. Dïï gia xi maiti ïr buaboikagi gobai ixdukatai gïpiïrï gin bupaimi idi judidiu aidï gia tomarhi ïmadutai mai bia sïïrhikami xi gin tïïgidagi ïgai. Kaxkïdï aanï mai imia in ïrhidi Jerusalenamu. Xibi gï tanïi aanï oigaragai bhaiyoma xi go gïï tïanïdami Romïrï daakïdï bhai duñagi idi aatagi— itïtïdai.

Hechos 25:26

Dai aanï mai maatï ixtumaxi ojidagi go gïï tïanïdami dai aagidagi ixtuma soimaaxkami idukami idi. Kaxkïdï gatïjai aanï mïsai buapana gobai tami dai gïn buitapi kïïsagi. Dai aapi Rey Agripa xioma ipïrhidi aanï xi aapi gatïkakagi ix tumaxi soimaaxi dui gobai nai podukai biakagi aanï ixtumaxi ojidagi go gïï tïanïdami Romïrï.

Romanos 13:3

Odami ix makïdï ibuayi ixtumaxi ïr sïïrhi mai bia ix tuixi ïbhiadagi go dudunukami. Dïï gia ix makïdï mai kïïga ibuayi ïgai gia bia xi ïbhiadagi. ¿Xioma mïx oidaka ïrhidi mai ïbhïiditai go dudunukami? Aidï gia gï agai xi iduñagi aapimï ixtumaxi ïr sïïrhi bai podukai go dudunukami kïïga ñokada aapimï gïn bïïtarï.

2 Korintios 11:1

Gin aaduñi, gïn aagidamu aanï xibi ïpï jaa aatagi dai maatï xi buirudagai dukai kaïka antaada aapimï dïï gia maiti abïr ojodatai kaïka gobai tomax dukai.

2 Korintios 11:4

Daiñi, kïï maatï aanï sai mai kïïga gïn nukadai aapimï dai asta bhai ïrhiarakïdï miadïgidiña aapimï tomax makïdï tïtïïgiadami ñoki ix makïdï gïn dibidagi. Kaïkana aapimï jaa ix makïdï ïma maaxi gïn tïtïïgidiña ñoki. Kaïkana aapimï ix makïdï ïma dukai aagaiña go Suxi Kristo tudu. Kaïkana aapimï tomaxi maiti ïr ïgalbaaxi aatagikagi ix makïdï gïn tïtïïgidiña aatïmï. Daiñi, ka bia aapimï Diuxi Ibhïadï gïn ïmadï dai ka buaboitu aapimï go bhai ïrhiaragai aatagi. Dïï gia bïïxkïrï kaïkana aapimï gamaakadami aatagi ix makïdï ïma dukai aagaiña Diuxi Ibhïadï dai ix makïdï ïma dukai aagaiña go bhai ïrhiaragai aatagi ïpï. Gatïtïïgidiña ïgai ïma maaxi ñoki tudu dai aapimï bïïxkïrï daadagitoiña ix gïn maakadagi ïgai ñoki dai bhai ïrhiarakïdï kaïkana aapimï. Mai kïï ibuayi aapimï pobuadatai.

Hebreos 5:2

Dai go bhaitï gukakamigadï go dadaxdadami soi gïn ïrhidiña nïiditai odami xïïxkadï ïmadutai mai maatïkagi ixtumaxi ïr kïïga dai kaxkïdï mai kïïga ibuadagi. Go bhaitï gukakami dadaxdadami ïr odamikana ïpïan dukai tomax tuma odami tudu. Dai kïïga maatïkana ïgai ix taadaga ïmoko xïxkadï mai gubuakagi go soimaaxkami buidïrï. Ïgai soimaaxi ibuadana ïpï tudu.