Hechos 17:25 - Northern Tepehuan Bible

²⁵ Xadïrï gï dagitona Diuxi xi odami soikïdagi. Ïgai mai tïgito ixtumaxi di. Ïgai tudu dai gïr maakai bïïxkatai gïr iibhïdaga dai gïr ibhïkiga ïmadï bïïxi aïkatai ixtumaxi— itïtïdai Pabora.

Tepehuan Northern: Diuusi ñiooquidʌ utuducami oodamicʌdʌ

²⁵ Ʌgai maitʌgito isivuaadagi oodami tomali ʌmo istumaasi ʌgai vʌʌtarʌ. Ʌgai vaa ʌrʌgai ismaacʌdʌ gʌrmaacai ibʌdagai dai ʌvʌʌli dai vʌʌsi istumaasi.

Hechos 17:25 ပူးပေါင်းရင်းမြစ်များ

Genesis 2:7

Bhodïrï Diuxi Gïr Nukadakami idui ïmo kïïrhi dïbïraikïdï dai buxta dakadïrï bai abhiadïrï ka ibhïiba kïkiba ïgai.

Mataibo 5:45

Podukai maaxitudamu aapimï jaa buitapi sai buaboikïdï ïr maamaradï aapimï Diuxi gïn Oga ix makïdï tïbagiana daja. Ïgai gia kïïga buididi go buidïrï bïïtïkamigadï tudu. Ïpïan ïxi otosai ïgai tonorhi kïï tutiakami bïïtarï dai ix makïdï mai kïï tutiakami bïïtarï ïpï. Dai ïmadugan ïxi dukitudai ïgai go mai kïï tutiakami dai go kïï tutiakami ïpï— itïtïdai.

Mataibo 9:13

—Kaxkïdï gï agai sai maatïkagi aapimï ix tïiya ïrhidi Diuxi ñokidïrï xako ikaiti sai, —Aanï Diuxi ipïrhidi sai soi gïn ïrhiadagi odami jaa bïïtarï mai pokaxi aagai aanï go naana maaxi daxdaragai ix makïdï ibuayi odami gin bïïtarï— ikaiti Diuxi ñokidï. Gobai gï agai xi maatïkagi aapimï. Gï agai tudu xi maatïkagi aapimï sai aanï dibia mai xu bapaida iñagaitai odami sai gin urabana ix makïdï ïïgi kïï buañixikami gïn aagai iibhïadï. Bapaidimi aanï odami ix makïdï kïï maatï saidi ïr soimaaxi ibuadami tudu— itïtïdai.

Hechos 14:17

Dïï tomaxi pobuadana ïgai Diuxi bïïxkïrï gï mamaaxidi ix ïr kïï tuigakami ïgai. Ïgai kïïga otosaiña duki bai kïïga bañidana odami ïïxidï. Idui ïgai sai kïïga bhai gï buadana kuadagai bai biaka aatïmï gïr bhai ïrhiaraga— itïtïdaimi Pabora ïmadï Bernabe.

Hechos 17:28

Diuxi gubukadadïkïdï tudu duduaka aatïmï dai ajiopai dai óídaga. ¿Mai ix pokaiti ïmadutai gïn aaduñi ix makïdï ïr ojadami? Ïgai oja ïmo xigian kaitikïdï ñoki daidi ikaiti, —Aatïmï ïr maamaradï Diuxi ïpï— ikaiti.

Romanos 11:35

Tipu xorai maakiagi ixtumaxi Diuxi xi podukai Diuxi buatulda biyagi.

1 Tomoteo 6:17

Aapi Timoteo, aagidañi go buaboitudadami ix makïdï gïn bipidaka sai mai gïgïrdukïdï gïn ïrhiada naana maaxi biakatai tami idi oidigi daama. Maiti gï agai xi buaboitudada ïgai buxtuidadï tudu po ïrhiditai xi gobai ïr soiñigadïka agai. Bïïxi gobai ugitimu tudu. Kaxkïdï gï agai bhaiyoma xi buaboitudada ïgai Diuxi. Ïgai ïr soiñigadï di. Ïgai gia mai ugiti agai dai ipïrhidi xi bhai gïr ïrhiada aatïmï. Kaxkïdï gïr maa ïgai mosïï ïï naana maaxi ixtumaxi bia aatïmï.