Hechos 17:32 - Northern Tepehuan Bible

³² Dai go odami ami ïmpaiñdaragïrï kaï go Pabora xi aagai ïgai ïmo kïïrhi ix makïdï muu dai ïpamu duakatu daidi jaa mos parunadan kaititadai kaïkai. Dïï gia jaa itïtïdai sai, —Ïpï daamïrï kaïkamu aatïmï bamioma gï aatagi, aapi Pabora— ikaiti jaa.

Tepehuan Northern: Diuusi ñiooquidʌ utuducami oodamicʌdʌ

³² Aidʌsi caʌ ʌgai coidadʌ duaacaradʌ ʌʌmoco mosparunai dai aa icaiti: ―Baiyoma isʌpʌdaamʌrʌ gʌraagida gomaasi ―ascaiti ʌoodami.

Hechos 17:32 ပူးပေါင်းရင်းမြစ်များ

Genesis 19:14

Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Lukas 14:18

Dïï bïïxkatai go bapaidarxikïdï mos aagidi go pioñi ix tuixi mai bhaiga ïgai ix iimiagi. Ïmoko potïtïdai, —Utudama sabïrhi aanï ïmo dïbïrai dai bia aanï xi mïï nïidagi. Aagidañi gï amu sai gin oigïdana dïï mai bhaiga aanï xi urabagi xibi— itïtïdai.

Lukas 22:63

Daidi go kïkïïrhi ix makïdï nukadakatadai go Suxi gïikarai dai parunaitadai.

Lukas 23:11

Dai go Herodes soi dukai tïï Suxi aidï dai go Herodes ïmadï sandadarugadï parunaitadai ïgai. Aadidi ïgai yukuxi kïï namïakami sai ïpïamaaxkana ïmo rey. Dai bhodïrï otosdi ïgai go Pilato ïpamu.

Lukas 23:36

Dai go sandadaru parunai ïpï. Miadïrï gugukigi ïgai dai daxdi binagre sai yïïdana.

Hechos 13:41

Kaïkabïrai aapimï parunadami, mai tïigimu aapimï ixdukatai gïn tïtïgitoagi nïiditai gin aaduindagai dai bhodïrï taiyïrï surhimu aapimï mos nïidakai in aaduindagai. Xadïrï buaboitudana aapimï gin aaduindagai ix makïdï iduñimu aanï kia óídakatai aapimï. Tomaxi jaa gïn aagidagi ixtumaxi idui aanï aapimï tomax dukai maiti ipïldamu xi buaboitudagi, ikaiti go ojai—. Dai amaxi kugaitu Pabora go aatagi.

Hechos 17:18

Dai ïïmadutai go ix makïdï kaï aatagidï ïr mamaatïtuldiadami jaa buaboidaragai ix makïdï epikureo dai estoiko tïtïgidukana buaboidaragai. Ïgai bui ño go Pabora aidï daidi ikaiti, —Go Pabora mai maatïtai ñokai— ikaiti. —Mai maatï aatïmï ixtumaxi gïr aagida ïrhidi gobai— ikaiti. Dai jaa ikaiti, —Gïr aagidadankaiti kaiti gobai xibhïadïrï óídakami diuxigadï— ikaiti. Go Pabora aagidiña aidï sai mutadai Suxi dai ka duakatutadai ïpamu, xi gokïdï go odami pokaititadai sai ïmai diuxi aagaiña ïgai.

Hechos 17:31

Daiñi, Diuxi ka dáí ïmo kïïrhi xi ïgai nïijadamu oidigi daama óídakami dai ïgai aagadamu ix makïdï ïr kïïga ibuadami dai ix makïdï ïr soimaaxi ibuadami. Kïï nïijadamu ïgai dai sïïrhi aagadamu. Dai Diuxi ka dáí ix tuma tasïrï pobï gï duñagai gobai ïpï. Kïï maatï aatïmï xi ïr buaboi ka agai gobai, Diuxi duakaturhi go kïïrhi ïgai aidïxi mutadai ïgai kaxkïdï— itïtïdai Pabora.

Hechos 17:33

Daidi busai Pabora abhai ïmpaiñdaragaiñdïrï dai jii.

Hechos 2:13

Dai jaa mos parunai daidi ikaitiña, —Arhiï nabaakoñi gobai ïrhi aanï kaxkïdï pomaaxi ñokai— ikaitiña.

Hechos 24:25

Ga aagiditadai ixdukatai sïïrhi oidakagi dai ix dukatai nukadakagi gï tïgibudaga. Dai aagidi ïpï sai maatigian dukai ayi agai ixtuigako Diuxi aagada agai ix makïdï odami ïgai dai biakamu gïgïbidaragai. Dai duadimu go Felix kaïkatai aatagidï Pabora daidi itïtïdai aidï, —Kïïgadu xibi bïïtarï. Imïdañi. Ïpï daamïrï xudu biakagi aanï tasai gï otosdamu aanï ñoki pïx dibiagi— itïtïdai.

Hechos 25:19

Mos bui ñokaiña ïgai ïïgi gïn buaboidaragaikïdï. Pokaitiña ïgai sai go Pabora mai xadutudaiña gïn buaboidaraga dai aagaiña ïgai ïmo kïïrhi mukiadï Suxi tïgidukami ïpï. Pabora pokaiti sai duaka go Suxi kaxkïdï mai bhai gïn ïrhidi ïgai— itïtïdai Festo.

Hechos 26:8

Dai bhodïrï Pabora ñokidi go judidiu daidi itïtïdai, —¿Ix tuixidï aapimï judidiu pokaiti sai mai buaboitudai aapimï ix Diuxi duakaldana koidadï?— ikaiti Pabora.

1 Korintios 1:23

Dïï aatïmï mai sastudakami dukai ñokaiña dai bhaiyoma mosïkaxi aagaiña aatïmï Suxi Kristo ix makïdï kuruxiana gï xixatu. Kaxkïdï mui odami mai buaboitudai gïr aatagi. Go judidiu mos bhakoikana aagaitai aatïmï Suxi Kristo. Dai go ix makïdï maiti ïr judidiu mos buirudagai dukai kaïkana gïr aatagi.

1 Korintios 15:12

Dai aatïmï ojotosadï Suxi kïïga gïn aagidi sai duakatu go Suxi. ¿Kaxkïdï tudu ix tuixi pokaiti ïïmadutai aapimï sai mai duduakarïi koidadï?

1 Korintios 4:10

Daiñi, aapimï pupuirugami dukai gïr nïidi aagaitai aatïmï Suxi Kristo dai sastudakami gïn ïrhidi ïïgi aapimï. Soi dukai gïr nïidiña aapimï. Dai pobïnïrhidi aapimï sai ïr gïgïrdukami aapimï jaa bïïtarï. Kïïga gïn xadutudai odami tudu dïï aatïmï gia maiti gïr xadutudai ïgai.

2 Korintios 6:2

Daiñi, Diuxi ikaiti ïïki sai, Aidïxi ayi ixtuigako kïïgakïrï bubuakiagi aapimï óídakami kïïga gïn kaï aanï gin daanïitai aapimï. Dai amaxi gïn soi aanï, ikaiti Diuxi. Kïïga abïr kaïka ixtumaxi gïn aagidimi aatïmï tudu. Daiñi, Diuxi ka bhaigobai otoi gïr kïïgakïrï bubiadamiga dai gïr maaki ïrhidi go kïïgakïrï bubaidaragai. Gobai itïiya ïrhidi sai Diuxi ka bhai dui bïïxi aïkatai ix tumaxi gï agai saidi kïïgakïrï bubuakïna bïïxi óídakami tudu.

Hebreos 11:36

Go óídakami parunaiña jaa dai asta gïbaiña ikixanaikïdï dai bupuraiña kadenakïdï dai maamaixapaiña. Dïï bïïxkïrï apia buaboitudaiña ïgai.

Hebreos 13:13

Go óídakami soi dukai nïidiña go Suxi tudu dai kaxkïdï soi buididi podukai maigobai busaidakai go kiikiañdïrï. Kaxkïdï tï tai ïpïan dukai soimaaxi taata Suxi soi dukai gïr nïiditai jaa urabakatai aatïmï Suxi. Tï oijada Suxi tomaxi maigobai ïkobai gïr bubiadan duñagi óídakami soi dukai gïr nïiditai.